Hello，大家好，我哋係由韓國人話你知每日最新資訊嘅Creatrip。
#露宿者 #執口罩
#COVID-19 #新冠肺炎
韓國喺上個月24號起宣佈要戴口罩義務化之後，對於露宿者嚟講可以話係一個好嚴重嘅問題。
一日三餐都未有溫飽，加上依家口罩問題，佢哋只可以執垃圾桶嘅口罩重用。
小編睇到都覺得好心痛，到底韓國政府又會唔會喺呢方面加強保護去著手呢？
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
韓國露宿者執垃圾桶口罩
近日有報導指出：「最近好多露宿者會翻垃圾桶收集口罩，呢件事為國民帶嚟唔少衝擊。」
對於露宿者嚟講，一日三餐溫飽已經係問題，依家再要買口罩實在太有負擔。
所以佢哋先會去垃圾桶收集口罩再重用。
記者問：「喺邊度得到呢個口罩？」
露宿者：「呢個口罩我係執返嚟，執完之後我有用番梘洗乾淨先再用。」
記者再次問：「係唔係因為口罩太貴，所以唔再買呢？」
露宿者答：「因為我冇錢，連食個杯麵嘅錢都冇。」
依家口罩喺韓國市值大約最平500won～1000won一個。
對於露宿者嚟講，可以話係一個巨大負擔。
依家口罩對於我哋嚟講，可以話係息息相關，己經係我哋生活日常必備用品一份子。
不過對於露宿者嚟講，比起口罩一日三餐溫飽更加成大問題。
依家希望韓國政府可以正視呢個問題，疫情先會有被控制嘅一日。
參考文章 : Newsnack
✨馬上Follow我哋IG
instagram.com/creatrip.hk
| 其他延伸閱讀 | |
 戴口罩義務化 |  20代疫情煩惱 |
