暴雨淹沒大田

來源：연합뉴스

根據大田氣象廳記錄，由尋晚六點到今朝九點，大田錄得累積191.5毫米降雨量，雞龍、論山、天安（星居、世宗同錦山都有過百毫米降雨量)。

截至今朝為止，大田已經有兩個人因水災死亡，55座公寓、28戶住宅、85架車被淹沒，損失慘重。

來源：연합뉴스

一個住喺大田嘅50幾歲男性，居住嘅公寓一樓被水淹沒，不幸溺水，經救護人員急救後，送醫宣告不治。

另外有高爾夫練習場地下室被水淹沒，居民為清理淹水觸電死亡。

為防止類似事故發生，當局已經暫停向水浸地區供電。

來源：뉴스프리존

當局全面管制河堤道路出入， 並撤離住喺河川附近嘅居民。

另外，為防止釜山地下車道多人浸死慘案再次發生，多條大田地下車道已禁止車輛出入。

大田一帶嘅鐵路被水淹沒，多班列車停駛。

韓國鐵路公社透露，KTX大田沿線路軌被水淹沒，令列車服務受影響。

KTX大田沿線路軌已經喺今朝完成搶修，但其他火車路線仍未完成維修。