Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃SM免稅店
＃仁川機場＃鐘閣店
＃關閉 #結業 ＃疫情
因新冠疫情影響，全世界觀光業幾乎癱瘓。
好多人嚟到首爾，一定會行嘅鐘閣、仁寺洞SM免稅店，亦都喺今年4月底結業。
剩底嘅仁川機場SM免稅店，亦傳出即將撤出機場免稅區嘅消息，令唔少人都覺得遺憾。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
SM免稅店結業
來源：뉴스핌
SM免稅店相關人員透露，將放棄延長經營仁川機場第一航廈免稅店嘅合約，而原本嘅合約會喺今年8月31號到期。
呢個決定亦預告咗仁川機場第一航廈，SM免稅店將會結束營業。
早喺4月底，位於仁寺洞、鐘閣站附近嘅SM免稅店，亦因為承受唔住疫情帶嚟嘅衝擊，劃上句號。
來源：뉴스핌
當初SM免稅店計畫結束仁寺洞、鐘閣店之後，集中經營仁川機場一航、二航。
點知最後都係宣告失敗，成為仁川機場第一航廈第一個宣布退場嘅大型企業，預計之後有可能會帶嚟連環骨牌效應。
南韓政府原先只針對入駐仁川機場嘅公共企業提供紓困補肋，但經過反應同協調之後，中小企業同中堅企業，都將可得到75%或者50%不等租金減免。
即使有減租都好，大部分免稅店仍然承受唔住，遊客大減收入下滑、高額租金雙重痛苦。
據了解，SM免稅店要退出機場，需要畀巨額違約金。
樂天免稅店喺2018年，搬走仁川機場部分賣場時，亦都畀咗1,870億韓元（約120萬港幣）違約金。
SM免稅店人員表示，如果依家直接撤走，違約金可能會導致公司破產。
雖然因為臨時紓困措施，到今年8月為止，租金已經降低50%以上，但大部分免稅企業擔心嘅係9月之後疫情仍然嚴峻，遊客仲係冇辦法嚟韓國。
SM免稅店宣布退出第一航廈，預計會帶嚟連鎖反應，導致免稅店裁員、撤櫃，機場成為空城。
| 其他延伸閱讀 | |
 SMTOWN關閉 |  SM星期六試鏡 |
