Hello，大家好，我哋係由韓國人每日提供最新韓國旅行資訊嘅Creatrip。
雖然韓國人係好鍾意飲酒，不過唔係個個都咁飲得㗎！今日小編想同大家介紹下酒量冇咁好，等緊大家做「黑騎士」幫佢哋飲嘅8位男IDOL，想知有邊8位，咁就要繼續睇落去啦！
想代佢哋飲酒嘅8位男韓星
1. BTS - J-hope
인사이트
如果講到BTS成員邊個最飲得，大家都應該會第一時間諗起Jimin，不過問到邊個最唔飲得，可能會係大家都意外嘅J-hope，至於點解會覺得意外？因為佢可以作到一首Dionysos（酒神）嘅曲，但實際佢只要飲少少，成塊面就會紅哂。
最多飲：3杯燒酒
2. BTS - V
인사이트世界美男冠軍BTS成員V，其實佢一直以嚟都唔鍾意食或飲苦嘅嘢，所以以前就算同成員一齊去聚餐，都只係會飲汽水。不過隨住成日同fans一齊開V Live，佢而家可以升lv飲到2支水果燒酒。
最多飲：2支水果燒酒
3. EXO - 伯賢
아주경제
對於點解咁多人會鍾意食炸雞+啤酒（치맥），伯賢話真係好唔理解，因為佢一直都覺得炸雞+可樂先係最夾，佢只要飲2杯燒酒就會成個身都紅哂，而且會覺得好怕醜，如果佢扚起心肝要像，最多係可以飲到1支半，不過...飲完就要即刻返屋企哈哈哈。
最多飲：1支半燒酒
4. GOT 7 - Mark
뉴스줌
Mark只要飲一杯塊面就會紅卜卜，所以平時都唔太飲，不過曾經同隊成員榮宰就爆出，曾經佢哋兩個一齊去bar飲酒，Mark一feel到自己塊面紅，就同佢講：「係時候要走啦」。唔知點解聽到呢句，小編覺得Mark真係好得意同搞笑，小編唔介意做你嘅黑騎士哈哈。
最多飲：1杯燒酒
5. NU'EST - 白虎
Dispatch
自從NU'EST上完《Produce 101》之後，真係得到唔少人嘅支持，好多人都覺得點解佢哋之前唔紅，好可惜！不過果然皇天不負有心人！因為佢哋一直嘅堅持係冇白費到，而家仲陸陸續續係電視、音樂劇都見到佢哋出現。大家可能以為NU'EST入面，白虎睇落去大大隻，應該係最飲得。咁諗就錯啦！佢曾經喺飛機上飲一杯紅酒，佢拎住隻匙羹問人哋隻匙羹到底去咗邊度，大家可能都會𢲷哂頭。其實.....佢唔係想搞笑，而真係因為真係飲醉咗....
最多飲：2杯燒酒
6. NU'EST - 旼炫
톱스타뉴스
比起白虎，旼炫更加唔飲得，唔知大家仲記唔記得當時仲係Wanna one嘅佢，雖然有拍過啤酒廣告，但實際當時佢飲嘅唔係酒，而係大麥茶。比起酒同咖啡，佢更加鍾意飲汽水同西柚汁。
最多飲：2啖燒酒
7. MONSTA X - 民赫
아이돌왕
Monsta X成員民赫真係唔太飲酒，以前佢試過一口氣咁飲半杯，點知成個身都紅哂，而且一直會覺得好熱。
最多飲：2杯燒酒
8. UP10TION - 鎭赫
이투데이
因為細個嗰陣做過手術，所以從來都唔會飲酒或咖啡，甚至係食煙。不過佢絕對係一個大食家，自己一個都可以食兩大份Pizza，就算食完都唔會肥（小編由細到大嘅夢想）。
雖然唔飲得酒，但佢就好鍾意飲香蕉奶，每次一飲就要飲2樽。
最多飲：0杯
唔知除咗以上8位男韓星之外，大家仲諗唔諗到邊位都係唔太飲得嘅呢？歡迎大家留言話比小編聽！ 小編真係唔介意做哂佢哋嘅黑騎士嘻嘻。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
