Hello，大家好，我哋係由韓國人每日提供最新韓國旅行資訊嘅Creatrip。
韓國Kpop產業影響力龐大，每一年都有好多團體出道，但成功獲得關注嘅人唔多。為咗吸納人才，每年各大公司都會舉辦大型選秀，當中包括韓國以外嘅地區選秀。就連韓國人都好難出道嘅韓國演藝圈，點解好多團體都會加入非韓國籍嘅成員呢？除咗擴張市場以外，仲有咩原因呢？一齊睇落去啦！
Kpop市場
Blackpink @ YG Ent.
韓國喺近十年，積極擴展Kpop產業，加入外籍成員嘅第一個原因係語言。唔單止要喺韓國市場佔一席位，透過加入其他語系嘅成員，擴展外國市場。大家試諗下，一個團體入面有識中文、日文、泰文、英文等外語嘅成員，係咪就可以同Fans有更多交流呢？
Twice @ JYP Ent.當然公司都可以請翻譯，成為藝人同Fans交流嘅橋樑。不過比起翻譯，成員入面本身有自己國家嘅成員，Fans一定會覺得更親切。
NCT 127 @ SM Ent.
CLC @ Cube Ent.
韓國娛樂產業意識到：喺韓國有人氣，唔等於喺世界有人氣。近十年嚟韓團積極加入外籍成員，令Kpop喺歐美、日本同其他亞洲國家嘅競爭力逐漸升高。
Amino Apps
例如，韓團NCT加入成員Lucas嘅時候，就成功獲得香港人關注。因為佢係第一位成功喺SM出道嘅香港人，就算係一啲冇關注Kpop嘅人，都可能因為「啊，呢個團入面有香港人！」，而有啲印象。
BamBam & Lisa （泰國）
中國市場之外，現今KPOP發展得最好嘅國家就係泰國。GOT7 BamBam、BLACKPINK Lisa等泰籍藝人，前後都喺泰國爆發超乎想像嘅人氣，係Kpop打入東南亞市場嘅一大關鍵。
文化差異？
(G)I-DLE Minnie （泰國）@CUBE Ent.
韓國公司喺揀團員嘅時候，限於「韓團」嘅形象，會以亞洲面孔為主，喺中國、日本、泰國、台灣積極搵人才加入。另外，呢啲外國成員講韓文嘅時候，令好多韓國人覺得佢哋可愛，給予關注。
雖然間唔中有外籍成員講韓文嘅口音，被人取笑，令少數Fans不滿，但其實對韓國人嚟講，能夠令呢啲外國人學習韓文、講韓文，係一件相當值得驕傲嘅事。
Seventeen Joshua （美籍韓裔）@Pledis Ent.
Twice Mina （日本） @ JYP Ent.
好多非韓國籍嘅成員，因為獨特嘅個性，加上對韓國人嚟講相當新鮮嘅文化差異，吸引更多關注。
實力同資源
IZ*ONE宮脇咲良（日本）@Stone Music 放眼亞洲，普遍公認韓國演藝圈嘅質素相當高，外貌、歌藝、舞蹈，甚至係Marketing，都達到相當成熟完美嘅地步。生得好睇並唔夠，佢哋仲要經過幾年嘅練習生時間，先可以展現到耀眼嘅光芒。每個藝人出道前，都需要接受相當程度嘅歌舞訓練，外籍成員更要花時間學韓文。實力、外貌俱備，但外國成員可唔可以同韓國人正常交流，或者創造新聞話題都非常重要。
NCT YUTA （日本）@ SM Ent.另外，對韓國人嚟講，女偶像或者男偶像嘅形象同長相，都有個籠統嘅模版，好多人都會嘲諷韓團係複製人，個個一樣。所以，加入外籍成員可以令團隊變得多元，佢哋唔係韓國人，所以有「韓國人冇遇過」嘅外表、風格、特質。以政治不正確嘅方式嚟講，韓國人可以容忍呢種差異，其實就係因為「你唔係韓國人」。
NCT WinWin （中國）@SM Ent.
外籍成員雖然有好多優點，但一直以嚟都有一個問題，就係經紀公司資源分配唔公平，好多韓團嘅韓國成員會比外國成員有更多演出機會。
作為一個偶像，佢哋需要付出相當多努力同代價，對外籍成員嚟講，佢哋要行嘅路更加艱辛，需要FANS多多支持。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
