Hello，大家好，我哋係由韓國人話你知每日最新韓國資訊嘅Creatrip。
＃昌珉＃結婚
＃東方神起＃最強昌珉
最新消息，2003年出道嘅東方神起團員昌珉（最強昌珉），啱啱透過Fans Club，以手寫信宣布婚訊，即將喺9月就會成為人夫。
✨馬上Follow我哋IG
instagram.com/creatrip.hk
昌珉公佈婚訊
最強昌珉喺上年12月公佈同緊圈外女友拍拖之後，今日（12號）就突然宣佈要結婚！
佢信入面有寫到，依家同女朋友互相信賴、關係一直都keep得好好，所以決定要同女朋友共度人生，同時亦決定喺今年9月進行婚禮。
以下係昌珉嘅手寫信：
『
大家好，我係東方神起嘅昌珉。
我有說話想直接同各位Fans講，所以鼓起勇氣寫呢封信。因為內容唔簡單，所以我依家寫緊嘅一字一句都好緊張。對於仍然仲有好多不足嘅我，多謝一直愛我嘅Fans，呢個咁突然嘅消息，大家可能會好驚訝或者遺憾，我覺得好對唔住，心情亦都好沈重。但對於愛我嘅Fans嚟講，呢件大事唔應該由其他人口中話畀大家知，所以我決定親自寫信公布。
以歌手身分出道已經有17年，由一開始仲係中學生，不知不覺到依家30歲中期，我嘅生命幾乎有一半時間都係以「東方神起團員」身分生活緊。
依家諗返起，雖然允浩同我以及各位Fans，都曾經因為「東方神起未來會變成點」而覺得不安過，但Fans一直都畀好多愛我哋，令到我可以一直健康成長到依家，真係要衷心感謝支持我嘅每一位。
相信大家如果有睇新聞都知，我有一位圈外女朋友，我同佢都好信任對方，所以我決心想同呢個共度餘生。我哋會喺9月舉行婚禮。
我想喺到多謝一直支持我嘅允浩哥，以及真心祝福我嘅公司同事，透過呢篇文章再次表示我嘅謝意。
我認為我要行嘅路，比起之後會發生嘅事，我有更大嘅責任感。所以我決定要做更正確嘅事，每一刻都會竭盡全力，為咗可以報答一直支持同鼓勵我嘅各位，我會成為一家支柱，同繼續做東方神起嘅昌珉。
最近天氣越嚟越熱，大家一定要注意身心健康。真心多謝睇哂呢封信嘅大家。
』
✨馬上Follow我哋IG
instagram.com/creatrip.hk
| 其他延伸閱讀 | |
 酒量極高男韓星 |  允浩口罩獲專利 |
