哈囉，大家好，我哋係由韓國人話你知每日最新韓國資訊嘅Creatrip。
＃ 韓國新聞 ＃地鐵
＃唔好擘大隻腳坐
＃影響其他人
相信大家無論去邊到都好，只要係搭地鐵或者坐其他交通工具嘅時候，都好唔鍾意同陌生人逼住坐。
正常唔熟嘅話，都會縮埋一邊，避免自己同其他人有身體接觸，但仲係有少部分人，一坐底就會擘大隻腳咁坐。
可能佢哋唔為意，覺得冇咩事，但其實呢個行為真係好乞人憎，而且仲會影響其他人。
韓國為咗可以令人有改善，佢哋最近推出咗「端正坐姿」運動。
✨馬上Follow我哋IG
instagram.com/creatrip.hk
地鐵座位區貼紙
無論係搭地鐵定巴士都好，相信大家都試過，隔離陌生人擘大隻腳咁坐嘅情況，可能佢哋會覺得係無心，但其實就影響咗人都唔知。
著長褲可能感覺都還好，但如果好似依家夏天咁，多數人都著短褲或短裙出街，肉貼肉嘅真係好難受。
來源：仁川交通公社所以仁川交通公社在5月底，喺仁川地鐵1號線、2號線，開始咗「端正坐姿」活動。
喺每個位前面都會貼上一張貼紙，雙腳只可以喺貼紙框入面，大家就唔會再擘大隻腳坐 ，影響左右兩邊乘客。
目前仁川1號線96個車廂，仲有2號線170個車廂都已經貼上貼紙，之後慢慢會擴大範圍。
小編覺得呢個貼紙幾唔錯，希望之後各大地鐵都可以有呢個貼紙啦！
✨馬上Follow我哋IG
instagram.com/creatrip.hk
| 其他延伸閱讀 | |
 地鐵強制戴口罩 |  首爾地鐵早收工 |
