Hello，大家好，我哋係由韓國人每日提供最新韓國旅行資訊嘅Creatrip。
喺八十年代，華人電影或者歌，可以話對韓國有好大嘅影響，當時好多韓國人都好鍾意睇香港電影，同聽廣東歌。其中唔少香港明星喺韓國都創下紀錄，大家又估唔估有邊幾個呢？一齊睇落去啦！
喺韓國出道嘅香港明星
1. 張國榮
講到第一真係非哥哥張國榮莫屬，喺80年代，哥哥可以話係風摩全城，唔單止受到唔少香港人愛戴，韓國人氣更係一啲都唔弱。哥哥喺嗰時，可以話係韓國最受歡迎外國明星之一，同時係第一位享譽韓國樂壇嘅華人歌手。
當時哥哥新專輯《愛慕》喺韓國大賣20萬張，創造華語唱片喺
哥哥其實喺韓國都拍過廣告，成為TO YOU朱古力代言人。廣告一出，朱古力好快就俾人搶哂，同時銷量大升300幾倍，一跳成為市場No.1朱古力。
當時全智賢同宋慧喬都係哥哥嘅Fans，睇下全智賢笑得幾開心！
2. 周潤發
當年周潤發拍嘅《英雄本色》系列可以話係影響唔少韓國人，好多人都會學佢打扮。當時發哥更加成為韓國國民飲品「Milkis」代言人， 廣告中發哥嘅一句我愛你，更加冧到唔少女。
就連韓國國民MC劉在錫都係發哥fans，每次runningman一播「當年情」，佢都要爭住唱，發音仲要幾唔錯添！
3. 劉德華
同樣地華仔同哥哥一樣都係代言To You朱古力，仲同埋大長金李英愛一齊拍添！雖然對比哥哥冇咁大迴響，但係喺韓國人心目中，華仔都好有地位，仲好記得當年華仔喺MAMA到頒獎，歡呼聲絕對唔會少過韓星 。
4. 黎明
唔講唔知黎明喺韓國都拍過兩個廣告，一個係Crown Couque Dasse餅乾，另一個係sexymild洗頭水。對香港人嚟講佢每一句金句都令人印象深刻，但韓國人就覺得佢風度翩翩，唔少韓國後輩都以佢為偶像。
之前宋慧喬去香港宣傳都特登去搵黎明聚舊，可見佢哋有幾咁老友。
八、九十年代張國榮、周潤發、劉德華、黎明等唔單只喺香港人心目中好有地位。唔少韓國人都好敬仰香港明星，更加覺得香港係一個好地方。為咗可以比韓國人覺得香港仲係一個好地方，我哋要好好繼續守護。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
