Hello，大家好，我哋係由韓國人話你知每日最新韓國資訊嘅Creatrip。
＃2020韓國國會選舉
＃南韓選舉＃執政黨大勝
＃有趣現象＃韓國文化
2020年嘅南韓國會大選結束，國會議員300席入面，文在寅政府所屬嘅共同民主黨，同埋所屬衛星政黨嘅共同市民黨，獲得一共180席次，大獲全勝，奠定未來兩年全面執政嘅基礎。
保守主義嘅未來統合黨、未來韓國黨，就分別獲得84席、19席次。
之前就介紹過香港同韓國嘅選舉有咩唔同，今次就講下韓國開票～
每次韓國開票都好似個創意大實，三大台鬥玩特效！一齊睇下啦！
✨馬上Follow我哋IG
instagram.com/creatrip.hk
韓國選舉開票
1. 開票轉播
MBC
KBS
KBS
韓國三大台喺開票當日，都會特登起一個直播室。
KBS今年除咗喺電視台入面轉播之外，仲嘅汝矣島國會前面，起咗個超華麗嘅攝影棚。
KBS
主播會喺直播室為觀眾即時講解。
2. 創意特效
MBC
講解特定選區入面膠著嘅選情個陣，會用相當清楚、一目了然嘅設計畀觀眾知道現時比票，背景嘅動畫都做得相當好㗎！
MBC
計算該地區嘅政黨票數個陣，MBC就效咗當地嘅特色落特效。
例如釜山用廣安大橋，京畿道就用水原嘅城門。
MBC
韓國三大台喺開票嘅特效上，用咗好多心機去整唔同嘅動畫。
例如MBC會用賽跑比喻兩個候選人嘅得票差距。
MBC
MBC
MBC
MBC嘅開票特效今年整得唔錯，有好多唔同花款，吸引唔少人睇，又唔會齋講數字咁無聊。
小編最鍾意下圖個款，兩個候選人對決個陣，得票多寡，會換成當地特色美食嘅份量。
美食份量越多，得票就越多。
MBC
MBC
MBC
由上而下分別無全羅北道嘅全州（拌飯）、濟州島（海鮮）、全羅南道嘅羅州（牛骨湯）。
MBC今次有唔少人讚，但收視率無無線台最低，只有6.65%。
KBS嘅開票特效就冇咁引人注意，只有一啲基本嘅小動畫。
KBS
KBS
兩個候選人嘅背景放咗該選區嘅特色，非常用心。
SBS
SBS嘅投票特效相當幽默，兩個候選人一前一後，邊個贏就會領先。
SBS
SBS
3. 投票時間
來源：연합뉴스
其他國家嘅選舉好多都因為新冠肺炎疫情延期，但韓國除咗如期舉行，仲保障確診者、居家隔離嘅人嘅投票權。
除咗4月15日當日06:00至18:00可以投票之外，仲有事前投票，更設立戶外投票所，畀確診者投票。
居家隔離嘅人就統一只可以喺17:20到19:00投票。
結束後，連同上個星期六日事前投票嘅選票，一齊開票。
4. 開票時間
MBC
大家都知，香港選舉開票會喺投票結束開、票站閂咗之後開始，通常第二日天光之前就會完。
不過，韓國有分事前投票，同埋「不在籍投票（你身分證登記戶籍喺首爾，但可以喺全韓國任何一個開票所投票）」。
所以計票比較覆雜，韓國今次開票時間用咗超過了12個鍾，一路開到4月16日朝早10點幾先全部開完。
據了解，今次選票長度係48.1公分，用唔到自動分票機計票，全部都要用人手計算，先會令成個開票時間拉長。
KBS
韓國人嘅政治參與度非常高。
加上韓國三大台互相競爭，各自花心思去整唔同嘅特效開票，吸引更多市民睇。
小編覺得真係幾有趣，唔會齋睇數字咁普通。
不過，香港市民想知道開票結果，除咗可以睇新聞、網媒之外，仲可以親自去監票，一手知道開票結果。
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 韓國選舉文化 |  住韓國真的好嗎 |
