望遠「鐘路雞林辣雞湯」介紹-首爾/韓國（Creatrip）

Hello，大家好，我哋係由韓國人話你知每日最新韓國資訊嘅Creatrip。

＃望遠洞＃望遠市場
＃望遠市場美食＃一隻雞
＃辣燉一隻雞＃美食推薦
＃雞林辣雞湯＃蒜味辣雞湯

望遠係個弘大附近嘅小區，最出名嘅就係呢度有個望遠市場。

其實唔單止係咁！望遠站嘅美食可以話係臥虎藏龍，平得嚟，又好好味。

小編今日去咗一間位於望遠站隔離嘅「鐘路雞林辣雞湯店」。

呢間連鎖店啲味道，就連白種元老師都話好食！快啲放入list度，下次一齊嚟食下啦！

望遠「鐘路雞林辣雞湯」

望遠地區地圖，標記了鐘路雞林辣雞湯店和望遠站位置

鐘路雞林辣雞湯店的外觀，正門招牌展示

鐘路雞林辣雞湯店內的食用指南和展示板

望遠站2號出口出嚟之後，喺第一個巷口右轉嘅右前方，就會見到黑色招牌嘅鐘路雞林辣雞湯。

呢間係韓國相當出名嘅辣雞店，有別於一般清淡口味，可以話係一隻雞嘅微辣版。

而且白種元老師都有去過「雞林辣雞湯店」，係當地一間好多人推薦嘅美食嚟㗎！

鐘路雞林辣雞湯店的菜單，展示各種可選擇的餐點和價位

菜單方式非常簡單，按照人數叫就得，2人叫小、3人叫中、4人叫大，份量都幾多，可以再加麵、白飯一起煮嚟食。

鐘路雞林辣雞湯店的蜂蜜配菜碟，包含醃蘿蔔和芽菜

上菜嗰陣會俾埋醃蘿蔔、芽菜。

記得芽菜係要一齊放入去煮，雖然生食都可以……

正在熬煮的半雞辣湯，鍋中有年糕、葱和搭配的配料中份

鐘路雞林辣雞湯，鍋內內容豐富，顯示新鮮的食材

非常傳統嘅鍋入面裝滿咗雞湯同料，上面嘅蒜頭唔會太辣，而且有畫龍點睛嘅效果，令成個湯嘅香氣更濃厚。

大家可以跟住白種元老師嘅教法，先挖一啲蒜泥整成沾醬備用。

韓國傳統蒜蓉醬油，混合著蒜蓉和醬油的獨特味道

正在烹煮的半雞辣湯，鍋內充滿香嫩的雞肉和配料

煮滾咗之後就可以準備食啦，小編有再加烏冬落去煮。

除咗上面嘅辣湯版本，怕辣嘅朋友，可以叫番一般口味㗎～

鐘路雞林辣雞湯店中鍋內的年糕與雞肉，燉煮入味

鍋入面有年糕、薯仔、雞肉，加埋所有材料嘅精華煮成嘅湯頭，實在令人食指大動。

比起一般清淡嘅一隻雞，呢種辣味一隻雞食落更加惹味。

飯後的炒飯，混合了醬油、芽菜和其他配料

食客在鐘路雞林辣雞湯店內的用餐區，整潔的氛圍

「鐘路雞林辣雞湯店」係一間非常地道、韓國人好鐘意嘅餐廳。

蒜蓉喺鍋入面煮到冇晒辣味，只有蒜香味，加埋已煮到入晒味嘅材料，會食到停唔到口。

以價格嚟講，份量相當多，CP值都幾高，想食地道嘅一隻雞，又唔想去觀光客名店，又想食下辣嘢朋友。

真心推薦嚟望遠站隔離嘅「鐘路雞林辣雞湯」，或者可以去就腳嘅分店。

呢度唯一嘅敗筆係炒飯，味道非常一般。

比起炒飯，建議大家可以落烏冬，或者將白飯放入鍋入面煮成粥，會更好食。

咁多位，我哋下次見。