Hello，大家好，我哋係由韓國人話你知每日最新韓國資訊嘅Creatrip。
＃韓國美食＃明洞美食
＃首爾神仙雪濃湯
＃誠實食記＃2020
講到首爾嘅代表美食，一定要睇雪濃湯。
對旅客嚟講，最出名嘅就係神仙雪濃湯。不過，大家對佢評價都幾兩極。
有啲人話好好食，有啲人話好難食。點解會有咁大差異？小編今日就去咗明洞嘅神仙雪濃湯，幫你哋試一試。
✨馬上Follow我哋IG
instagram.com/creatrip.hk
神仙雪濃湯（신선설농탕）
- 地址：서울 중구 명동길 56
- 營業時間：24小時全年無休
位於明洞鬧區，喺明洞皇家酒店對面嘅神仙雪濃湯，係明洞一帶出名嘅觀光客店之一。
小編13:30去到，都要排一陣先有位，可想人氣真係好高。
因為之前好多人都話，對神仙雪濃湯覺得好失望，小編就抱住要寫篇誠實食記嘅念頭嚟食。
2020.01菜單
小編叫咗一般雪濃湯、兩部肉雪濃湯、泡菜煎餅同三隻餃子。
大家應該都知，雪濃湯係用牛骨熬成，配上清淡嘅香料、薄肉片同白飯，一齊食。
多數韓國人諗起雪濃湯，都認為係一樣營養美食，啱晒補身。
雪濃湯顏色不一，可能大多數人第一個諗到嘅係乳白色，但其實係錯嘅。
真正嘅雪濃湯應該要有透明、乳黃色嘅光澤，先證明到係真材實料。
雪濃湯(一般)
不過呢種清淡嘅口味，令神仙雪濃湯嘅評價非常兩極。
小編個人係個重口味嘅人，所以特登刷咗牙（？）先嚟，試真啲神仙雪濃湯嘅味道。
如果想食好多肉嘅朋友，可以叫兩倍肉雪濃湯，肉真嘅份量會多好多。
兩部肉雪濃湯係用石鍋上
食落小編覺得唔錯，甚至比想像中更好。
湯頭香氣十足，口味清淡，唔太鹹。如果平時食慣清淡口味，應該會好鍾意神仙雪濃湯，但對大魚大肉嘅朋友嚟講，就會覺得麻麻。
建議大家可以將飯倒落去撈埋食，先加啲胡椒粉，如果覺得唔夠味，就再加啲鹽。
小編平時食得重口味，但今日食神仙雪濃湯，覺得好滿足，有種令味蕾放鬆嘅感覺，好清爽。
泡菜煎餅小編覺得還可以，餅皮食落濕潤、偏鹹，但唔會辣，夾起好容易散開。
神仙雪濃湯嘅餃子就超乎小編期待，認真覺得幾好食，口感非常紮實。
泡菜同蘿蔔都係直接擺喺枱上，大家可以自己拎。
雖然價格偏貴，但小編平心而論，明洞神仙雪濃湯雖然冇90分，但至少都有80分，小編食得幾開心。
唔知大家覺得神仙雪濃湯點呢？咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 明洞安東燉雞 |  明洞堅果超市 |
 弘大橋村炸雞 |  鐘路海鮮鍋推薦 |
