Hello，大家好，我哋係由韓國人每日提供最新韓國旅行資訊嘅Creatrip。
韓國咁多美食，有邊一種係大家至愛呢？喺韓國，佢哋好鍾意將美食變為一條街，成條街都係賣同一款美食，今日就要同大家介紹呢啲出名嘅ㅇㅇ一條街，想食最道地嘅滋味，去呢度就啱喇。
首爾ㅇㅇ一條街
1. 回基蔥餅一條街
- 交通：首爾地鐵1號線、京義中央線回基站（회기역）1號出口出嚟之後，左行到路口就會見到。
brunch.co.kr/@koreadiary/19
回基站嘅小巷有好多賣蔥餅嘅舖頭，小編都好鐘意嚟呢度，2、3個人叫一份蔥餅，再加枝米酒，真係最大嘅享受。
蔥餅份量好大而且價錢亦都好親民，所以唔少慶熙大學生都好鍾意嚟呢度食。如果大家之後想去食最地道嘅蔥餅，大家知道應該要去邊度啦？
2. 新堂辣炒年糕一條街
- 地址：서울 동대문구 퇴계로76길
- 交通：首爾地鐵2號、6號線新堂站（신당역）8號出口前面小巷轉左
新堂洞最出名嘅就係辣炒年糕店，呢度聚集咗數十間辣炒年糕鋪頭，每間都各有千秋，如果嚟到一定會眼花撩亂，唔知道要食邊間好。
呢度嘅辣炒年糕唔同一般路邊攤，配料同份量都比較大，唔少舖頭仲會有芝士。喺咁多間之中，小編最鍾意馬福林辣炒年糕，食過一次就愛上咗。
3. 鐘路三街布帳馬車街
- 地址：서울 종로구 돈화문로 11길
- 交通：首爾地鐵1號、3號線、5號線鐘路3街站（종로3가역）4號出嚟
mediask
大家嚟到韓國一定都會想試吓體驗布帳馬車文化，但對於觀光客嚟講其實唔係一件容易嘅事，因為基本上韓國人去，都係以飲酒為主，建議大家一定要食過正餐再去鐘路3街布帳馬車街體驗。
4. 馬場洞韓牛市場
- 地址：서울 성동구 마장로33길 53
- 交通：首爾地鐵2號支線龍頭站（용두역）4號出口
韓國最高級嘅牛，就係韓牛！喺馬場洞呢度有個畜產市場，入面賣嘅清一色都係韓牛，而且大家揀嘅時候要多加注意，1++最高等級先可以食到韓牛嘅精髓，小編都係食完一次之後就上曬癮。
如果冇特定想去嘅舖頭，基本都會有店員都係不斷拉客同介紹，大家可以揀啱先再入去。或者大家亦都可以去小編實際食過嘅「馬場谷」試一試，1++韓牛雖然貴但真係物而所值。
5. 孔德豬腳市場
- 地址：서울 마포구 공덕동 256-5
- 交通：首爾地鐵5號線、6號線、機場快線孔德站（공덕역）4號出口
40love.tistory.com/356
位於麻浦區嘅孔德豬腳市場，原本呢度只係一間小餐廳，但因為生意越做越好，逐漸發展成都係賣豬腳嘅舖頭，而形成而家嘅豬腳一條街。呢度每間都有自己專屬嘅食客，平時收工之後，成日都會見到唔少上班族喺呢度食飯。
younghwan12.tistory.com/m/3399
比起觀光地區嘅豬腳，孔德豬腳市場感覺更加道地、價錢仲會比較平啲，小菜配上豬腳，再加一枝燒酒或者啤酒，真係超爽。
6. 南大門帶魚街
- 地址：서울 중구 남창동 34-21
- 交通：首爾地鐵4號線會賢站（회현역）5號出口
南大門市場係首爾又大又地道嘅傳統市場，想買嘅呢度好多時候都會搵到。不過大家又知唔知呢度有「辣燉帶魚街」呢？而家小編諗到都流曬口水。
好食嘅辣燉帶魚舖頭有好多，只要一到Lunch time成日都要大排長龍。不過呢度咁多間，到底邊間只係當地人至愛呢？只要見到有人排隊跟住排就一定冇錯！
7. 南大門刀削麵街
- 地址：서울 중구 회현동 남대문시장4길 42-1
- 交通：首爾地鐵4號線會賢站（회현역）5號出口
同樣係南大門市場嘅高CP值美食，就係刀削麵街啦，份量超大，價錢仲要係超平，₩6,000左右就可以同時食到刀削麵、拌飯、冷麵，如果想慳錢又想食飽嘅朋友，呢度真係最適合不過。
睇下呢個咁豐盛嘅套餐，真係好難相信全部都只係一人份量，大家下次又會唔會想嚟試吓呢？
8. 明洞小食攤街
flicker@Jason Joo
大家每次嚟韓國旅行，又點可以錯過明洞掃街呢？呢到嘅小食選擇多，真係餵飽咗無數嘅遊客。
不過明洞小食攤價錢都偏貴，如果大家真係冇時間體驗小食，先好去明洞試，如果想食平啲，遠離觀光客區就最好。
9. 東大門一隻雞街
- 地址：서울 종로구 종로5가 266-2
- 交通：首爾地鐵1號線鐘路五街站（종로5가역）5號出口
東大門最出名嘅大概就係陳玉華一隻雞，但呢度唔只陳玉華一隻雞，其他食一隻雞嘅鋪頭都有好多。
雖然其他一隻雞鋪頭未必好似陳玉華咁多人去，但大家之後都可以去試吓韓國本地人推行嘅。
10. 往十里烤腸一條街
- 地址：서울 종로구 고산자로
- 交通：首爾地鐵2號線、5號線、京義中央線往十里（왕십리역）1號、2號出口
如果講到烤腸大家可能會先諗到大邱嘅烤腸一條街？不過其實喺首爾地區，都有一條烤腸街，佢就係喺往十里站1號、2號出口。
其實每間舖頭都差唔多，大家只要揀間順眼嘅入去坐就好。小編上次食嘅係「JungBu家烤腸」，入面只得韓國人，而且重點係份量超級多，CP值好高。
烤腸包喺芝麻葉入面，一口咬落去就係滿滿嘅幸福同烤腸特有嘅氣味，下次嚟首爾，不妨去往十里烤腸一條街享受一下最地道嘅美食啦。
以上就係首爾嘅ㅇㅇ一條街系列介紹，唔知大家之後又會想去邊到試呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
