【2026年】嚟明洞買嘢就梗係去呢啲鋪頭！各地旅客人氣店鋪同找換店合集

Hello，大家好，我哋係由韓國人每日提供最新韓國旅行資訊嘅Creatrip。

明洞係首爾數一數二嘅購物區，一次過行曬韓國美妝、K-fashion、找換店，同百貨公司、免税店。呢度唔單止找換店同街頭小食選擇多，仲有唔少鋪頭都提供中文服務。就算第一次去韓國旅行，只要預先揀定啱自己目的嘅鋪頭，就可以更有效咁用好有限嘅逗留時間。

呢篇文章會按目的介紹 Olive Young、MUSINSA、人氣韓國品牌、眼鏡鋪同找換店。由於營業時間同優惠有機會變動，出發前記得都要去返各店嘅官網度再確認一次資訊。

※營業時間、休息日、優惠內容有可能會更改，出發前請到各店官方網站或官方SNS確認最新資訊。

明洞唱錢要點揀？

喺明洞唱錢，由有人手櫃枱到深夜都用到嘅自動唱錢機，都可以按自己情況去揀。不過想唔中伏，唔好淨係睇個顯示匯率，最好連營業時間同有冇附加服務一齊考慮。

如果想盡量唱到靚匯率，建議去「大使館前換錢所」附近一帶睇下。想方便、夜晚都得，仲想要行李寄存呢啲服務，就揀「K-Exchange」；如果想喺清晨或者深夜呢啲鋪頭未開門嘅時間，用自動唱錢機，就會比較啱「Money Box」。跟返你當日行程路線同時間，揀間自己最順便嘅就得。

明洞可以買到嘅韓國時裝品牌有邊啲？

明洞由人氣新開鋪頭、韓國代表性嘅經典品牌，到休閒同户外風格都有，選擇好多，啲鋪頭都集中喺同一區。以下會逐一介紹各品牌特色同推介必買Item，你可以跟返自己喜好同想搵嘅款式一路行一路掃貨。

另外，明洞嘅街鋪通常傍晚開始就會好逼，如果你想慢慢試衫嘅韓國品牌，或者想配眼鏡，建議中午到下午、未到傍晚之前去會舒服好多。至於一次過掃好多化妝品同食街頭小食，就可以留到買完衫之後先行，咁就唔使拎住大袋小袋周圍走咁耐。

韓國潮流服飾

想喺明洞感受韓國潮流服飾，「MUSINSA」一定唔可以錯過，一次過就可以睇曬人氣最新趨勢品牌。

【NEW】MUSINSA STANDARD 明洞中央店

2026年9月下旬，「MUSINSA STANDARD 明洞中央店」會喺明洞正中心開幕！

「MUSINSA STANDARD」係MUSINSA嘅自家品牌，由服裝到美妝、家居雜貨都有，夠曬多元，充滿潮流感同品味嘅單品，用親民價錢就買得到。

店鋪由地庫1樓到地上4樓，規模好大，除咗最新服飾，仲有美妝、家品雜貨、首爾手信，同埋專為海外旅客而設嘅客製化服務等等，一站式逛到夠。

為咗慶祝新店開張，而家仲有「MUSINSA×Creatrip」限定折扣優惠券，喺明洞區全部分店都用得。因為每間分店嘅規模同貨品都唔同，建議跟返你想買嘅嘢去揀去邊間分店，再用限時優惠券精明入手，開心掃貨啦。

明洞 MUSINSA 3間分店

※營業時間有機會因週末及公眾假期、活動等而延長或縮短。

▼下載優惠券

完成後再加入

Matin Kim 明洞旗艦店

• 韓文：마뗑킴 명동 플래그십 스토어
• 地址：首爾 中區 明洞8街 15（11:00～22:00）

手袋、銀包、帽等小物款式都好齊。想將好有韓國味嘅時尚感融入日常穿搭，或者想搵啲夠實用嘅時裝小物，都幾推薦嚟呢度。

emis 明洞旗艦店

• 韓文：이미스 명동 플래그십 스토어
• 地址：首爾 中區 明洞8街 17（11:00～23:00）

主打用品牌Logo做設計嘅帽、手袋同細袋等。想搵啲簡約但好有存在感嘅韓國品牌小物，或者想買啲方便又實用嘅手信，呢間就好啱你。

Kodak CENTER SHOP

• 韓文：코닥센터샵
• 地址：首爾 中區 明洞8街 13（11:00～22:00）

圖片來源：fashionbiz

特色係用Kodak招牌黃色、紅色，再加啲似菲林風格嘅圖案做設計，成件事好有復古味。鍾意復古穿搭，或者想買啲夠特別、又啱送俾鍾意影相嘅朋友做手信，就好值得睇下。

Marithé François Girbaud 明洞 FSS店

• 韓文：마리떼프랑소와저버 명동FSS점
• 地址：首爾 中區 明洞8街 17-1（11:00～22:00）

上衣、手袋等款式都幾齊，可以用更現代嘅方式玩法式休閒風。想搵啲又斯文又可以休閒配搭、好易襯嘅韓國潮流衫，呢間都幾啱。

COVERNAT 明洞旗艦店

• 韓文：커버낫 명동 플래그쉽
• 地址：首爾 中區 明洞8街 10（12:00～23:00）

呢個韓國品牌將軍事、户外、工裝元素做得好易日常着。除咗有Logo衞衣，仲有外套同恤衫等，適合想揾啲唔太受潮流影響、耐睇耐着嘅休閒衫嘅你。

EIDER Chamonix明洞店

• 韓文：아이더 샤모니명동점
• 地址：首爾 中區 明洞街 38（09:30～22:30）

主打功能性嘅户外品牌，有外套同鞋等。想買啲比較運動風、行街都容易襯嘅款，或者想比較吓行山、户外用途嘅裝備，都好適合嚟呢間。

M PlayGround

• 韓文：엠플레이그라운드
• 明洞店：首爾 中區 明洞8街 27 B1（10:00～23:00）
• 明洞Migliore店：首爾 中區 退溪路 115（10:00～23:00）

如果想輕鬆搵潮流Item，性價比高嘅「M PlayGround」都好方便。明洞有兩間分店，但貨品同氣氛都唔同。依家買滿2萬韓圜就有95折！不過每間分店嘅優惠內容會有啲唔同，建議去之前先睇清楚諗住去嗰間嘅優惠券詳情。

▼下載優惠券

另外，明洞一帶都有好多受歡迎嘅運動品牌，例如NIKE、Adidas、PUMA、Fila等等。如果搵唔到你想去嗰間鋪，不妨都去附近嘅百貨公司搵下。

眼鏡・太陽眼鏡・鞋

Blue Elephant

• 韓文：블루엘리펀트
• 明洞Showroom：首爾中區 明洞8街 8-7（11:00～23:00）
• SPACE明洞：首爾中區 明洞街 1-8（11:00～23:00）
• 明洞旗艦店：首爾中區 明洞8街 39（11:00～23:00）

主打1970年代美式Classic同Vintage設計，用現代風格重新演繹嘅韓國眼鏡品牌。好多款大概5萬韓元左右，如果你想用親民價搵到可以做穿搭亮點嘅太陽眼鏡，呢度真係值得留意。

Davich 明洞店

• 韓文：다비치안경 명동점
• 地址：首爾中區 小公路 62（09:30～20:30）

全國連鎖眼鏡店嘅直營分店，由驗眼到揀鏡框同鏡片都可以一站式同專業人員慢慢傾。可以一邊比較海外品牌同自家產品，一邊喺旅程中配返副有度數眼鏡，都幾方便。

▼下載優惠券

嘉娜眼鏡

• 韓文：가나안경원
• 地址：首爾中區 小公路 62（09:30～20:30）

喺明洞做咗30年以上嘅眼鏡專門店，溝通上支援包括中文在內嘅多種語言，好易溝通到。如果有現貨，仲可以即日整，適合想講清楚細節要求，慢慢揀眼鏡或者太陽眼鏡嘅你。

▼下載優惠券

ABC Mart・FOLDER

想一次過比較多個品牌嘅經典波鞋，明洞有幾間分店嘅ABC Mart，或者FOLDER 明洞Migliore店都好方便。ABC Mart喺香港都好出名，而FOLDER都係主打國內外潮流鞋款嘅鋪頭，仲可以用鞋釦飾物整自訂配搭，都幾好玩。

店舖資訊

▼下載優惠券

想喺明洞買韓國美妝產品去邊好？

如果你想喺明洞一次過掃貨買齊美妝產品，記得鎖定Olive Young嘅大型分店。當中貨品選擇最多嘅就係區內最大規模嘅「Central明洞TOWN」，有足足3層，空間夠大，由最新美妝產品到美容家電、健康護理產品都有，可以慢慢比較再買得好開心。

相反，如果你想用最短時間高效率咁買完就走，「明洞TOWN（明洞Global店）」就最啱。店內係2層設計，1樓主要係護膚同面膜類，2樓就集中擺放重點彩妝、頭髮護理、食品等人氣分類，分區清晰，搵嘢好快。

兩間分店都支援退稅手續同外語指引，所以旅客都可以放心用。重視款式選擇多就揀「Central明洞TOWN」，想快手買齊熱賣款就去「明洞TOWN」，跟返你目的咁分配行程就最聰明。

▼買禮品券撳呢度

如果你打算喺Olive Young一次過入手人氣美粧，建議你預先準備好手機禮品券，結帳會更順暢。使用條件同適用分店，記得買之前喺商品頁確認清楚。

明洞嘅百貨公司同免稅店點樣分開用？

明洞有新世界同樂天嘅百貨公司同免稅店。如果你想即場拎貨，買完即刻用，就揀「百貨公司」, 如果你想用免稅價買海外品牌，買得更抵，就揀「免稅店」。（※免稅店需要確認取貨方法，同埋要檢查護照同出境航班資料）

想搵潮流服裝同K-POP周邊嘅話，仲可以去樂天百貨店隔離嘅「Young Plaza」，都幾推薦。時間有限想行得有效率啲，最好事前查清楚想買嘅品牌喺邊間店有得賣，然後喺新世界同樂天之間揀一邊集中行，咁就最醒目。

常見問題（FAQ）

Q. 喺明洞想一次過掃韓國美妝，去邊度買最推薦？

A. 如果你最重視款式齊全，去Olive Young嘅大型店就最方便。護膚、化妝、頭髮護理，連零食食品都可以一次過比較曬。因為每間分店嘅存貨同樓層配置都唔同，如果你已經鎖定想買嘅產品，記得事前先確認清楚。

Q. 喺明洞唱錢嘅話，去邊度好？

A. 如果你最重視匯率，建議去大使館前換錢所一帶，如果想夜晚都得就揀K-Exchange，如果想喺非營業時間用自動唱錢機，就可以考慮Money Box。匯率會因日子同時段而有上落，記得先睇清楚當日顯示嘅匯率同營業時間先再決定。

Q. 想喺明洞買韓國時裝品牌，應該去邊度？

A. 如果想由基本款服裝到美妝、雜貨一次過睇曬，推薦去MUSINSA STANDARD 明洞中央店，如果想更全面咁比較唔同韓國品牌，就建議去MUSINSA STORE 明洞。想搵手袋或者cap帽嘅話，都可以順便睇埋Matin Kim同emis。

Q. 明洞嘅百貨店同免稅店有咩分別？

A. 百貨店嘅特點係買完就可以即刻拎貨，即買即用。相反，免稅店通常要登記護照同出境資料，有機會要去機場等地方先可以攞貨。至於取貨地點、限期同所需文件，各間店舖都可能唔同，建議買之前先確認清楚。

Q. 喺明洞買眼鏡或者太陽眼鏡，可唔可以即日拎到？

A. 太陽眼鏡同現成鏡架一般都比較容易即日買到，但如果係配有度數鏡片，就要視乎庫存、鏡片款式同加工進度，取貨時間會有唔同。想即日拎到嘅話，建議你出發前先同鋪頭確認清楚會安心啲。

Q. 明洞行街大概幾點去會易行啲？

A. 如果你想慢慢睇街邊舖，建議上午到傍晚前去，通常冇咁逼。傍晚之後遊客同小食檔嘅人會多，想慢慢揀化妝品或者衫嘅話，早啲時間去行會順暢好多。

明洞旅遊相關文章

喺明洞shopping之餘，都建議你一齊睇埋美食、Salon、街頭小食資訊，咁就更容易安排行程啦。

＼ 查詢請撳呢度 ／

官方LINE: @creatrip（24小時中文服務）
Email: help@creatrip.com
SNS: [ Instagram ]

最新資訊日日喺SNS更新中！等你follow呀。

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！