Hello，大家好，我哋係由韓國人話你知每日最新韓國資訊嘅Creatrip。
去旅行除咗係想食美食、去景點打卡、追星之外，最重要嘅係完成自己想去韓國嘅心願，放鬆原本生活嘅壓力。今日小編準備嘅主題比較輕鬆，想同大家介紹嚟到韓國旅行，可以記住一切回憶嘅方法，希望大家會鐘意啦。
記住韓國旅遊回憶
1. 影人生四格
嚟韓國一定要體驗嘅又點可以唔影「人生四格（인생네컷）」呢？
 |  |
韓國周圍都可以搵到呢啲影相機，價錢係₩4,000兩張相，不過唔同機品質都會差好多，小編建議大家可以認住：#인생네컷（instagram）。佢哋影出嚟嘅效果會比其他機好。
 |  |
只有「#인생네컷」，先可以影到高對比、黑白復古感嘅相，其他影相機感覺就只係將原本嘅相轉成灰色。
2. 影即影即有
如果唔想影人生四格，都可以自己帶即影即有去韓國影，不過有啲人可能會驚過海關X光檢測機嘅時候，會令入面曝光受損。
基本上，機場X光機對感光度800以下底片嘅傷害，幾乎係肉眼睇唔到（但亦都有人話會有影響），如果係感光度喺800至1600範圍，可能會有部分影響（對比變淡、白化、斑點等等）。
擔心嘅朋友，又想堅持帶即影即有嚟韓國，都可以去ARTBOX、1300K搵即影即有底片，或者搵菲林相機都得！ 最近菲林相機都好紅㗎！
3. 拍VLOG
真正好嘅旅遊影片係要詳實記錄自己旅遊過程嘅一部分，亦都因為自媒體興盛，拍攝工具由傳統攝影器材進步到手機都可以方便拍攝，想要影自己鐘意嘅VLOG，再唔係啲咩困難嘅事。要做基本影片剪接，好多手機APP都有呢啲功能。如果要做出質感比較高、固定產量嘅朋友，可以參考好多國內外有做旅遊VLOG嘅達人，小編喺呢度都提大家幾個小秘竅。
- 有特別想要拍攝嘅畫面，畫面比例儘量打橫，或者係正方形
- 利用類似影片設定去影每一個地方
- 善用背景音樂（注意版權同使用說明）
4. 布置專屬空間
大部分人嚟韓國可能都係以買化妝品、服飾、美食為主，好少人會帶啲擺設性質嘅「紀念品」返屋企。
小編自己都好鐘意post ig，如果有特別值得留念嘅就會影完相去曬再貼喺間房度。韓國有好多地方都有可以將IG動態打印出嚟嘅機器，大家不妨可以試下。
或宿大家亦都可以喺文具店入面買呢啲體積細、唔占空間又平嘅小飾品帶返屋企。
以小編個人為例，好多時去唔同國家嘅時候，除咗會寫明信片俾朋友之外，仲有一張係寫俾自己，呢種感覺就好似將整個旅程紀錄底，返到香港收到嘅時候都會覺得好開心好有回憶。
5. 好似當地人咁去旅行
呢個亦都係Creatrip創立嘅初衷「令所有人都可以好似當地人咁一樣旅行」。
即使語言唔通都會諗辦法喺網上搵相關資料，或者係問當地人，有時去酒吧或者可以識到新朋友。
如果嚟到韓國，周圍都係觀光客，去到邊都聽到人講中文，就冇咗「喺韓國嘅感覺」。相反如果係去當地人先知嘅景點同美食，就可以融入到當地人嘅日常，先有辦法喺過程入面有得着。
最想融入當地生活，就係可以去啲傳統市場以及一啲比較少觀光客嘅區域旅遊。雖然行得唔會好似熱門觀光地咁輕鬆，但得到嘅收穫往往會係超乎自己意料。
6. 認識朋友
去旅行要識新朋友嘅話，有咩方法呢？最快嘅方式就係：去旅遊景點、酒吧、交友apps。
韓國人夜生活多，如果大家想去體驗可以去梨泰院、弘大、江南等地方，不過去之前都要小心啲。
喺韓國只要你識韓文，搭訕嘅成功機率就會提升，除咗呢啲夜店、酒吧有機會被搭訕之外，交友apps都有好多人用，不過都係要小心，因為唔係每一個人都係「只想識新朋友」咁簡單。
7. 規劃下一次行程
透過之前一次又一次嘅規劃，重新諗返去上次嚟到韓國，去咗邊啲景點、食咗咩嘢食，再決定下次去邊，呢個過程其實都係一種美好回憶。
以上就係大家「記住韓國旅遊回憶」嘅方法，大家覺得有冇道理呢？希望大家之後都可以有一轉盡興而又浪漫嘅韓國之旅啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
