Hello，大家好，我哋係由韓國人每日提供最新韓國旅行資訊嘅Creatrip。
好多人（連小編自己之前都係）諗起韓國菜，通常都會直覺覺得係辣嘅，覺得平時唔太食辣嘅朋友們嚟到韓國可能會冇啖好食.. 但係其實唔係所有韓國菜都係辣嘅，更加唔係所有韓國人都食得辣XD
今日就等小編幫大家整理一連串唔辣嘅韓國美食同推薦餐廳，快啲share俾你身邊唔食辣嘅朋友啦！
唔辣韓國料理總整理
1. 一隻雞(닭한마리)
[이미지 슬라이더] 
韓國唔辣嘅嘢食當中，小編最推薦大家去食一隻雞！聽落個名好怪，而且望落勁似清水揼幾嚿雞落去煮，但係湯底飲落清淡，而且雞肉夠嫩滑，最後用充滿雞肉精華嘅湯煮粥或者麵都好正！好多韓國人會加蒜頭/泡菜落去煮，味道更濃郁！
[스팟] 明洞一隻雞（巨成店）
[스팟] 鐵鍋蓋一隻雞鐘路布帳馬車總店（獨家訂位）
2. 人蔘雞(삼계탕)
[이미지 슬라이더] 
一隻全雞入面塞滿糯米、人蔘、紅棗、栗子之後慢燉，雞肉夠滑、湯底濃郁，而且暖胃又滋補！
Fun Fact）韓國人夏天補身必食人蔘雞，以熱治熱
[스팟] 蔘雞湯（代叫外送）
[스팟] 土俗村參雞湯（代客訂位）
3. 牛排骨湯/雪濃湯(갈비탕/설렁탕)
[이미지 슬라이더] 
以牛肉、牛骨熬煮而成，通常牛排骨湯會比較清淡，而雪濃湯就會多一陣牛骨香味，配埋白飯同泡菜食相當暖胃同飽肚！
[스팟] 以南場雪濃湯
[스팟] 牛排骨湯（代叫外送）
[스팟] 雪濃湯（代叫外送）
4. 醬油蟹(간장게장)
[이미지 슬라이더] 
醬油蟹係以每間餐廳嘅獨家調味醬油生醃新鮮蟹製作而成嘅韓式料理，一啲都唔會辣，而且金黃色嘅蟹膏真係勁吸引！醬油蟹亦被稱為白飯小偷，每次去食都要扒幾碗飯！
[스팟] 真味食堂醬蟹（代客訂位）
[스팟] 花蟹堂（汝矣島店）代客預約服務
[스팟] 瑞山醬蟹（獨家訂位）
[스팟] 李夏亭醬蟹（獨家訂位）
5. 刀削麵(칼국수)
刀削麵亦都算係韓國非常常見嘅主食之一，鯷魚湯頭加上軟硬適中嘅麵，加埋翠玉瓜、紫菜等等，雖然調味簡單，但係勝在夠飽肚滿足，推薦大家可以去食海鮮刀削麵，配料同味道層次會更加豐富！
6. 湯飯(국밥)
[이미지 슬라이더] 
湯飯係韓國特色料理之一，熱辣辣嘅石鍋入面放滿濃郁嘅湯同配料，最常見嘅湯飯種類有豬肉湯飯、血腸湯飯同內臟湯飯。有時候入面會有少少紅色嘅調味醬，不過其實只係for調味，唔會太辣，大家亦都可以喺點餐時要求唔好落，或者直接𢳂走。
[블로그] 2025釜山必吃10間豬肉湯飯推薦
7. 生牛肉(육회)
[이미지 슬라이더] 
講起生牛肉大家可能會唔夠膽食，但係小編推薦大家如果有機會去廣藏市場嘅話一定要去試新鮮生牛肉。大部分生牛肉都會先用餐廳秘製配方調味，鹹鹹甜甜，再加埋梨絲更加清爽！有啲鋪頭會連埋活章魚一齊賣，想體驗特色韓國美食就記住唔好錯過啦！
[스팟] 聲牛生拌牛肉（廣藏市場）
[스팟] 朴家生拌牛肉（廣藏市場）
[스팟] 代叫外賣｜生牛肉/三文魚
8. 刺身(회)
[이미지 슬라이더] 
可能大家會話，刺身日本都有啦！但係小編個人覺得韓國刺身用嘅魚同平時日本魚生嗰種入口即溶嘅感覺唔同，反而會比較彈牙有咬口，而且唔少韓國人都會點甜辣醬，再用生菜+蒜頭包住食，都幾特別吓XD
[스팟] 代叫外賣 | 生魚片
9. 燒肉(고기)
[이미지 슬라이더] 
講到韓國唔辣嘅嘢食，當然唔少得燒肉啦！燒到金黃色、勁juicy嘅五花肉，配埋生菜同各種韓式小菜，真係超滿足~ 除咗豬肉之外，記住一定唔可以錯過食燒韓牛，牛香味夠濃之餘真係同其他牛肉唔同！
[스팟] 給豚的男人（弘大）
[스팟] 月火食堂（麻浦）
[스팟] 一片里脊（明洞店）
[스팟] Namsan Sirloin（明洞）
10. 烤腸(곱창)
[이미지 슬라이더] 
香港人食內臟通常都係鹵水或者煲湯，韓國人會攞嚟燒！通常烤腸都會係牛腸，雖然好邪惡，但係燒到金黃色嘅牛腸真係勁香~ 另外韓國仲有一款辣炒蔬菜豬腸，但係調味就會有少少辣，大家記住要注意啦。
11. 燒鰻魚(장어)
[이미지 슬라이더] 
如果唔想食咁多紅肉，推薦大家可以去食燒鰻魚！韓國鰻魚口感會比較彈牙，韓國人會鍾意點調味醬油再配薑絲、生菜、蒜頭包嚟食，記住一定要去鰻魚夠新鮮嘅餐廳食先唔會腥！
[스팟] 一片鰻魚（弘大總店）
[스팟] 弘大風川鰻魚代客預約服務
12. 炸雞(치킨)
講起韓國當然要提到炸雞啦！只要唔係紅色嗰種調味炸雞，韓國炸雞基本上都唔辣，而且炸到金黃酥脆，唔知點解就係同其他地方嘅炸雞唔同，零舍香口惹味！
[스팟] 橋村炸雞（代叫外送）
[블로그] 2025韓國炸雞10個必吃品牌推薦
13. 豬腳/菜包肉(족발/보쌈)
[이미지 슬라이더] 
唔知大家嚟韓國會唔會食豬腳呢？韓國豬腳會用醬油同各種蔬菜同藥材燉煮，熱食嘅時候豬皮滑捋捋，凍食嘅話就會變得煙韌彈牙，非常有魅力！原味豬腳唔會辣，但係韓國有部分餐廳係以辣味豬腳聞名，建議去之前要check清楚。另外豬腳仲有個fd——菜包肉，其實就係白切豬腩肉包埋生菜咁食，清清淡淡但係越食越停唔到口！
[스팟] 豬腳/生菜包肉（代叫外送）
[스팟] 延南豬腳1987（獨家訂位）
14. 烤貝/蒸海鮮(조개구이/해물찜)
[이미지 슬라이더] 
如果大家會去釜山等等嘅沿海城市，就記住一定要去食新鮮海鮮，推薦大家食燒貝殼類同蒸海鮮，唔單止唔辣之餘仲可以食到原汁原味嘅海鮮，雖然始終係海鮮，價位會偏高，但係真係值得一試！
[스팟] 夏威夷烤貝殼（弘大）
[스팟] 紅蟹Day吃到飽（訂位送飲品）
15. 煎餅(전)
[이미지 슬라이더] 
韓式煎餅大部分都唔辣，如果連泡菜都覺得辣嘅話，推薦食海鮮葱煎餅，或者係最簡單又香口嘅翠玉瓜煎餅同煎肉餅，配埋酸酸甜甜嘅醬汁同洋葱一齊食可以解膩，令你一啖接一啖咁食！
[스팟] 朴家綠豆煎餅（2號店）
如果有更多想知嘅內容，都可以隨時留言或者dm話俾我哋知：）
Mail：help@creatrip.com
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
