Hello，大家好！呢度係由韓國人每日提供最新韓國資訊嘅Creatrip。
[去明洞行街之前一定要食早餐呀~]
由於忠武路位於明洞嘅隔離，附近有好多酒店同guest house，但係好多旅客每日都會為咗食咩早餐而苦惱。
今天要為大家介紹忠武路站附近簡單又好食嘅早餐。
✨馬上follow我哋IG
instagram.com/creatrip.hk
呢間Cafe叫「甜蜜café」。
「甜蜜cafe」係Creatrip團隊成日都會去Cafe。
同事們成為「甜蜜cafe」嘅常客係因為呢度嘅食物好食得嚟，又唔貴！
一般喺Cafe連鎖店，美式咖啡一杯都會超過4000Won，但喺呢度只係2000Won，唔單止美式咖啡，其他食物都好抵食！
<甜蜜cafe>嘅早餐有三種：
- 法式多士（火腿+滿滿嘅芝士）－3200Won，無套餐
![法式多士，香濃的芝士融化在鮮嫩的火腿上，一層層豐富的味道讓人垂涎欲滴，是甜蜜cafe的特色早餐之一。]()
- 咖央多士（咖央醬）－1800Won，美式咖啡套餐－3000Won
![咖央多士的特色呈現，新鮮烹製的吐司搭配香甜的咖央醬，每一口都充滿濃鬱的椰子與牛奶香。]()
- 香蕉花生多士－1800Won，美式咖啡套餐－3000Won
![香蕉花生多士，金黃酥脆的吐司夾著細膩的香蕉與花生醬，搭配美式咖啡套餐，是來甜蜜cafe不可錯過的美味選擇。]()
- 三文治（有蛋、番茄、蔬菜）－1500Won，美式咖啡套餐－3000Won
![豐富的三文治，內裡夾著鮮蔬、番茄、蛋等多種食材，入口清新脆爽，是一天精力充沛的理想選擇。]()
以上嘅食物除咗三文治都係即整嘅，所以要稍等5~10分鐘～
1. 法式多士（火腿+滿滿嘅芝士）－3200Won，無套餐
「甜蜜cafe」嘅「法式吐司」入面放咗火腿同滿滿嘅芝士，不論係當點心定做早餐都好啱，所以相當受嚟食早餐嘅客人歡迎。
入面嘅芝士多到咬落去係會搵絲㗎！（呢一點係「甜蜜cafe」嘅法式多士先有嘅特色～）
2.咖央多士（咖央醬）－1800Won，美式咖啡套餐－3000Won
另外一個人氣餐點就係「咖央多士」啦。
「咖央多士」顧名思義，就係搽咗新加坡最出名嘅「咖央醬」，而咖央醬係用椰子同雞蛋整成嘅。
咖央醬喺韓國好受歡迎，所以喺好多鋪頭都有用咖央醬整成嘅早餐。
除咗「法式吐司」、「咖央吐司」之外，「香蕉花生多士」同「三文治」都好好食。
3.香蕉花生多士－1800Won，美式咖啡套餐－3000Won
香蕉花生多士放咗香蕉同花生粉，再搽埋果jam，加一杯latte嘅話，簡直絕配!!!
4. 三文治（有蛋、番茄、蔬菜）－1500Won，美式咖啡套餐－3000Won
「甜蜜café」嘅三文治是韓國式嘅三文治，入面放咗蛋、番茄同蔬菜等食材，只係1500Won！
每日朝早製作嘅三文治係好新鮮，但係因為每日製作數量有限，通常8點半之後去嘅話就賣晒㗎啦～
韓國人吃多士類早餐個陣，通常都會搭Latte或者果汁。
呢度嘅Latte只要2500Won，而且大杯到只係飲咖啡都會飽。
如果鍾意甜咖啡的嘅朋友可以試下「姊姊咖啡（3800Won）」，「姊姊咖啡」同「拿鐵」入面都有放柚子蜜餞，所以有淡淡嘅柚子香，相當特別。
（姊姊咖啡照片）
另外，果汁類入面「香蕉士多啤梨（2500Won）」同「朱古力力香蕉（2500韓元）」係最受歡迎嘅。
呢兩款之外，放咗冰凍士多啤梨嘅「real士多啤梨Latte（3800Won）」都相當受歡迎。
香蕉士多啤梨 （2500Won）同 real士多啤梨Latte （3800Won）
Creatrip成日去呢間Cafe仲有一個理由就係佢哋會喺果汁放相當多生果，
相比起嚟，有好多其他忠武路Cafe嘅果汁都淨係放少少生果同一大堆冰⋯⋯
而「甜蜜cafe」嘅果汁就真係真材實料啦～
*TIP
- 果汁嘅款式會隨住季節變動，但係香蕉士多啤梨、朱古力香蕉係全年都有。
- 夏天仲有「西瓜果汁（2800Won）」同「西柚果汁（3800Won）」㗎！
- 「甜蜜蜜奶昔（3800Won）」係夏天相當受歡迎嘅飲品。呢一杯係杯好大嘅紅豆冰，再加埋煙煙韌韌嘅年糕！
- 可以食完飯喺「甜蜜cafe」坐下，都可以叫外賣㗎！
營業時間：星期一至五 7:40~20:00，星期六 7:40~15:00，星期日休息
地址： 서울특별시 중구 퇴계로31길 13 (Google座標：37.561793, 126.992205)
大家book咗住忠武路附近嘅，不妨嚟呢度試下啦～
咁多位，我哋下次再見。
✨馬上follow我哋IG
instagram.com/creatrip.hk
