Hello，大家好，我哋係由韓國人每日提供最新韓國旅行資訊嘅Creatrip。
漢江貫穿咗成個首爾市，係韓國最知名嘅大江，亦都係世界上著名嘅河流。不過大家又知唔知淨係南韓嘅漢江，就有30座左右嘅漢江大橋，連接住南北河域兩端嘅交通，今日小編會介紹最出名、最靚嘅大橋俾大家參考吓。
5條漢江大橋介紹
1. 麻浦大橋（마포대교）
連接住首爾麻浦同汝矣島一帶嘅麻浦大橋，總長1.4公里，寬25公尺，喺1970年完成竣工，係漢江歷史上嘅第四座大橋，同時亦都係好多韓劇同MV嘅拍攝地點。
微風真好 
我愛你...
其實麻浦大橋嘅另一個名被叫為「自殺大橋」，每年韓國都有好多人會選擇喺漢江上嘅大橋自殺，而麻浦大橋係當中最多人揀自殺嘅地點。為咗打消一啲人自殺嘅念頭，首爾政府將麻浦大橋改造，加咗好多溫馨嘅句子，令人睇完會平復心情。
嗯...
當經過麻浦大橋嘅時候，感應器就會有反應，只要有行人經過欄杆就會亮起，好多溫馨嘅説話就會出現，試圖喺人最絕望嘅時候，俾佢哋一個溫暖嘅問候。
2. 盤浦大橋（반포대교）
地點：綠莎坪、西冰庫站連接新盤浦、高速巴士站
要講到漢江大橋就不得不提盤浦大橋，連接住龍山區同瑞草區係少見嘅雙層大橋。只會喺枯水期嘅時候，下層先會開放通車，喺滿水位嘅時候就會淹沒，所以呢度又被稱為「潛水橋」。如果係枯水期去可以行下，面對住漢江，就好似拍緊MV或者韓劇出現嘅畫面一樣。
仲有每年特定季節就會有月光噴泉，係好吸引人嘅美景。
呢個係韓國第一座有上下兩層嘅橋樑，亦都係金氏世界紀錄入面，最經常噴水嘅大橋。日夜景觀、情致都唔同，但只有夜晚先會開始月光噴泉，配上五彩繽紛燈光，又浪漫又靚。
盤浦大橋月光彩虹噴泉
- 四月、五月、六月、九月、十月
時間：12:00、19:30、20:00、20:30、21:00 - 七月、八月
時間：12:00、19:30、20:00、20:30、21:00、21:30
3. 楊花大橋（양화대교）
有聽Kpop嘅朋友，應該都有聽過Zion.T嘅楊花大橋。雖然實際上嘅楊花大橋唔算係一個好靚、或者係有特色嘅大橋，但係因為呢首歌，都會好想去行吓。喺橋上望住漢江嘅風景，聽住《楊花大橋》呢首歌，應該會有不一樣嘅感受。
喺楊花大橋中間行落去可以去到仙遊島公園，呢度出名風景靚，唔少攝影發燒友都鍾意嚟影相，好多新人仲會鍾意去呢度影婚紗相，如果大家都鍾意影靚景，之後都唔好錯過啦！
另外，仙遊島公園都係首爾賞櫻秘境之一，因為呢度唔太多觀光客去，所以係一個可以好好安靜咁賞櫻嘅好地方。
好多年輕人喺春天都鍾意帶埋炸雞同啤酒去賞櫻。
4. 聖水大橋（성수대교）
地點：首爾林一帶（聖水洞）連接至狎鷗亭一帶
聖水大橋亦都係座出名嘅漢江大橋之一，比較特別嘅係呢條橋好短。
1994年10月21號令到32人罹難嘅韓國大橋斷裂事件，就係發生喺聖水大橋，呢場意外奪走多名學生同經過嘅人，更加震驚咗全韓國。
當時總統金泳三喺發生呢件事之後，立刻開除當時仍然叫做漢城嘅首爾市長職務，雖然最後查出係因為聖水大橋嘅承建商偷工減料，加上金屬疲乏，先會導致呢場悲劇發生。
𣎴過而家嘅聖水大橋，已經經過改建，亦希望唔會再發生呢類事件。
5. 清潭大橋（청담대교）
地點：纛島遊園地站（建大）連接至清潭洞
清潭大橋最著名嘅標誌就係V字形橋墩，喺夜晚閃閃發光，配上背景嘅樂天塔，可以睇到好靚嘅夜景，喺纛島遊園地一帶嘅漢江公園散步，除咗眺望大橋之外，都可以靜靜咁享受漢江風光。
清潭大橋通往嘅清潭洞，相信大家都好清楚係喺邊度啦？就係好多經紀公司、藝人居住，地價都超級貴嘅地方。係唔係有啲迷弟迷妹一早就巳經對呢度瞭若指掌呢？
今日介紹咗五個首爾地區嘅漢江大橋，大家又有冇規劃好要去邊一個大橋睇吓呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
