Hello，大家好，我哋係由韓國人每日提供最新韓國旅行資訊嘅Creatrip。
韓國而家唔單止係旅遊勝地咁簡單，更加係全球最出名嘅醫學旅遊國家之一，好多人都會專程飛嚟韓國做醫美療程！無論係論價錢定功效，韓國醫美療程CP值的確更高，可以用實惠價錢體驗世界頂尖先進技術，有機會就當然唔可以錯過啦！
不過如果唔知道做咩療程好，不妨可以參考今日呢篇文章，睇下而家最受歡迎既韓國醫美療程係咩，各個療程又可以幫你解決咩肌膚煩惱！
最受外國遊客歡迎韓國醫美療程TOP10
Aqua Peel(아쿠아필)
- 效果：解決黑頭、毛孔堵塞問題，即時提亮
- 修復期：無
- 疼痛程度：無
Aqua Peel係韓國好最多人做，算係最基本嘅深層清潔護膚療程，吸走毛孔內油脂同老廢物質、去角質同時幫皮膚補水。因為做完皮膚即刻會變得更加光滑，推薦大家喺準備要化濃妝、影相嗰啲日子前做，妝會更加貼！
LDM水滴提升(물방울 리프팅)
- 效果：解決發炎問題、舒緩暗瘡、保濕
- 修復期：無
- 疼痛程度：無
LDM水滴提升運用高頻超聲波嚟舒緩敏感、鎮靜暗瘡同幫皮膚補充水分，透過提升皮膚內嘅透明質酸密度，帶嚟強力嘅保濕同鎮靜效果，並幫助強化皮膚屏障同改善肌膚彈性。敏感肌或者想皮膚可以更透亮嘅朋友們都可以去做，特別係好多時做完一啲比較強效嘅療程之後，都會加埋LDM一齊做去舒緩肌膚。
Skin Booster/水光針(Rejuran、Re2O等)
- 效果：深層保濕、修復皮膚
- 修復期：2-7日
- 疼痛程度：高（療程前會先搽麻醉膏）
Skin Booster或者水光針係將保濕或者再生成分打入皮膚底層，由深層開始幫皮膚補水、改善皮膚光滑程度，將臉部皮膚打造成剝殼雞蛋咁嘅效果。而韓國最受歡迎嘅水光針一定唔少得Rejuran麗珠蘭水光針，最近有一款叫Re2O嘅膠原蛋白水光針都好多人去打！因為韓國價錢相對上會平一大截，所以好多人都會趁旅行飛韓國做水光針療程。
你可能會想睇埋👇🏻
[블로그] 韓國Rejuran麗珠蘭水光針攻略
微針療程(Potenza等)
- 效果：光澤、細紋、皮膚再生、毛孔
- 修復期：1~2日療程部位會較紅，之後會慢慢消
- 疼痛程度：中至高（療程前會先搽麻醉膏）
韓國微針療程一直都非常受歡迎，原理係利用超幼微針物理性地穿透皮膚，製造微小傷口去啟動肌膚自我修復機制。而好似Potenza黃金微針通常都會配合埋PDRN、Exosome外泌體等精華去做，等皮膚可以更有效吸收精華成分同時令毛孔更緊緻，膚色更均匀。
CP值高醫美診所推薦👇🏻
[스팟] Abijou Clinic（國際弘大店）
[스팟] Abijou Clinic（國際江南店）
[스팟] Abijou Clinic（國際明洞店）
肉毒桿菌素注射(보톡스)
- 效果：修飾下巴/肌肉線條、撫平皺紋
- 修復期：非常短
- 疼痛程度：低（療程前會先搽麻醉膏）
由好耐之前就有好多人專程飛韓國打Botox，因為價錢夠平之餘醫生們手勢夠好。最多人做嘅肉毒桿菌素注射包括咀嚼肌(國字臉)肉毒、除皺紋肉毒、斜方肌/小腿肌肉毒桿菌素注射，透過令緊綳肌肉放鬆，從而達至視覺上肌肉線條更加平滑。
你可能會想睇埋👇🏻
[블로그] 韓國「Botox/肉毒桿菌」介紹&價錢
ONDA一叮溶脂(온다)
- 效果：分解脂肪、即時臉部拉提/身體塑型效果
- 修復期：無
- 疼痛程度：幾乎無
ONDA拉提療程採用微波技術，刺激皮膚內水分子震動，從而促進膠原蛋白再生同脂肪分解。因為唔需要開刀就可以做到臉部同身體塑型效果，過程當中通常只會覺得暖暖地/熱熱地唔會痛，所以好多遊客們都會嚟做！
有提供ONDA嘅韓國醫美診所👇🏻
[스팟] ONDA專業醫生主理 | DIORE CLINIC（江南）
[스팟] 皮膚科專科醫生主理 | 清潭 ÉCLAT DE（狎鷗亭羅德奧）
[스팟] Ultherapy/Thermage拉提專家 | BEAUTY BLOSSOM CLINIC（弘大）
[스팟] 抗衰老/護膚專家 | UN!QUE id Clinic（弘大店）
玻尿酸填充(嘴唇、面頰、下巴等)
- 效果：令五官更立體、修飾線條
- 修復期：較短
- 疼痛程度：低至中上（療程前會先搽麻醉膏）
玻尿酸/透明質酸填充係另一個由以前開始好多人都會揀嚟韓國做嘅醫美療程，因為呢個療程真係好睇醫生手勢，只要份量控制得唔好或者打得唔均匀，成個效果睇落就會超怪。
搵專家做填充療程嘅話可以即時改善同重塑面部輪廓，特別係可以令嘴唇變豐滿、修飾蘋果肌或者下巴，效果夠自然由唔太需要修復期，價錢又平過香港！
填充療程專家👇🏻
[스팟] 填充專家/免費皮膚診斷 | Project U（弘大）
[스팟] 拉提/填充/微整型專家 | SELENA CLINIC（弘大）
[스팟] 超聲刀拉提、填充療程 | id Clinic（江南店）
嫩膚/美白激光療程(Pico Toning、Genesis等)
- 效果：改善暗啞/不均勻膚色、減淡色斑、縮細毛孔
- 修復期：無
- 疼痛程度：低、幾乎無
Pico Toning同Genesis柔膚激光會喺唔損害皮膚表面嘅情況下，用溫和激光分解色素，可以令膚色更亮白之餘仲有縮毛孔、改善細紋等等嘅效果。成個過程好快又安全，幾乎所有膚質都可以去做。不過比起比較刺激、一次就見效嘅療程，呢類激光就要做多幾次先會見到效果，不過就勝在唔會傷害到皮膚！
激光脫墨(점 제거)
- 修復期：無
- 疼痛程度：低、幾乎無（療程部位會搽麻醉藥膏）
韓國其中一個最平嘅美容療程應該就係激光脫墨，成個過程好快，通常做多幾粒會有折扣！不過始終做之前都要判斷粒墨有冇異常，有興趣建議可以去醫美診所做諮詢！
呢間醫美診所有提供脫墨療程👇🏻
[스팟] LE SHINE CLINIC（江南）
Ultherapy美版超聲刀(울쎄라)
- 效果：臉部拉提、緊緻皮膚
- 修復期：短（療程後皮膚會紅腫）
- 疼痛程度：中至高（療程前會先搽麻醉膏）
好多拉提療程都要做幾次先見到效果，不過Ultherapy美版超聲刀就唔同，大部分人做一次已經有理想效果。呢個非入侵性療程係用聚焦超聲波去刺激皮膚深層膠原蛋白，效果會喺幾個月內慢慢浮現。至於痛唔痛，其實大家反應都幾兩極，不過因為會先做麻醉，所以大家都唔需要太擔心。
想做Ultherapy美版超聲刀?👇🏻
[스팟] Ultherapy/Thermage拉提專家 | BEAUTY BLOSSOM CLINIC（弘大）
[스팟] 拉提療程專家 | LIJIN Clinic 皮膚科（明洞）
[스팟] 拉提/填充/微整型專家 | SELENA CLINIC（弘大）
以上就係十大最受外國遊客歡迎嘅韓國醫美診所療程，大家揀醫美診所嘅時候除咗要考慮價錢，記住都要搵返比較出名做相關療程嘅診所，咁就唔怕洗咗錢但唔滿意最終效果啦！
你可能會有興趣睇埋⭐️
[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦
[블로그] 2025弘大14間醫美診所/皮膚科推介
[블로그] 2025江南13間醫美診所/皮膚科推介
[블로그] 2025明洞9間醫美診所/皮膚科推介
[블로그] 韓國大型連鎖醫美診所/CP值高診所推薦
[블로그] 首爾非流水線/提供專業醫生諮詢醫美診所
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
