10個無修復期韓國醫美療程推薦

拉提 | Titanium鈦拉提_{(티타늄 리프팅)}

• 療程效果：拉提、緊緻、美白
• 推薦：重要拍攝/活動前需要即時V臉效果之人士

機器運用三種波長嘅激光，將能量同步傳遞到皮膚深層，亦都有藍寶石冷卻系統可以減輕痛楚，所以療程時間相對上比較短，亦都唔會痛，重點係完全唔會留低任何痕跡，可以話係零修復期！

Titanium鈦拉提可以達至即時拉提鬆弛面部、增加彈性、改善雙下巴同埋均勻膚色嘅效果，亦會刺激膠原蛋白再生，由皮膚底部改善問題。

有提供Titanium鈦拉提嘅韓國醫美診所👇🏻

[스팟] PLANS CLINIC（江南）

[스팟] SELENA CLINIC（弘大）

[스팟] FORTE CLINIC（江南）

拉提 | ONDA_(온다)

• 療程效果：分解脂肪、即時拉提效果
• 推薦：臉頰肉較多、有雙下巴人士

ONDA拉提療程採用微波技術，刺激皮膚內水分子震動，從而促進膠原蛋白再生同脂肪分解。而且因為有冷卻系統保護皮膚表面，所以過程當中通常只會覺得暖暖地/熱熱地，幾乎無痛，燒傷風險亦較低。

有提供ONDA嘅韓國醫美診所👇🏻

[스팟] ONDA專業醫生主理 | DIORE CLINIC（江南）

[스팟] 清潭 ÉCLAT DE（狎鷗亭羅德奧）

[스팟] BEAUTY BLOSSOM CLINIC（弘大）

[스팟] UN!QUE id Clinic（弘大店）

拉提 | LinearZ_{(리니어지)}

• 療程效果：分解脂肪、改善輪廓及橙皮紋問題
• 推薦：臉頰肉較多、有雙下巴人士

頭先介紹嘅ONDA係用微波解決雙下巴同包包臉嘅話，LinearZ就係用大家耳熟能詳嘅HIFU去進行拉提！LinearZ特徵係可以用點+線狀模式輸出能量，比起傳統點狀式發射範圍更加大，可以快速收緊 SMAS 筋膜層同破壞皮下脂肪，對臉部消脂塑形好有幫助，而且療程需時較短，做完塊臉都唔會好紅。

有提供LinearZ嘅韓國醫美診所👇🏻

[스팟] 世顏醫院（江南）

拉提 | TuneFace、TuneLiner_{(튠페이스/튠라이너)}

• 療程效果：分解脂肪、改善輪廓及橙皮紋問題
• 推薦：臉頰肉較多、有雙下巴人士

TuneFace同TuneLiner療程同樣利用 RF射頻產生熱能達至拉提效果，TuneFace 集中喺面部真皮層，刺激膠原蛋白再生，達到緊緻同提升效果；而 TuneLiner 就針對脂肪層，主力分解脂肪同改善輪廓，更加可以做喺身體上。兩款療程都係唔會痛而且復原期短，如果覺得自己太多肉，不妨可以考慮做呢兩個療程。

水光針 | Belotero Revive_{(벨로테로 리바이브)}

• 療程效果：深層保濕
• 推薦：覺得普通去角質療程太刺激之人士

Belotero Revive係一支最近韓國都常見嘅水光針，主要成分係透明質酸同甘油。因為保濕成分夠強，打完之後可以長期維持皮膚水份，同時改善皮膚彈性同細紋，從而令皮膚紋理變得更平滑，帶嚟自然嘅水光效果。

最重要係Belotero Revive唔會好似Rejuran麗珠蘭水光針咁打完之後凸起一粒粒，做完療程之後即刻化妝都冇問題！

有提供Belotero Revive嘅韓國醫美診所👇🏻

[스팟] ONDA專業醫生主理 | DIORE CLINIC（江南）

護膚 | Aqua Peel_{(아쿠아필)}

• 療程效果：清潔毛孔、補充水分
• 推薦：所有人士

Aqua Peel可以話係最基本嘅護膚醫美療程，運用三種特製溶液同真空吸力，清除皮膚上嘅角質、油脂同毛囊蟲。做一次可以有效去除黑頭、清潔毛孔，同時補充水分同營養，令皮膚變得水潤透亮。

Aqua Peel同樣唔會痛，亦都冇復原期，建議大家可以定期keep住做，皮膚真係會變好，而且上妝都會更加貼服！幾乎所有醫美診所都會有提供呢個療程，大家可以連埋其他療程一齊做！

精選韓國醫美診所✨

護膚 | LDM水滴提升_{(물방울 리프팅)}

• 療程效果：補充水分、鎮靜
• 推薦：所有人士、皮膚需要緊急補水之人士

LDM水滴提升利用雙重/三重頻率超聲波，將微米級按摩傳送到皮膚深層。佢可以提升皮膚內嘅透明質酸密度，帶嚟強力嘅保濕同鎮靜效果，並幫助強化皮膚屏障同改善肌膚彈性。因為LDM完全無痛、無紅腫等修復期，連敏感性皮膚人士都可以定期當護膚療程咁做！

同Aqua Peel一樣，大部分醫美診所都有提供LDM水滴提升療程，通常做完比較刺激嘅醫美療程都會做埋LDM去鎮靜舒緩皮膚，想簡單體驗韓國醫美療程嘅朋友們可以由LDM開始入手！

免費預約留位再享獨家療程優惠價💰

護膚 | LHALAPEEL_(라라필)

• 療程效果：煥膚去角質
• 推薦：覺得普通去角質療程太刺激之人士

LHALAPEEL果酸煥膚同一般用物理方式進行煥膚去角質嘅療程唔同，透過使用LHA、蛋白質同脂質成分，溫和地溶解同清除角質同老廢物，同時強化皮膚屏障同埋促進膠原蛋白增生。過程中唔會覺得刺痛，而且做完唔會出現甩皮或者紅腫情況，可以係零修復期，可以即刻回復正常生活！

有提供LHALAPEEL嘅精選韓國醫美診所👇🏻

[스팟] LIJIN Clinic 皮膚科（明洞）

[스팟] Project U（弘大）

[스팟] 清潭 ÉCLAT DE（狎鷗亭羅德奧）

[스팟] 首爾麗格皮膚科（狎鷗亭）

[스팟] UN!QUE id Clinic（弘大店）

美白 | Genesis柔膚激光_{(제네시스 토닝)}

• 療程效果：提亮及改善泛紅、毛孔及細紋
• 推薦：覺得普通去角質療程太刺激之人士

Genesis柔膚激光係利用長脈衝激光嘅熱能，喺唔損害皮膚表面嘅情況下，刺激真皮層膠原蛋白再生嘅療程。佢有效收細毛孔、改善細紋同彈性，令膚色均勻透亮。因為痛楚細、復原期短，適合定期進行，透過多次療程嚟逐步改善皮膚狀況。

有提供Genesis柔膚激光嘅韓國醫美診所👇🏻

[스팟] LE SHINE CLINIC（江南）

美白 | Pico Toning皮秒激光_{(피코토닝)}

• 療程效果：美白、減淡色斑
• 推薦：想皮膚更亮白之人士

Pico Toning皮秒激光會將色素打碎，有效移除荷爾蒙斑、雀斑等頑固色斑。配合埋專用探頭仲可以達到皮膚再生、收細毛孔同緊緻嘅效果！呢款美白療程痛楚同修復期都相對上比較短，有色斑煩惱嘅你可以考慮做Pico Toning皮秒激光！

有提供Pico Toning皮秒激光嘅韓國醫美診所👇🏻

[스팟] MEDICUBE CLINIC（江南）

[스팟] HeyDay Clinic（明洞店）

[스팟] Abijou Clinic（國際江南店）

以上係10個唔需要修復期嘅韓國醫美療程推薦，想做完即刻去玩，或者唔想做完療程之後冇得影靚相，下次預約醫美診所之前記住參考今次呢篇文章啦！

你可能會對呢幾篇文章有興趣⭐️

[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦

[블로그] 2025弘大14間醫美診所/皮膚科推介

[블로그] 2025江南13間醫美診所/皮膚科推介

[블로그] 2025明洞9間醫美診所/皮膚科推介

[블로그] 首爾非流水線/提供專業醫生諮詢醫美診所

[블로그] 韓國大型連鎖醫美診所/CP值高診所推薦