2026韓國頭皮SPA攻略 | 頭皮護理流程、價錢、預約、首爾/釜山店鋪推薦

Hello，大家好，我哋係由韓國人每日提供最新韓國旅行資訊嘅Creatrip。

近年越嚟越多人都會定期去做皮膚護理，但大家知唔知其實頭皮老化速度係皮膚嘅六倍！而且因為頭皮同臉部皮膚係連住嘅，所以如果頭皮唔健康，都有機會導致臉部皮膚鬆弛。所以而家喺韓國有好多做頭皮護理嘅專門店同髮型屋，今日就等小編介紹幾間最推薦嘅Salon俾大家啦！

韓國頭皮SPA完整攻略

咩係頭皮SPA/頭皮水療？

簡單嚟講，韓式頭皮SPA/頭皮水療就好似幫頭皮做一次深層大掃除。透過溫和去角質、浸泡、蒸氣，再配合埋專業儀器同產品，可以徹底清走平時洗頭洗唔走嘅污垢、油脂同死皮。

除咗可以幫你徹底放鬆，深層清潔毛囊之後頭髮自然會變得更柔順、更強韌，仲可以改善頭皮健康。雖然平時喺屋企洗頭都好重要，但專業護理就係可以做到屋企做唔到嘅深層效果 —— 就好似定期去牙科診所洗牙一樣！

做頭皮SPA有咩好處？

平時成日染髮、漂髮或者電髮，用嘅化學劑會傷害到頭皮同頭髮，所以好多時髮型師都會建議定期做頭皮SPA。另外頭皮敏感、痕癢同會甩頭皮、有脫髮問題嘅朋友們都可以透過做頭皮SPA恢復頭皮健康，但係頭皮SPA具體有咩好處？

1. 透過近距離嘅頭皮分析，瞭解頭皮狀況
2. 進行深層清潔，去除喺屋企洗頭好難完全清走嘅油脂、污垢、死皮同埋殘留頭髮造型用品
3. 有助預防頭皮屑，同時促進頭髮生長，治療脫髮問題
4. 頭皮按摩可以改善血液循環，仲有機會令面部有提升效果
5. 過程好放鬆，可以忙裏偷閑，好好享受療癒時光

以小編為例，我自己本身係一個好鍾意染髮同電頭髮嘅人，所以頭髮一直keep住一個枯黃稻草嘅狀態，頭皮就變得越嚟越敏感。但係喺屋企用咩product都好都改善唔到頭皮同頭髮問題，我嘅韓國朋友就推薦我去韓國髮型屋做頭皮SPA。

一開始我都半信半疑，覺得只係洗頭同用水沖頭皮唔會有任何效果，但係做完一次就即刻改觀！療程師會先詳細分析頭皮狀況，再幫你揀最啱你嘅療程。透過進行去角質、塗抹頭皮精華、頭皮按摩同做上面呢部水療機，幫頭皮進行深層清潔，做完當下覺得頭皮變得非常清爽，亦都冇之前咁敏感咁紅。

最重要係過程非常舒服，有人幫你按摩頭皮，又可以享受暖暖地嘅水療。小編自己而家都已經養成定期去做頭皮SPA嘅習慣，就算仍然有不斷去染/電髮都可以維持頭皮同頭髮健康！

頭皮SPA同頭髮護理療程有咩分別？

韓式頭皮SPA流程係點？

每一間髮型屋或者頭皮SPA專門店都會有自己一套做法，程序同手法上可能會有少少唔同，不過大致上會係：

1. 諮詢
2. 頭皮分析
3. 去角質
4. 深層清潔
5. 按摩
6. 護髮療程

韓國頭皮SPA推薦

※下方內容以2026年3月資訊為準，實際地址、營業時間、價錢等可能會有所變動

江南 | SCATTER LOUNGE_{(스카터라운지)}

• 地址：서울 강남구 봉은사로38길 4 3F
• 營業時間：
  • 星期一至五 10:00-20:00
  • 星期六 10:00-19:00
• 前往方法：彦州站（언주역）5號出口

「SCATTER LOUNGE」使用得到全球專利嘅頭皮護理儀器、溫熱Galvanic微電流技術同含有幹細胞培養液嘅產品，幫助頭皮排毒、促進血液循環、放鬆斜方肌等，為你全方位管理頭皮健康。而自家研發嘅頭皮紋身機器已經喺25個國家被使用，即時覆蓋脫髮部分，瞬間變年輕！

[이미지 슬라이더]     

小編朋友上次本身打算去做頭皮SPA，點知發現原來「SCATTER LOUNGE」仲有提供埋護膚醫美療程，所以二話不説即刻預約咗去做諮詢。去到首先會用專業鏡頭幫你分析頭皮同皮膚狀態，之後專家就推薦咗最啱我而家狀況嘅護膚同頭皮SPA療程。

首先會先做護膚療程，然後就會一邊敷住面膜，一邊做頭皮去角質、按摩同水療，小編朋友做做下居然瞓著咗！做完之後會再幫你check一次頭皮狀態，大家可以見到小編朋友頭皮角質問題有明顯改善，而且感覺更加清爽唔笠，最緊要係過程非常療癒，非常推薦想一次過做起頭皮SPA同護膚療程嘅朋友們嚟！

💭SCATTER LOUNGE顧客真實評價

更多預約資訊👇🏻

[스팟] SCATTER LOUNGE（江南）

江南 | PARKJUN BEAUTY LAB_{(박준뷰티랩)}

• 地址：서울 강남구 삼성로 651 3F
• 營業時間：10:00-20:00
• 前往方法：清潭站（청담역）7號出口

PARKJUN BEAUTY LAB可以話係第一間主打做頭皮SPA嘅韓國髮型屋，特別係清潭分店最出名做包括頭皮、頭髮、皮膚護理嘅15-STEP頭皮護理套餐，好多韓國人同外國遊客都會專程到訪。

[이미지 슬라이더]   

雖然PARKJUN BEAUTY LAB係一間髮型屋，但呢度提供嘅頭皮護理體驗完全唔馬虎，更加有專業機器可以幫你分析頭皮狀況，同時幫你照顧頭皮同頭髮需要！

小編上次去體驗嘅頭皮護理套餐除咗會做各種清潔同舒緩頭皮嘅步驟，更加會運用國際認可嘅YUME HEADBATH機器，暖暖地同時可以沖走老廢角質，舒服得嚟效果有保證。

💭PARKJUN BEAUTY LAB顧客真實評價

更多預約資訊👇🏻

[스팟] PARKJUN BEAUTY LAB（清潭站店）

江南 | MOCLOCK_(모클락)

• 地址：서울 강남구 강남대로 520 2F
• 營業時間：
  • 星期一至五 10:30-21:00
  • 星期六 10:00-18:00
• 前往方法：論峴站（논현역）3號出口

TOMORROW X TOGETHER嘅Huening Kai同好多海外人氣KOL都有嚟過呢間頭皮SPA專門店！MOCLOCK出名洗頭按摩夠舒服，推薦有脂漏性皮膚炎煩惱嘅朋友們去做頭皮護理。

呢度亦都出名提供針對早期脫髮人士嘅個人化頭皮護理，例如防脫髮護理同強效頭皮去角質，幫助改善頭皮彈性同補充養分。小編偷偷話俾對大家知，而家透過Creatrip預約仲可以免費做專門頭皮檢測，記住唔好錯過啦！

💭MOCLOCK顧客真實評價

更多預約資訊👇🏻

[스팟] MOCLOCK（江南總店）| 韓國專業頭皮護理

弘大 | THE SEOL:HA_(더설하)

• 地址：서울 마포구 서교동 448-31
• 營業時間：10:00-21:00
• 前往方法：弘大入口站（홍대입구역）1號出口

「THE SEOL:HA」係全韓國唯一一間結合傳統韓屋建築嘅高級頭皮SPA+按摩專門店，將韓式優雅氛圍融入現代化療程，為客人提供獨一無二嘅五感體驗。

呢度環境古色古香，一向係外國遊客最愛嘅打卡聖地。除咗身體按摩，佢哋嘅高級頭皮護理亦都好受歡迎，以純素、有機為主題，只用天然海藻、香草等植物性材料，提供安全溫和嘅護理療程，身體同頭皮可以同時放鬆舒緩！

💭THE SEOL:HA顧客真實評價

更多預約資訊👇🏻

[스팟] THE SEOL:HA（弘大）

弘大 | modenri_(모덴리) 

• 地址：서울 마포구 연남로 8 4F
• 營業時間：
  • 星期一、二、四、五 10:00-20:00
  • 星期六 10:00-17:00
• 前往方法：弘大入口站（홍대입구역）3號出口

[이미지 슬라이더]    

弘大「modenri」所有療程師都係頭皮護理專家，按成因診斷後會以最先進儀器同技術進行頭皮清潔及重點修護，解決各種頭皮問題。而且療程師話佢哋只會使用經認證、專為頭皮設計嘅高級產品，無論係有脫髮問題，定想預防頭皮老化都可以去！

如果大家會去弘大，又想做專業頭皮分析同療程，呢間頭皮護理專門店喺地鐵站行5分鐘就到，交通夠方便。呢度另外仲有提供頭皮紋身、紋眉等半永久化妝服務，可以一次過做埋！

💭modenri顧客真實評價

更多預約資訊👇🏻

[스팟] modenri（弘大）| 頭皮護理

弘大 | SOONSIKI HAIR_{(순시키헤어)}

弘大總店

• 地址：서울 마포구 와우산로21길 29 4F
• 營業時間：星期三至日 10:00-19:00
• 前往方法：弘大入口站（홍대입구역）9號出口

弘大韓屋店

• 地址：서울 마포구 홍익로5길 19 2F
• 營業時間：星期三至日 10:00-19:00
• 前往方法：弘大入口站（홍대입구역）9號出口

「SOONSIKI HAIR」連明星都會去，齋喺弘大就已經有幾間分店！呢度除咗出名剪+染頭髮之外，總店更加另外設有弘大髮型屋之中最大嘅頭皮SPA空間，提供多款頭皮SPA同頭髮護理療程，大家可以一邊轉個新髮型，一邊呵護秀髮。

[이미지 슬라이더]   

之前小編朋友去嘅時候體驗咗「SOONSIKI HAIR」嘅8-STEP頭皮SPA，開始前職員會先説明療程當中包含邊幾個步驟，仲有英文版説明書俾外國人參考！做完簡單頭皮診斷之後就會根據你嘅狀況進行去角質、電流按摩、水療同搽頭皮精華，做完仲會幫你set頭，就算唔剪頭髮，齋去做頭皮SPA都得！

💡小編小貼士：SOONSIKI HAIR弘大總店頭皮SPA空間係弘大髮型屋當中最大嘅，如果大家想同朋友一齊去體驗嘅話推薦可以去總店；韓屋店以療癒為主題，裝修簡潔又現代化，如果想喺更加安靜嘅地方享受療程，推薦去韓屋店！

💭SOONSIKI HAIR顧客真實評價

更多預約資訊👇🏻

[스팟] 最多全球顧客預約髮廊 | SOONSIKI HAIR（弘大總店）

[스팟] 最多全球顧客預約髮廊 | SOONSIKI HAIR（弘大韓屋店）

明洞 | JUNO HAIR_{(준오헤어)}

• 明洞街店地址：서울 중구 명동10길 41 7F
• 營業時間：10:00-21:00
• 前往方法：明洞站（명동역）8號出口

韓國大型連鎖髮型屋「JUNO HAIR」其實都有提供高級頭皮護理療程，當中最推薦大家去Google評價達5分嘅「JUNO HAIR」明洞街店！呢度有針對普通髮質、油性頭皮、敏感頭皮、小朋友專用同抗衰老嘅五款護理可以揀。平時真係好少見小朋友都做得嘅頭皮Spa，不妨可以帶埋小朋友去體驗！

[이미지 슬라이더]    

小編之前去嘅時候咁啱佢哋翻新咗裝修，落地窗望出去就係超靚嘅明洞聖堂！呢度有可以安靜享受頭皮SPA嘅私人房，亦都有提供頭皮SPA專用櫈，成個過程更加舒適。頭皮SPA包括基本頭皮診斷，亦都有蒸汽療程、頭皮按摩、水療等等嘅步驟，完全唔馬虎。小編個人覺得無論係想解決頭皮煩惱，定希望享受一個療癒時間，都好推薦大家嚟！

💭JUNO HAIR明洞街店顧客真實評價

更多預約資訊👇🏻

[스팟] JUNO HAIR（明洞街店）

明洞/新村/龍山 | LEEKAJA HAIR_{(이가자헤어)}

明洞店

• 地址：서울 중구 명동8가길 22 3F
• 營業時間：
  • 星期一 10:00-20:00
  • 星期二至日 10:00-20:30
• 前往方法：明洞站（명동역）8號出口

龍山I'PARK Mall店

• 地址：서울 용산구 한강대로23길 55 B1F
• 營業時間：
  • 星期一至五 10:00-19:30
  • 星期六 10:00-15:30
• 前往方法：龍山站（용산역）1號出口

如果想去試做頭皮SPA但覺得價錢太貴，推薦大家可以去LEEKAJA HAIR。LEEKAJA HAIR喺明洞同龍山都有分店，400幾港幣就可以做到60分鐘嘅頭皮SPA！如果想做更加完整嘅療程，推薦大家做80分鐘嘅活力頭皮水療，可以排走老廢物質同時促進血液循環，超舒服！

[이미지 슬라이더]   

之前小編去過明洞店剪頭髮同體驗頭皮SPA，第一個感覺係職員非常親切，因為可以直接用中文或者英文溝通，所以就算唔識韓文都唔緊要。一開始會先用儀器幫你診斷頭皮狀態，再透過仔細諮詢瞭解你嘅需求，非常細心。

然後就會進行頭皮去角質、修護同招牌Waterfall水療，全程好療癒，亦都會feel到頭皮冇咁綳緊同乾燥。最後髮型師仲會幫手set頭，做完可以靚住去行街同玩。BTW而家透過Creatrip預約明洞店可以享有9折優惠，去到現場用NAMANE卡付款仲可以享有5%積分回贈，記住唔好錯過！

💭LEEKAJA HAIR顧客真實評價

更多預約資訊👇🏻

[스팟] LEEKAJA HAIR（明洞）

[스팟] LEEKAJA HAIRBIS（龍山I'PARK Mall店）

明洞/新村/往十里 | HAIR THE BEAU_{(헤어더뷰)}   

明洞店

• 地址：서울 중구 명동10길 38 3F
• 營業時間：10:30-20:30
• 前往方法：明洞站（명동역）8號出口

新村店

• 地址：서울 서대문구 연세로 37 3F
• 營業時間：
  • 星期一至五 11:00-21:00
  • 星期六及日 11:00-20:00
• 前往方法：新村站（신촌역）2號出口

往十里店

• 地址：서울 서대문구 연세로 37 3F
• 營業時間：11:00-21:00
• 前往方法：往十里站（ 왕십리역）5號出口

HAIR THE BEAU唔單止係一間髮型屋，更加提供多個階段嘅頭皮護理療程，幫大家進行頭皮狀態診斷之後去除角質同老廢物質、敷髮膜同搽舒緩精華等等，非常仔細，大家可以嚟享受放鬆又療癒嘅時光。

特別係明洞店會為每位客人提供免費頭皮SPA服務，更加有為Creatrip客人提供獨家優惠美髮套餐，大家可以一邊整返個全新髮型，一邊呵護秀髮！

💡小編小貼士：如果比起剪或者漂染頭髮，只係想做頭皮SPA，推薦大家去頭皮SPA選項比較多嘅明洞店！

更多預約資訊👇🏻

[스팟] HAIR THE BEAU（明洞店）

[스팟] HAIR THE BEAU（新村店）

[스팟] HAIR THE BEAU（往十里站店）

明洞 | GREEN頭皮活髮中心_{(그린 탈모두피센터)}

• 地址：서울 중구 퇴계로 109 11F 1102호
• 營業時間：
  • 星期一至五 11:00-19:00
  • 星期六 10:00-18:00
• 前往方法：明洞站（명동역）5號出口

明洞「GREEN頭皮活髮中心」創辦以來有超過40萬位客人光顧，旗下更加有創立頭皮研究所，持續研究最新技術。療程前會詳細診斷同分析每位客人嘅頭皮狀況，亦都有超多款頭皮專用產品，有助解決頭皮同脫髮問題，提供客製化服務！

💭GREEN頭皮活髮中心顧客真實評價

更多預約資訊👇🏻

[스팟] GREEN頭皮活髮中心（明洞店）

鐘路 | Wellkin頭皮活髮中心_{(웰킨두피탈모센터)}

• 地址：서울 종로구 종로12길 23 9F
• 營業時間：
  • 星期一至五 11:00-21:00
  • 星期六 10:00-17:00
• 前往方法：鐘閣站（종각역）4號出口

如果大家年紀輕輕就已經有脫髮問題，或者覺得自己最近甩頭髮甩得幾嚴重，下次嚟韓國可以去「Wellkin頭皮活髮中心」做頭皮分析，再做脈活髮治療同頭皮SPA，從根本解決問題！

💭Wellkin頭皮活髮中心顧客真實評價

更多預約資訊👇🏻

[스팟] Wellkin頭皮活髮中心（鐘路店）

狎鷗亭羅德奧 | texture_(텍스처) 

• 地址：서울 강남구 압구정로 314 2F
• 營業時間：星期一、二、四至日 11:00-21:00
• 前往方法：狎鷗亭羅德奧站（압구정로데오역）6號出口

「texture」係一間染髮同頭髮護理專門店，1年內進行超過4,000次染髮同3,000次頭髮護理療程，而且會用到Kérastase、Shiseido等高級美髮產品，效果有保證！就算染頭髮都會以保護客人秀髮為前提，致力達至最佳效果同時將頭髮損傷減到最低！

💡小編小貼士：呢度更加主打喺染頭髮之前幫你做簡單Personal Colour診斷，推薦想同時染頭髮同做頭皮SPA嘅朋友預約！

更多預約資訊👇🏻

[스팟] texture（狎鷗亭羅德奧店）

龍山 | RECOVERIA_{(리커버리아)}

• 地址：서울 용산구 이촌로88길 8 2F
• 營業時間：星期一、二、四至日 10:00-19:00
• 前往方法：二村站（이촌역）3號出口

「RECOVERIA」嘅頭皮SPA專為頭皮同頭髮健康設計，透過頭皮按摩同護髮療程，幫你舒緩壓力、促進血液循環，預防脫髮同保持頭皮健康！療程會根據客人狀態度身訂造，運用含有天然草本、香薰、幹細胞培養液嘅高效產品，幫助頭皮補充營養，放鬆肩頸。

💭RECOVERIA顧客真實評價

更多預約資訊👇🏻

[스팟] RECOVERIA（龍山二村站總店）

釜山 | HAESOL頭皮護理中心_{(헤솔 두피클리닉스)}

• 地址：부산 중구 중앙대로 2 4F 
• 營業時間：10:30-21:30
• 前往方法：南浦站（남포역）8/10號出口

唔好以為得首爾先有得做高級頭皮SPA！呢間釜山頭皮護理專門店位於樂天百貨公司入面，集中護理療程利用幹細胞成分，促進頭皮再生同改善頭髮健康。而且現場設有高級人體工學頭皮Spa椅，幫你徹底放鬆，消除長期累積嘅疲勞。無論係想做抗衰老療程，定係希望舒緩同解決脫髮、頭皮發炎等問題，都可以嚟呢度！

💡小編小貼士：療程前後可以去釜山樂天百貨公司同樂天超市行街，安排行程更方便！

💭HAESOL頭皮護理中心顧客真實評價

更多預約資訊👇🏻

[스팟] HAESOL頭皮護理中心（樂天釜山光復店）

必去韓國頭皮SPA一覽表

如果睇完上面介紹都仲係唔知點揀好，不如直接參考小編幫大家整理嘅呢個表，睇吓邊間韓國頭皮SPA專門店/髮廊啱你心水：

頭皮SPA專門店

※價錢為2026年3月資訊，實際請參考現場價錢

提供頭皮SPA髮廊

※價錢為2026年3月資訊，實際請參考現場價錢

做完頭皮SPA後應該點維持頭皮健康？

韓式頭皮SPA/頭皮水療嘅效果一般最耐可以維持大約一個月，但實際持續時間因人而異，視乎你本身頭皮狀況同之後點樣保養。以小編個人經驗，通常效果維持2~3星期就會開始慢慢恢復原狀，平時亦都建議大家要好好維持頭皮健康。

保持頭皮健康有好多方法，多飲水、定期洗頭、勤用護髮&修護頭皮產品就唔需要多講，大家亦都可以喺屋企幫頭皮進行按摩，定期去做頭皮SPA都可以幫助頭皮keep住健康狀態！

韓國頭皮SPA常見問題FAQ

Q1. 韓國頭皮SPA一次療程要幾耐？

A：韓國大部分髮型屋嘅頭皮SPA都包括諮詢、頭皮護理療程同簡單頭髮造型服務，成個流程大約1.5至2個鐘，當然視乎髮廊、所選療程同你個頭皮/髮質情況，時間會有所唔同。

Q2. 價錢通常幾多？點解會差咁遠？

A：通常韓國頭皮SPA平均要價₩150,000(150000)，不過根據店鋪位置、療程時間長短、有冇頭皮診斷、所使用嘅產品等級、有冇包埋護髮療程同頭髮造型等因素而有所不同，預約前記住睇清楚套餐入面包括咩療程同步驟！

Q3. 懷孕可唔可以做頭皮SPA？有咩要注意？

A：基本上可以，不過要視乎孕婦狀況決定，如果身體狀況唔太穩定，建議先同醫生確認。而去現場進行頭皮SPA前一定要先同髮型師講而家正在懷孕中，問下可唔可以揀溫和/低敏/無香產品，按摩力度都可以要求細力啲，有唔舒服一定要出聲！最保險係透過Creatrip預約前喺相關預約頁面Q&A部分，或者透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心查詢！

Q4. 頭皮有暗瘡、發炎症狀，或者有傷口嘅話可唔可以做頭皮SPA？

A：需要視乎嚴重程度。因為如果有傷口或發炎位，做清潔/去角質同按摩有機會刺激到、令情況惡化。建議先同店舖講清楚情況，等髮型師評估狀況後選擇避開患處進行療程、轉做舒緩型頭皮SPA，抑或係需唔需要改期。如果有明顯痛、流膿、感染症狀，建議先另行求醫。

Q5. 染髮、電髮、漂髮當日可唔可以同時做埋頭皮SPA？

A：可以！不過因為頭皮SPA會用到熱力同整齊，最好係做其他美髮療程前進行，以免影響染髮/漂髮/電髮效果。不過每個人情況唔同，現場諮詢時再決定會比較好！

Q6. 頭皮屑問題嚴重嘅話，做一次會唔會即刻有效？建議幾耐做一次？

A：有啲人做完一次已經會覺得清爽、冇咁痕，因為但頭皮屑成因多（油脂、敏感、乾燥、作息等），所以效果因人而異。一般會建議按頭皮狀態每2–4星期做一次；如果屬於比較嚴重或反覆嘅情況，可以先同店舖做評估再決定。

Q7. 頭皮SPA對脫髮有冇幫助？

A：頭皮SPA可以幫助清潔頭皮、放鬆舒緩同調節油脂分泌，某啲人會覺得做完之後頭皮變得狀態穩定。但始終頭皮SPA唔係醫療級脫髮治療，亦唔能夠取代診斷、藥物或醫療療程，如果脫髮問題嚴重，建議同時考慮皮膚科或專科評估同治療。

Q8. 男士都會做頭皮SPA？嗎？有冇特別推薦男士嘅套餐？

A：會！尤其係想改善頭皮出油、頭皮味、頭皮屑、頭髮扁塌問題嘅男士都會定期去做頭皮SPA，加埋簡單護髮療程可以令效果更全面，頭髮更柔順。

以上係小編幫大家整理出嘅韓國頭皮SPA推薦髮型屋名單，大家可以按照需求同行程去安排，由根本改善髮質，先可以打造到一把靚頭髮！重點係韓國比較平，大家可以趁嚟旅行嘅時候一次過做埋！

想預約其他美髮體驗？

撳我瞭解更多

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！