Hello，大家好，我哋係由韓國人每日提供最新韓國旅行資訊嘅Creatrip。
而家去韓國玩唔再只係去指定景點就算，好多人都會去Pop-up Store玩同攞贈品！無論係化妝品、餐飲類、卡通人物定電視劇/電影都會爭相喺弘大同聖水等地開呢種期間限定鋪頭，今日就等小編話你知道點先可以follow到最新Pop-up Store資訊，去嘅時候有要注意啲咩啦！
韓國Pop-up Store攻略
小貼士 1 | 追蹤分享Pop-up資訊嘅IG
Instagram有唔少專門介紹韓國最新Pop-up活動嘅account，但係大部分資訊都係用韓文提供。不過就算唔識韓文都唔緊要，IG有內建翻譯功能，雖然唔係100%準，但係都可以知道最近有咩新Pop-up！
以下呢幾個IG account經常都會更新，想知道最近韓國有咩好玩嘅期間限定好去處嘅話，推薦大家follow佢哋：
小貼士 2 | 追蹤你鍾意嘅品牌嘅IG
雖然好似好理所當然，但係所有品牌都會喺開Pop-up前出post宣傳，大家可以去自己鍾意嘅brand嘅IG或者官方網站睇活動詳情，如果咁啱係你會嚟韓國嘅時候搞，就記住一定要預留時間去啦！
小貼士 3 | 整返張有韓國電話號碼嘅SIM卡
好多Pop-up都要用一個叫CATCHTABLE嘅系統排隊，登記嘅時候要輸入韓國電話號碼，登記完之後可以四圍行住先！大家更加可以用手機睇下前面仲有幾多team人，就嚟輪到你之前會收到通知，建議收到message之後就好去返Pop-up store附近，通常過咗5至10分鐘都未到嘅話，就會失去排隊資格！
有電話號碼嘅韓國SIM卡👇🏻
[스팟] LG U+ SIM卡（無限上網、機場領取）
[스팟] Link Korea KT SIM卡（無限上網、機場/明洞領取）
[스팟] [機場領取] 親故通信預付SIM卡（無限上網）
小貼士 4 | 去Naver預約
有啲品牌會喺Naver或者官方網站開放網上預約（通常可以喺官方IG搵到link），如果大家有韓國電話號碼，而且發現想去嘅Pop-up Store有得book嘅話，建議提前預約定，咁就唔怕會去唔到啦！
小貼士 5 | 避免Weekend去
所有Pop-up Store禮拜六日同韓國紅日都會多人到一個點，如果要現場排隊等，唔早少少去嘅話有時候要等成幾個鐘！所以建議大家schedule得嘅話就要平日提早去（甚至去等佢開門XD）
小貼士 6 | 冇時間做research就去聖水洞
如果唔知最近有咩Pop-up Store好去，推薦大家去聖水洞行返轉！聖水洞可以話係韓國而家最潮最多新嘢睇/玩嘅地方，好多brand都會爭相喺聖水洞搞Pop-up，所以去到唔怕冇嘢睇！
你可能會有興趣👇🏻
[블로그] 2025首爾聖水美食總整理
[블로그] 2025首爾聖水洞購物攻略
小貼士 7 | 做定Personal Colour再去
好多美妝Pop-up Store都會提供免費唇妝甚至係化妝體驗，如果大家知道自己屬於咩色調，到時候揀色都會方便啲！
精選Personal Colour診斷中心大比較👇🏻
[블로그] 韓國Personal Colour中心總整理
其他韓國旅行攻略⭐️
[블로그] 2025最新韓國入境政策
[블로그] Olive Young優惠總整理
如果有更多想知嘅內容，都可以隨時留言或者dm話俾我哋知：）
Mail：help@creatrip.com
