Hello，大家好，我哋係由韓國人每日提供最新韓國旅行資訊嘅Creatrip。
韓國有超多動物Cafe，狗仔Cafe、浣熊Cafe、就連羊咩咩Cafe都有！今日小編就打算帶大家去明洞一間貓Cafe —— 「貓咪遊樂場」，一齊睇吓啲貓貓有幾得意啦！
明洞「貓咪遊樂場」資訊
- 地址：서울 중구 명동8길 37-14 3F
- 營業時間：12:00 - 23:00
明洞「貓咪遊樂場」推薦理由
- 呢度有成50隻唔同品種嘅貓，淨係望住佢哋都勁療癒！
- 老闆非常注意衛生，環境亦都非常乾淨，可以放心。
- 透過我哋買入場券可以免費得到一條肉泥。
- 位於明洞站附近，地理位置方便，去完仲可以喺明洞行街！
明洞「貓咪遊樂場」價錢
| 價錢 | 包括項目 | |
|---|---|---|
| 入場券 | ₩12,000 | 無限時使用券 + 1杯飲品 + 1條肉泥 |
※本商品不設退款。
※可以即日買即日用。
明洞「貓咪遊樂場」注意事項
- 並非預約制，去到現場需要按到場順序入場。
- 電子憑證上面寫有入場券有效期限，體驗前請檢查清楚。
- 如希望加購其他項目，請喺現場支付所需金額。
- 預約時請確保已選擇正確日期及時間。
- 如有任何問題，請send email到help@creatrip.com查詢。
- 戴藍色頸巾嘅貓比較敏感，唔可以伸手摸。
- 戴黃色頸巾嘅貓管理緊體重或者接受緊治療，唔可以餵佢哋食零食。
- 其他貓全部可以摸，不過唔可以抱起或者舉起佢哋。
明洞「貓咪遊樂場」預約流程
STEP 1. | |
STEP 2. | 請填寫所有相關資訊。 |
STEP 3. | 預約會即時自動成立。 |
STEP 4. | 體驗當日請向職員出示預約記錄。 |
STEP 5. | Enjoy！ |
明洞「貓咪遊樂場」介紹
今日小編帶大家嚟到位於明洞嘅「貓咪遊樂場」！呢度有成50隻唔同品種嘅貓，有好多外國人都會專程嚟睇佢哋！
首先要喺入口換拖鞋，之後先可以入場。
入到去之後職員會俾一個大膠袋你放隨身物品，咁就唔洗怕會痴到周圍都係貓毛啦！放好個人物品之後記住要用酒精搓手液消毒雙手，保障自己同貓貓嘅安全~
注意事項有韓文、中文、英文、日文同俄羅斯文，大家正式開始體驗之前記住要細心閲讀一次。另外飲品Menu亦都有英文，唔需要怕睇唔明。
牆上面貼滿住而家鋪頭入面養緊嘅貓嘅資訊，大家又認得出幾多隻呢？
鋪頭入面嘅櫃都有擺設好多玩具同模型。
Counter都裝飾得好得意~
鋪頭最入面有個位賣緊貓嘅週邊商品，無論係貼紙、信紙定開瓶器都有，大家可以買返去當手信。
週邊商品區右邊係坐地板嘅位，大家可以除鞋入去，坐喺暖笠笠嘅地板上面同貓貓玩~
另外嘅座位就好似上圖咁，會係2人枱或者4人枱。枱上面會有一塊毛氈仔，係用嚟俾貓可以坐得舒服啲~
如果大家透過Creatrip買入場券，就可以免費得到一條肉泥（價值₩2,000），記住要show張預約憑證俾職員睇啊！
肉泥係貓貓們最鍾意嘅零食，有好多唔同款。
餵貓之前要睇清楚貓貓有冇戴黃色頸巾或者著黃色衫，如果有嘅話就代表佢哋需要管理體重或者接受緊治療，千祈唔可以餵佢哋！
而好似呢隻貓咁戴住藍色頸巾嘅就代表佢哋比較敏感，記住唔可以摸佢哋，如果唔係可能會被佢哋攻擊或者咬，受傷就唔好啦！
小編同朋友叫咗美式咖啡，不過呢度都有好多其他飲品，可以任君選擇~
鍾意貓嘅朋友們如果想療癒一吓，小編非常推薦大家嚟呢度玩！
明洞「貓咪遊樂場」前往方法
喺明洞站（명동역）6號出口行出嚟。
背對出口直行。
喺第二個街口轉右。
直行，你會見到「貓咪遊樂場」嘅招牌就喺前面。
行入大廈。
搭𨋢上3樓就到「貓咪遊樂場」啦！
以上係明洞「貓咪遊樂場」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
