Hello，大家好，我哋係由韓國人每日提供最新韓國旅行資訊嘅Creatrip。
唔知大家嚟韓國讀書之前會唔會諗過想識韓國朋友呢？或者而家喺韓國想識韓國朋友可以點做？就等小編話俾大家知有咩方法啦！
喺韓國最快識到朋友嘅方法
1. 參加學會活動
參加學會係因為大家興趣相投，可以更快拉近大家之間嘅距離！另外每間學校嘅國際中心有時仲會舉辦一啲交流活動，大家可以參考一吓學校官網。
2. 返Part-time
只要喺韓國留夠半年或以上就可以返part-time！通常Cafe、戲院、賣衫嘅鋪頭等都會多年輕人做，大家一齊捱過，彼此同甘共苦，咁樣大家嘅友誼仲會keep得更耐！
3. 去做義工
韓國有各種各樣嘅義工活動，例如：探望老人院、醫院、軍隊等慰問活動，交通安全、環境保護等宣傳活動，救災、幫助貧困鄰居等慈善救助活動，文化遺產保護、執垃圾等環境設施保護活動，以及外語教學義工等等。做義工大家都係有一顆善良嘅心去幫人，活動結束後大家會因為共同努力而變得更團結。
另外喺韓國做完義工，寫CV時都會大大加分，如果之後會想一直喺韓國做嘢，可以考慮吓上 1365 자원봉사포털網站去搵有咩義工做，網上有提供英文，唔需要擔心睇唔明。
4. 去做運動
去做運動除咗可以健身之外，仲可以識朋友，尤其係參加跆拳道、打拳等需要分組嘅運動更加容易識到。當然大家性格都要外向啲，咁樣更加容易融入到韓國人嘅圈子。
5. 用apps
最近韓國就係好流行用一個叫「somoim」嘅app，你可以set自己興趣/地區之後搵到志趣相同嘅朋友。好多人有時仲會約出嚟去行山、讀書、語言交流等，唔少上班族都好鍾意用呢個app。另外「frip」同「Udong」都係類似嘅app，有興趣嘅朋友可以download嚟睇吓！
以上係一啲可以快識到韓國朋友嘅方法，希望可以幫到大家啦：）
以上係「喺韓國最快識到朋友嘅方法」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
