代訂 | 釜山必去景點一日遊

Hello，大家好，我哋係由韓國人每日提供最新韓國旅行資訊嘅Creatrip。

釜山係全韓國第二大城市，春天可以睇到超多櫻花，夏天可以享受陽光與海灘，秋天可以同時睇到紅葉同海景，而冬天就可以睇到冬日大海嘅景色，一年四季都咁有魅力~ 今日要介紹嘅一日遊將會帶大家去勻釜山必去景點，等大家可以一日之內徹底感受釜山嘅魅力，最近plan住嚟旅行又唔知有咩地方好去嘅朋友們記住睇埋落去啦！

「釜山必去景點一日遊」資訊

• 舉辦日期：2023.03.01（星期三）- 2023.12.31（星期日）
• 開團日子：逢星期一、三、五

「釜山必去景點一日遊」推薦理由

• 遊覽釜山必去景點，體驗釜山多彩多姿魅力。
• 喺甘川洞文化村可以睇到色彩繽紛嘅壁畫之餘，仲可以影到靚相。
• 喺天空步道可以俯瞰釜山同東海全景，而且仲超刺激！

「釜山必去景點一日遊」價錢

「釜山必去景點一日遊」退款政策

※上述政策同時適用於更改預約。
※如因個人原因中途離團，恕不設任何退款。
※即使已經付款，行程仍可能會根據報名人數及預約情況而被取消。
※只接受辦公時間內取消預約。（辦公時間：星期一至五 10:00 – 19:00、公眾假期及法定勞工假期除外）

「釜山必去景點一日遊」行程表

「釜山必去景點一日遊」注意事項

• 請最少喺出發7日前完成預約。
• 價錢包括入場費、中/英文導遊服務、來回交通費用、午餐。
• 價錢唔包括個人開支及旅遊保險。
• 本行程最少6人成團，如報名人數過少可能會取消。
• 落雨或者落雪會照常出發，不過如遇上惡劣天氣，行程將會改期或取消，屆時將會進行退款。
• 行程將會根據交通狀況及景點狀況而有所變動。
• 36個月以下幼童免費，但唔會額外提供座位。
• 如有任何疑問或者希望更改預約，請send email到help@creatrip.com查詢。

「釜山必去景點一日遊」預約流程

STEP 1.	撳我預約
STEP 2.	請詳細輸入所有相關資訊及付款， 我哋會喺1-2個工作天內確認預約。
STEP 3.	請提前10分鐘到達出發地點。 08:00 釜山西面站12號出口出發
STEP 4.	出發

「釜山必去景點一日遊」介紹

甘川洞文化村

「甘川洞文化村」堪稱為韓國馬丘比丘，係當地嘅一個文化村。喺朝鮮戰爭期間，原本呢度係一個難民營地，但之後當地人將每間屋油成五顏六色，令到呢度更多姿多彩，吸引唔少人嚟打卡。大家嚟到記住要同小王子雕像合照啦！

釜山國際市場 & 札嘎其市場

「國際市場」係韓國1945年光復成功之後，日本人撤離嘅時候想賣走戰爭物資而形成嘅市場。韓戰之後難民開始喺呢度擺檔，有好多秘密運入境嘅商品都會連同美軍嘅軍用物資一齊喺呢度賣到全國各地。而家呢度成為釜山最出名嘅市場之一，有好多當地美食，而附近嘅札嘎其市場更加出名食鰻魚~

呢度更加因為超賣座韓國電影《國際市場》而爆紅，吸引超多人慕名而來！

龍頭山公園

「龍頭山公園」距離南浦洞只有3分鐘，大家可以選擇行樓梯或者搭扶手電梯上去，上到最頂仲可以喺釜山塔眺望台一覽釜山市區！公園入面亦都有寺廟同中央聖堂，氣氛幽靜，俾人一種平和嘅感覺。

松島天空步道

코리아배낭여행

코리아배낭여행

被選定為釜山西區十大景點之一嘅「松島天空步道」位於松島海水浴場，總長104米，大家可以一邊行，一邊欣賞釜山海景！沿住天空步道行仲可以去到「龜島」，傳聞相愛嘅男女一齊去嘅話，愛情就會成真，可以開花結果~

太宗台

호텔스닷컴

「太宗台」係釜山最有代表性嘅景點之一，大海加上超靚大自然風景，由古時候開始就已經吸引唔少詩人同文人到訪。喺呢度可以睇到一望無際嘅海景，天氣好嘅話仲可以望到日本對馬島！