2026最新13間韓國美甲/Gel甲店總整理
想喺韓國Gel甲話咁易！簡單/可愛/華麗風，總有一間啱你心水！
- 點解咁多人都去韓國做Gel甲？
- 狎鷗亭 | DAKYO NAIL(다교네일)2
- 狎鷗亭 | Shinggomggom Nail(신꼼꼼 네일스튜디오)1
- 江南 | Krasny(크라스니네일)1
- 江南 | koho nail(코호네일)1
- 弘大 | 與今天不一樣的Nail(오늘과다른네일)1
- 弘大 | Hey Objet(헤이오브제)1
- 合井 | Nail KiMLEe(네일킴리)1
- 合井 | Nail Box(네일박스)1
- 望遠 | here.re(히어리네일)1
- 明洞 | Pro Beauty(프로뷰티)1
- 鐘路 | Nail Grimi(네일그리미)1
- 釜山 | Chocobusy Nail(초코비지네일)1
- 釜山 | EYEHOLIC&NAIL(아이홀릭네일)1
- 必去韓國美甲/Gel甲店一覽表
- 預約同體驗韓國美甲前小貼士
- 韓國美甲/Gel甲常見問題FAQ
Hello，大家好，我哋係由韓國人每日提供最新韓國旅行資訊嘅Creatrip。
唔知大家平時有冇留意韓式Gel甲呢？基本上每個月都會轉新款，有時真係靚到款款都想整！
小編自己本身冇整Gel甲嘅習慣，但係之前俾身邊朋友整嘅韓式美甲款式吸引到，最後演變成而家定時定候都會去整新Gel甲款轉換心情，襯衫都會好睇啲。今日小編就想推薦幾間喺首爾同釜山多韓國人去嘅鋪頭俾大家，之後嚟旅行不妨抽1-2個鐘去扮靚啦！
韓國美甲/Gel甲店總整理
點解咁多人都去韓國做Gel甲？
➀ 超貼近潮流，充滿韓風設計感
韓國美甲最吸引就係款式多同夠潮，無論係普通單色指甲，抑或係鏡面甲、糖漿美甲、啫喱甲、Bling bling寶石款都可以幫你做到。而且好多鋪頭都可以做到10隻手指唔同設計，充滿個性、想同其他人做唔同款嘅朋友們可以喺度發揮大家嘅小宇宙！
➁ 美甲持久度高、護理夠細緻
韓國美甲店通常好重視指甲護理，修甲形、清理指緣角質等都做得好仔細。所以喺韓國做Gel甲唔易翹邊、光澤感好、持久度都更高，唔係得個靚字！
➂ 風格多樣化，上鏡得嚟又日常
唔少人以為韓國美甲一定好浮誇，但其實簡約、自然、清新可愛嘅款都好多，返工返學都唔會太搶眼。當然你想要偶像式華麗款都一樣得，可以按你需要去調整！
➃ 一站式變靚，慳時間又方便
韓國有好多美容院/Salon會同時提供Gel甲、電睫毛、蜜蠟脫毛、眉毛整理等服務，對時間緊逼嘅遊客嚟講非常方便，可以慳時間、慳腳骨力，一次過變靚得咗！
➄ 價錢實惠又高質，CP值夠高
雖然視乎地區同店鋪價錢會有差別，但整體嚟講相比香港，韓國Gel甲更加抵做，而且服務更高質、美甲持久度更高。透過Creatrip預約好多時仲有折扣/贈品優惠，睇清楚再book會更抵！
如果大家唔知道嚟韓國去邊間Gel甲鋪唔伏，韓國女仔們又會去邊度整指甲？以下係居韓小編幫大家整理嘅首爾同釜山美甲店，預約前記住參考啦！
狎鷗亭 | DAKYO NAIL(다교네일)
- 地點：서울 강남구 선릉로161길 15-3 5F
- 前往方法：狎鷗亭羅德奧站（압구정로데오역）6號出口行2分鐘
呢度超多偶像同韓星熟客，所有美甲設計都夠trendy又特別，唔怕同人撞款！專業美甲師會因應你每隻指甲嘅狀態同喜好，細心做護理同設計，完成度高、效果好有質感。款式亦夠潮又有個性，好容易整到一款一眼就吸引到人嘅美甲。
之前小編去過「DAYKO NAIL」狎鷗亭店，美甲師話佢之前幫過TWICE、KIOF、Billlie整指甲！整體體驗非常舒服，而且現場都有好多唔同款式可以參考，小編就整咗Billlie Tsuki同款。因為美甲師非常細心，所以最後成果比想象中仲靚，大家可以參考下面條片：
💡小編小貼士：「DAYKO NAIL」喺首爾狎鷗亭同聖水都有分店，旅行途中想獎勵自己，或者去簽名會/見偶像前想扮靚，都可以按照自己行程揀去邊間分店！
💭DAYKO NAIL顧客真實評價
★★★★★ Jian Jina ｜ 🇹🇼 台灣 ｜ 2025.09.24 溝通非常順利，美甲師有做出我想要的效果 |
價錢&款式參考👇🏻
[스팟] DAKYO NAIL（狎鷗亭店）
[스팟] DAKYO NAIL（聖水店）
狎鷗亭 | Shinggomggom Nail(신꼼꼼 네일스튜디오)
- 地點：서울 강남구 선릉로155길 23-3 5F
- 前往方法：狎鷗亭羅德奧站（압구정로데오역）5號出口行5分鐘
Creatrip獨家優惠🎁
|
呢間位於首爾清潭洞、狎鷗亭一帶嘅人氣美甲店係好多K-POP偶像同藝人都會幫襯嘅鋪頭。美甲師曾經幫過權恩妃、Red Velvet Wendy、fromis_9、FIFTY FIFTY、VIVIZ、少女時代、IZ*ONE、BADVILLIAN等頂級藝人整過指甲，經驗同實績都好豐富。
店內美甲師同時擁有韓國同日本美甲師牌照，技術有保證之餘，服務亦細心有口碑，第一次去都可以放心交俾佢哋。每個月仲會更新最新潮流款，無論想整季節限定設計，定係偏韓系時尚嘅美甲風格都好適合。
💡小編小貼士：想整韓國偶像風設計嘅話推薦去呢間，建議預約時先準備好2至3張想要嘅風格圖！
💭Shinggomggom Nail顧客真實評價
★★★★★ maida815 ｜ 🇺🇸 美國 ｜ 2025.04.09 這裡真是太棒了！這是我第一次來，地理位置方便，友善的美甲設計諮詢都給我留下了深刻的印象。店裡也非常乾淨，工作人員非常細心，我對效果非常滿意。我絕對會再來的！ |
價錢&款式參考👇🏻
[스팟] Shinggomggom Nail（狎鷗亭）
江南 | Krasny(크라스니네일)
- 地點：서울 강남구 선릉로89길 11
- 前往方法：宣陵站（선릉역）3號出口行2分鐘
Creatrip獨家優惠🎁
|
如果你想試真正Premium級美甲體驗，推薦大家將江南「Krasny」放入你個list入面！老闆曾經贏得14次世界美甲大會冠軍，無論手勢、細節位定係完成度都好有水準。
而呢間鋪頭設計風格行精緻路線：將韓國傳統嘅優雅感同而家流行元素融埋一齊，做出既有trend又有品味嘅效果。而且收費夠合理透明，更加會運用高級材料，可以維持6星期以上，持久度高！
💡小編小貼士：呢間特別適合重要約會、影相行程、婚攝前後，或者本身好重視持久度同質感嘅人去體驗！
💭Krasny顧客真實評價
★★★★★ Bobbi ｜ 🇺🇸 美國 ｜ 2026.03.08 服務太棒了！我從未體驗過如此細緻精美的美甲。強烈推薦 Krasny Nails。他們回覆我的預約訊息也非常迅速。透過 creatrip 預訂的過程非常順利！ |
價錢&款式參考👇🏻
[스팟] Krasny（江南）
江南 | koho nail(코호네일)
- 地點：서울 강남구 테헤란로83길 36 5F
- 前往方法：三成站（삼성역）5號出口行10分鐘
Creatrip獨家優惠🎁
|
想喺江南整美甲又唔想浪費時間？地鐵站行10分鐘，距離COEX只需要行3分鐘就到，交通非常方便。店內乾淨企理、衛生做得好到位，整指甲亦好注重細節，可以做到夠潮又夠精緻嘅韓式設計。
全程可以用英文溝通，亦可以同家人朋友一齊做，好啱旅行途中順便去扮靚。透過Creatrip預約，參加評論優惠活動仲可以獲得即日用到嘅₩5,000優惠券，更加抵做！
💡小編小貼士：如果你會去COEX、星空圖書館、現代百貨一帶行程，呢間好適合順路安排！
💭koho nail顧客真實評價
★★★★★ Mackenzie Sherwell ｜ 🇦🇺 澳洲 ｜ 2026.03.22 非常滿意我的美甲，大概花了2個小時，所以一定要預留足夠的時間！店面就在星空圖書館附近。 |
★★★★★ Anne Phan ｜ 🇺🇸 美國 ｜ 2026.01.25 我和表妹預約了美甲，工作人員溝通起來非常方便，詳細地告知了我們預約的各項事宜。店面位置也很好找，我對美甲效果超滿意！ |
價錢&款式參考👇🏻
[스팟] koho nail（江南COEX）
弘大 | 與今天不一樣的Nail(오늘과다른네일)
- 地址：서울 마포구 양화로 156 B1 107호
- 前往方法：弘大入口站（홍대입구역）9號出口行1分鐘
弘大「與今天不一樣的Nail」款式選擇多，由簡約可愛風到華麗亮眼風都有，基本上好易就搵到啱自己風格嘅設計。再加上美甲師有超過10年經驗，手勢細緻、護理療程都做得好足，所以最終成果好睇又更耐用，更安心。環境乾淨簡潔、氣氛偏安靜舒服，可以放鬆咁享受整甲時間。
💡小編小貼士：位置近弘大入口站，行程中途想順便去整都非常方便。
💭與今天不一樣的Nail顧客真實評價
★★★★★ CHUNCI YANG ｜ 🇹🇼 台灣 ｜ 2025.10.15 店員姐姐專業度很高，也很有耐心的跟我討論顏色 |
★★★★★ Vickie Ng ｜ 🇭🇰 香港 ｜ 2023.06.18 Gel甲師好nice，一路傾計一路gel，好開心！修死皮、護甲做得好完美，畫花紋都好仔細！立體gel好靚 |
價錢&款式參考👇🏻
弘大 | Hey Objet(헤이오브제)
- 地址：서울 마포구 어울마당로 136-24 2F
- 前往方法：弘大入口站（홍대입구역）8號出口行3分鐘
如果你係「真・美甲控」，呢間美甲店就啱曬你！「Hey Objet」每一款Gel甲都落足心思，全部都好似一幅幅畫作咁，而且唔止靚，仲有主題同意思。
鋪頭裝修走白色簡潔路線，乾淨舒服，配埋窗外樹景同柔和燈光，成個氣氛好relax。如果想搵近弘大入口站、交通方便，氣氛又夠好嘅Gel甲鋪，推薦大家嚟「Hey Objet」！
💡小編小貼士：想整細節多、有設計感嘅Gel甲，推薦可以考慮埋呢間，仲可以事先去佢哋IG睇款！
💭Hey Objet顧客真實評價
★★★★★ ching2bb ｜ 🇭🇰 香港 ｜ 2024.07.31 整得好靚，仲要整得好快。我keep左差唔多兩個月先捨得換。下次會再嚟 |
★★★★★ Emarinbi ｜ 🇭🇰 香港 ｜ 2025.08.24 員工很有耐心去幫我弄成漂亮的指甲！甲型修的很滿意！太燙的時候也會告訴我怎麽可以避免燙！但是記得不能刷卡的小夥伴一定要帶零錢噢！這個價格只是預約金！如果沒有零錢的話就要像我一樣周圍去找有沒有地方換零錢了！ |
價錢&款式參考👇🏻
合井 | Nail KiMLEe(네일킴리)
- 地址：서울 마포구 잔다리로 30-32 B2F
- 前往方法：合井站（합정역）3號出口行5分鐘
Creatrip獨家優惠🎁
|
弘大附近嘅「Nail KiMLEe」美容專門店除咗整Gel甲，仲可以做埋電睫毛同臉部拉提療程，護理行細緻認真路線。職員識講流利中文，亦都可以用英文溝通，位置亦接近弘大中心，行街中途順便去整都好方便。
💡小編小貼士：怕用其他語言溝通唔到嘅話推薦嚟「Nail KiMLEe」，中文、英文都得！
💭Nail KiMLEe顧客真實評價
★★★★★ Wong Po yiu ｜ 🇭🇰 香港 ｜ 2025.11.10 整得好靚，修甲後，指甲變得好漂亮，然後做出來的成品好可愛 |
★★★★★ jae_1 ｜ 🇭🇰 香港 ｜ 2024.10.27 Kim and her staff are really professional and nice. The most satisfying beauty experience in Creatrip ever. Highly recommend!! |
價錢&款式參考👇🏻
[스팟] Nail KiMLEe（合井）
合井 | Nail Box(네일박스)
- 地址：서울 마포구 양화로6길 77
- 前往方法：合井站（합정역）5號出口行6分鐘
Creatrip獨家優惠🎁
|
「Nail Box」款式風格覆蓋廣，想要華麗閃亮、或者簡約可愛風都搵到，可以根據心情同喜好揀，亦都可以直接用英文溝通。再加上美甲師經驗豐富、手勢夠細緻，做完唔單止靚，持久度都相當有口碑。
店鋪位於合井站5號出口附近，而且店內環境乾淨舒服，整指甲過程可以放鬆享受！
💡小編小貼士：呢間Gel甲鋪每月款式多，而且會有優惠價！
💭Nail Box顧客真實評價
★★★★★ Chelsea Ng ｜ 🇺🇸 美國 ｜ 2024.07.31 服務很好。價格非常透明，清潔和塗抹指甲油的過程也很細緻。整體來說體驗很好，效果也很棒。 |
★★★★★ Mnm ｜ 🇯🇵 日本 ｜ 2025.12.30 他們聽取了我的要求，並提出了一些很棒的建議。成品太可愛了吧！我一定會再來的！ |
價錢&款式參考👇🏻
望遠 | here.re(히어리네일)
- 地點：서울 마포구 월드컵로17길 47 3F
- 前往方法：望遠站（망원역）2號出口行3分鐘
Creatrip獨家優惠🎁
|
想整到真正反映到自己風格嘅Gel甲？主打客製化美甲嘅望遠洞「here.re」就啱曬你啦！呢度美甲師有9年經驗，手勢細緻，加上用料高質，夠靚之餘持久度高，就算係第一次做Gel甲都可以放心交俾佢哋！
💡小編小貼士：款式可以到場邊揀邊改，按你喜好度身訂做；甚至可以10隻手指每隻唔同款，特別適合唔鍾意撞款、想更自由嘅人。
💭here.re顧客真實評價
★★★★★ tierra950794 ｜ 🇯🇵 日本 ｜ 2025.03.01 整潔的店內環境令人印象深刻。在選擇美甲設計時，他們提供了詳細的諮詢，讓我最終能打造出自己想要的效果。感謝店員們的精湛技藝，我對效果非常滿意，而且價格合理也是一大優勢。我絕對會再來的。 |
價錢&款式參考👇🏻
[스팟] here.re（望遠）
明洞 | Pro Beauty(프로뷰티)
- 地址：서울 중구 명동8가길 9 3F
- 前往方法：明洞站（명동역）8號出口行3分鐘
Creatrip獨家優惠🎁
|
想喺明洞搵抵做又方便嘅Gel甲鋪，「Pro Beauty」可以話係CP值最高嘅一間。除咗整指甲，仲可以同場做到電睫毛同蜜蠟脫毛等美容項目，一次過做完可以慳返唔少時間。店鋪空間夠闊，亦可以多人同時做療程，同朋友一齊去最啱。
💡小編小貼士：款式選擇都好多，無論你想走華麗風定可愛風都搵到啱嘅設計。再加上距離明洞站行3分鐘就到，整完就可以順便繼續喺明洞shopping！
💭Pro Beauty顧客真實評價
★★★★★ Louisa Louie ｜ 🇭🇰 香港 ｜ 2024.04.30 第一次體驗係韓國gel 甲，真係快靚正 |
★★★★★ CoCo0 ｜ 🇹🇼 台灣 ｜ 2024.04.11 店裡美甲師很親切也很好溝通、預訂可以在更改其他款式，店家也會預約金扣除，老闆也很好又漂亮，下次來韓國會在來光臨。 |
價錢&款式參考👇🏻
鐘路 | Nail Grimi(네일그리미)
- 地點：서울 종로구 청계천로 57 3F
- 前往方法：鐘閣站（종각역）4號出口行1分鐘
Creatrip獨家優惠🎁
|
鐘路「Nail Grimi」位於地鐵站出口附近，行1分鐘就到！呢間Gel甲店顏色同飾物配件選擇超多，可以跟住你嘅喜好同心情，自由度好高咁客製屬於自己嘅款式，每月更加會推出全新款式，夠曬貼近潮流！
💡小編小貼士：而家預約星期一至五14:00-17:00時段可以免費加Gel甲顔色，價錢夠實惠，記住唔好錯過！
💭Nail Grimi顧客真實評價
★★★★★ Anna Speck ｜🇩🇪 德國 ｜ 2025.11.07 一切都很順利，工作人員很友善，設計效果也很漂亮！ |
價錢&款式參考👇🏻
[스팟] Nail Grimi（鐘路）
釜山 | Chocobusy Nail(초코비지네일)
- 地址：부산 해운대구 1로37번길 9
- 前往方法：海雲台站（해운대역）1號出口行8分鐘
Creatrip獨家優惠🎁
|
如果今次你會去釜山海雲台玩，又想搵間質素穩定嘅美甲店，推薦大家可以去已經營業超過15年嘅「Chocobusy Nail」。最誇張係店內有超過2,000種色可以揀，而且用料只用高質素產品，質感同完成度都更有保障。
而且簡約清新風、韓式華麗閃石款、細緻手繪都可以整到，特別推薦鍾意bling bling美甲，或者想整啲有個性、唔容易撞款嘅朋友去做。
💡小編小貼士：鋪頭入面有超過10位美甲師，同一班朋友一齊去都可以同時做！
💭Chocobusy Nail顧客真實評價
★★★★★ Laurepha ｜其他 ｜ 2025.06.06 雖然我的指甲很短，但效果很棒。他們非常專業，注重細節。我對最終效果和他們的處理方式非常滿意。 雖然我們說的不是同一種語言，但我們努力互相理解。他們還有一些會說英語的美甲師，可以為不懂韓語的顧客提供幫助 :) |
價錢&款式參考👇🏻
[스팟] Chocobusy Nail | 海雲台美甲/Gel甲
釜山 | EYEHOLIC&NAIL(아이홀릭네일)
- 地址：부산 수영구 광안로7번길 17
- 前往方法：廣安站（광안역）3號出口行1分鐘
Creatrip獨家優惠🎁
|
「EYEHOLIC&NAIL」係一間位於釜山嘅高級全方位美容中心，由美甲、美睫到蜜蠟修眉都有，所有職員手勢同技術都好有水準，可以一邊體驗韓國最新美容潮流，一邊搵到屬於自己嘅style。而且中心環境夠闊落，大家可以同家人朋友一齊嚟！
💡小編小貼士：建議大家可以去佢哋IG @eyeholicnail.lash.brow睇下參考圖，揀定心水款！
💭EYEHOLIC&NAIL顧客真實評價
★★★★★ serranochen ｜ 🇹🇼 台灣 ｜ 2024.11.25 職員們都很親切，韓文不好也溝通無障礙 |
價錢&款式參考👇🏻
[스팟] EYEHOLIC&NAIL（釜山）
必去韓國美甲/Gel甲店一覽表
咁多間Gel甲鋪唔知道點揀好？等小編幫大家精選5間最多香港人去過都有留低好評，而且連韓國女仔都會定期去嘅鋪頭俾大家比較啦：
店鋪 | 地點 | 價錢 | 推薦 |
弘大 | ₩60,000起 (60000~) | 鍾意精細設計 | |
合井 | ₩44,000起 (44000~) | 希望直接用中/英文溝通 | |
狎鷗亭、 聖水 | ₩66,000起 (66000~) | 想整偶像同款美甲 | |
合井 | ₩45,000起 (45000~) | 想做CP值美甲 | |
釜山 | ₩38,000起 (38000~) | 一大班人去釜山玩 |
※價錢為手部基本單色Gel甲金額，2026.03更新
預約同體驗韓國美甲前小貼士
- 療程時間通常都要1.5~2小時以上，安排行程要注意
- 建議準備想整嘅款式嘅參考圖片，等美甲師可以清楚瞭解你嘅需求
- 加色、款式、配件都可能需要額外俾錢，建議整之前可以問定先
- 付款方式以現金或QR支付為主，有機會可能會唔收卡
- 唔識講韓文可以用翻譯App溝通
- 卸甲通常都會另外收費
韓國嘅美甲店多數係預約制，體驗前諗定想整咩款式就可以更加快開始整，部分Gel甲鋪會提供每月款式，大家可以直接揀就唔需要咁頭痛！
韓國美甲/Gel甲常見問題FAQ
Q1. 韓國Gel甲平均幾多錢？
A：根據店舖、地區、設計難度等價錢會有所差別，不過以下係韓國平均價位（要注意飾品、粉鑽、駁甲、卸甲通常都需要另外加錢）：
單色Gel甲(手) | ₩50,000~90,000 (50000~90000) |
漸變色/法式Gel甲(手) | ₩70,000~110,000 (70000~110000) |
鏡面/貓眼/閃粉等特殊Gel甲(手) | ₩70,000~120,000 (70000~120000) |
簡單設計款Gel甲(手) | ₩90,000~₩150,000 (90000~150000) |
複雜設計款Gel甲(手) | ₩140,000~₩250,000+ (140000~250000) |
單色Gel甲(腳) | ₩60,000~₩100,000 (60000~100000) |
Q2. 韓國美甲係唔係一定平過香港？
A：未必，雖然喺韓國做單色款通常都會平過香港，但如果係做設計款式就會根據設計難度同配件多少而差好遠，最穩陣係直接睇返各美甲店頁面嘅價錢範圍。不過韓國Gel甲鋪通常都會推出每月設計，一個set咁做會平啲！
Q3. 需唔需要預約？可唔可以即日 walk-in？
A：大部分韓國美甲店都係預約制，特別係江南、弘大、明洞呢啲人氣區同週末好容易滿。即日去有機會等好耐甚至唔收客，所以想穩陣做到嘅話建議先預約。
Q4. 指甲好短都可以做到參考相片同款設計？
A：通常可以，但可能要按指甲長度調整設計；有需要嘅話，店員可能會建議你駁甲（需要另外加錢）。
Q5. 韓國Gel甲大概要做幾耐？
A：單色Gel甲一般60–90 分鐘；設計款式/加配飾通常要90-180分鐘；如果要卸甲或駁甲，時間會再長啲。
Q6. 如果預約之後只卸甲得唔得？其他店嘅Gel甲可唔可以卸？
A：多數可以，但每間鋪頭做法唔同，不過通常要加錢同加時，記得預約前先問清楚。
Q7. 指甲已經有崩裂、被扯起等損壞現象，仲可唔可以做到Gel甲？
A：多數都做得，不過視乎指甲損壞程度，可能要做加固/修復/駁甲，有機會需要加收費用。最好預先影張相俾店舖，等專業人士判斷會更準確。
Q8. 韓國Gel甲通常可以維持幾耐？甩咗可唔可以免費去補？
A：一般手部Gel甲可以維持大概2–4 星期，腳部Gel甲就大概 4–6 星期。有冇得補就要視乎每間店政策，例如有啲鋪頭會話如果喺做完後3–7日內出問題可以幫手處理，有啲就會完全冇提供相關服務，建議預約前先問清楚期限同條件。
下次嚟韓國想做Gel甲，不妨可以參考上面呢個list，揀返間最啱你嘅去做啦！
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
