Hello，大家好，我哋係由韓國人每日提供最新韓國旅行資訊嘅Creatrip。
喺韓國唔止明星，連一般女仔都好識打理頭髮！最大原因就當然係因為韓國美容業發展迅速，而且韓國人重視外表，所以特別喺弘大、江南同明洞等呢啲熱門地區，周街都會搵到髮型屋。
今次去韓國旅行想整返個2026年最流行嘅髮型，但唔知整咩款好？今日就等居韓小編幫你整理出韓國女仔平時最常整嘅剪髮、染髮、電髮款式同參考圖，去韓國髮型屋之前記住參考啦！
人氣韓國女生髮型攻略
2026韓國流行女生髮型/髮色
Bohemian Perm(보헤미안펌)
2026流行髮型最大共同點就係自然同唔厚重，呢款Bohemian Perm捲度比普通Hippie Perm低，俾人一種啱啱瞓醒嘅慵懶感覺，同時有懷舊feel，就算唔特登set頭都可以維持到效果。
中長髮Hush Cut(허쉬컷)
Hush Cut係一種高層次髮型，頭頂比較豐盈、髮尾比較薄，營造一種自然嘅空氣感，非常符合2026年韓國美髮潮流趨勢。而比起長髮，韓國女仔會好似IU同Red Velvet Seulgi咁剪中長髮Hush Cut！
Sleek Cut(슬릭컷)
如果想維持長直髮，今年不妨可以考慮整呢款Sleek Cut！呢款髮型主打平滑、光澤、線條同邊緣層次感，比起一刀切嘅直髮，Sleek Cut會沿住輪廓修剪出層次，感覺更特別、有造型感。
Pixie Cut(픽시컷)
Pixie Cut又被稱為精靈短髮，短頭髮嘅女仔們今年可以嘗試剪呢款露耳短髮造型！比起其他短髮造型更加中性同短，可以更強調五官同輪廓，打造更幹練形象。
Violet Red Brown髮色(바이올렛 레드 브라운)
2026年韓國流行髮色當中小編推薦大家可以挑戰Violet Red Brown色！連IVE LIZ都有染嘅呢隻紫紅棕色比起普通啡色更有活力，但又唔會去到鮮紅色咁誇張顯眼，同時可以令皮膚睇落更白同有氣色。想知道更多今年韓國流行髮色可以參考以下文章：
[블로그] 2026年首爾必去染髮Salon推薦
韓國常見女生剪髮髮型&推薦髮型屋
💡去髮型屋之前參考以下圖片同設計， 有鍾意嘅髮型嘅話可以show俾髮型師睇！ |
1. Layered Cut 層次剪(레이어드컷)
 | |
Layered Cut層次剪+ C-Curl電髮 | Layered Cut層次剪+ Border Perm邊界燙髮+ 空氣瀏海 |
 | |
Layered Cut層次剪+ Build Perm建構層次燙+ 空氣瀏海 | Layered Cut層次剪+ Build Perm建構層次燙+ 空氣瀏海 |
Layered cut一向都係韓國女仔經典髮型之一，增加頭髮蓬鬆感同層次感。而且無論係短髮、中長髮定長髮都可以剪，層次亦可以按照你想要嘅效果調整，再搭配電髮同瀏海，可以設計出各種唔同風格嘅髮型！
小編自己本身喺香港都唔會剪層次，但嚟韓國剪過一次之後發現剪完真係會冇咁厚重，人嘅形象都會睇落冇咁死板更自然，終於明白點解咁多韓國女仔都會剪呢個髮型。
2. Hush Cut(허쉬컷)
短髮Hush Cut+ C-Curl電髮+瀏海 | 中長髮Hush Cut+ Build Perm建構層次燙+ 側瀏海 |
 | |
中長髮Hush Cut+ 空氣瀏海 | 長髮Hush Cut+ Elizabeth Perm伊莉莎白捲 |
Hush Cut係近呢幾年最受韓國女仔歡迎嘅髮型之一，喺弘大、聖水或者江南都會成日見到。而頭先都有介紹過，相信2026年Hush Cut仍然會繼續流行落去！
呢個髮型因為Red Velvet Wendy而爆紅，好多人去髮型屋會直接話想剪「Wendy Cut」！Hush Cut髮型上半同下半部層次明顯，髮尾會比較輕薄+有翹度，打造不規則但夠自然嘅感覺，同時可以修飾臉型同減齡，推薦臉型較圓/方或者頭髮比較軟嘅女仔們剪。
3. Hime Cut公主切(히메컷)
 | |
長髮公主切+ 一字瀏海 | 多層次公主切 |
 | |
長髮公主切+ 一字瀏海+漸變染髮 | 長髮公主切 |
講起公主切/姬髮式，大家可能會先諗起日本，但之前秀智喺《Doona!》以呢個造型亮相之後，好多韓國女仔都有跟住潮流去剪公主切！
Hime Cut公主切特色係造型感強，唔會好似Layered Cut咁自然，反而會專登令層次更突出，營造一種時髦又特別嘅感覺，根據剪法仲可以同時塑造可愛同型格一面。
4. Tassel Cut流蘇短髮(태슬컷)
Tassel Cut流蘇短髮+ 側瀏海 | Tassel Cut流蘇短髮+ Sleek Perm柔順直髮燙 |
Tassel Cut流蘇短髮+ 一字瀏海 | Tassel Cut流蘇短髮+ Build Perm建構層次燙+ 一字瀏海 |
就好似呢款髮型個名咁，髮尾會修到好似流蘇咁齊，睇落非常乾淨俐落，係一種好型、好有氣質嘅短髮，好多韓國女明星同Idol都曾經剪過。
特別係演員薛仁雅喺韓劇《社內相親》嗰個造型更加引起一股熱潮，小編身邊好多本身係長頭髮嘅朋友都去咗剪Tassel Cut流蘇短髮！
✨推薦髮型屋：THE DAY'S HAIR
講起喺韓國剪頭髮，咁就一定唔少得弘大嘅THE DAY'S HAIR！之前小編喺IG都有一直見到呢間髮型屋，上次去第一感覺係覺得造型師非常細心，唔單止會詳細瞭解客人需求，更加會反映韓國最新潮流，幫你設計最襯嘅髮型。
小編當時有剪同染，因為髮型師同現場職員都識英文，所以溝通上完全冇問題。髮型師亦都有根據我嘅臉型推薦最近韓國流行嘅髮型俾我，再精心幫我修剪，遮住我塊包包臉XD 成個過程非常舒服之餘，小編都非常滿意效果，私心推薦！
而家透過下面條link預約，最高可享8折優惠，記住唔好錯過啦：
[스팟] THE DAY'S HAIR
韓國常見女生電髮髮型&推薦髮型屋
💡去髮型屋之前參考以下圖片同設計， 有鍾意嘅髮型嘅話可以show俾髮型師睇！ |
1. Build Perm建構層次燙(빌드펌)
中長髮Layered Cut層次剪+ Build Perm建構層次燙 | 中長髮Layered Cut層次剪+ Build Perm建構層次燙+ 側瀏海 |
 | |
及肩短髮+ Build Perm建構層次燙+ 側瀏海 | 中長髮+ Build Perm建構層次燙+ 側瀏海 |
Build Perm建構層次燙主要係做出更蓬鬆同豐盈嘅效果，髮尾通常會用做外翹或者內捲，再剪少少層次，營造自然又女性化嘅形象。小編之前聽髮型師話好多人會再電埋髮根，令頭頂頭髮更豐盈唔會塌，記住呢個小貼士，到時候去到髮型屋同造型師講啦！
2. Hug Perm(허그펌)
 | |
長髮Layered Cut層次剪+ Hug Perm | 長髮Layered Cut層次剪+ Hug Perm+ 空氣瀏海 |
 | |
中長髮Layered Cut層次剪+ Hug Perm+ 空氣瀏海 | 長髮Layered Cut層次剪+ Hug Perm+ 側瀏海 |
Hug Perm顧名思義係會好似抱住塊面咁，係髮尾電一個大C-Curl修飾臉型。呢個髮型通常係長頭髮嘅女仔們做，因為簡單唔花巧，基本上人人都carry 到！
髮型師通常都會建議你配合Layered Cut一齊做，咁樣下面唔會睇落太重、太厚，整體會更輕盈自然。
3. Grace Perm/Elizabeth Perm(그레이스펌/엘리자베스펌)
 | |
中長髮Elizabeth Perm+ 空氣瀏海 | 長髮Elizabeth Perm+ 側瀏海 |
 | |
Grace Perm+ 瀏海 | 層次Grace Perm+ 側瀏海 |
Elizabeth Perm同 Grace Perm 其實好相似，分別在於Elizabeth perm會同時有 S-Curl同C-Curl；而 Grace perm 就只得S-Curl。兩款都可以令頭髮睇落更更飽滿蓬鬆，捲度亦會帶出一種優雅嘅感覺，小編覺得有瀏海同冇瀏海睇落都好唔同，中長髮或者長髮嘅朋友們可以按照自己想整嘅形象揀！
4. Jelly Perm/Hippie Perm(젤리펌/히피펌)
長髮Jelly Perm | 長髮Jelly Perm+ 側瀏海 |
及肩短髮Layered Cut+ Hippie Perm+ 空氣瀏海 | 長髮Layered Cut+ Hippie Perm+ 側瀏海 |
如果大家鐘意比較可愛復古嘅風格，小編推薦大家去電Jelly Perm或者Hippie Perm！呢兩種電髮波紋比較密集，呈現一種自然凌亂美，Hippie Perm相對上更加攣，頭髮會變得更蓬鬆，層次更明顯，係想換個新形象嘅時候可以考慮去整嘅髮型。
5. Sleek Perm(슬릭펌)
Sleek Perm+ 長髮Layered Cut | Sleek Perm+ 一字瀏海 |
Sleek Perm | Sleek Perm+ Layered Cut+ 一字瀏海 |
大家可能未聽過Sleek Perm，但其實就係之前韓國大熱嘅NewJeans長直髮！呢款髮型偏Y2K風格，整體感覺簡約之餘夠時尚。比較特別嘅係因為Sleek Perm追求一種順滑、貼服嘅直髮效果，所以通常都會配合修復髮質嘅護髮療程，令頭髮更柔順！
✨推薦髮型屋：PARKJUN BEAUTY LAB
如果大家想去電返個韓國流行髮型，推薦大家去位於清潭嘅PARKJUN BEAUTY LAB！清潭洞本身就係好多韓國明星成日去整頭髮嘅地方，而呢間髮型屋喺Google嘅評分非常高，無論係韓國人定遊客都經常會去。
PARKJUN BEAUTY LAB主打韓式電髮、髮根電髮同頭皮SPA護理，更加有推出包含呢幾樣療程嘅套餐，等大家可以全方位體驗韓式美髮。
之前小編陪同事去過電頭髮，可能係因為每位髮型師都有超過15年經驗，而且每日都會接待唔少外國客人，所以無論係溝通上定服務都非常高質。小編同事只係講咗自己平時set頭有咩煩惱、想大概整咩類型嘅髮型，髮型師就即刻可以推薦幾款適合佢嘅造型。唔止電髮效果令人滿意，加埋超療癒頭皮SPA療程更加享受，想體驗嘅話記住透過Creatrip預約，享用最高8折優惠！
[스팟] PARKJUN BEAUTY LAB（清潭站店）
韓國常見女生染髮髮色&推薦髮型屋
💡去髮型屋之前參考以下圖片同設計， 有鍾意嘅髮型嘅話可以show俾髮型師睇！ |
春季髮色
Pastel Pink | Electric Blue |
 | |
Natural Brown | Orange Brown |
夏季髮色
 | |
Light Orange | Golden Blonde |
 | |
Rose Pink Sombre | Ash Gray |
秋季髮色
 | |
Ash Brown | |
 | |
Wine Red | Natural Brown |
冬季髮色
Black | |
Matte Brown | Ash Blonde |
特別髮色
1. Secret Two-tone內層染髮
近年唔單止韓國，內層染髮呢種特別染髮款式喺全球各地都非常流行，外層同內層會用兩隻唔同色，通常下層會染得淺色啲，隱約露出嘅對比效果令髮色睇落更特別有個性。呢種頭髮就咁披住同扎起感覺都唔同，如果想染頭髮，但唔想次次都係染單色，不妨可以考慮呢款Secret Two-tone內層染髮！
2. 白金髮/Pastel Tone髮色
白金髮、灰色同埋好似粉紫色咁嘅Pastel Tone色系都係韓國女仔們想染比較大膽嘅髮色嘅時候會揀嘅色，雖然為咗呈現最理想髮色，可能需要漂多一兩次頭髮，不過見到最後出嚟嘅成果相信大家一定會滿意！
無論係小編定小編身邊朋友都一致認為韓國髮型師染髮更加仔細，而且染之前會不斷調較色調同搽幫你保護頭皮嘅藥，務求幫你減少痛楚同達到最佳效果。如果想染特別髮色，建議大家去以下首爾出名染髮&漂髮嘅髮型屋，效果會更有保證！
✨推薦髮型屋
[블로그] 2026 Must-Visit Hair Salons in Seoul For Hair Dye & Bleach
如果唔知自己屬於邊種色調？去韓國髮型屋染頭髮之前不如先去做返個Personal Colour診斷，搵出自己嘅個人色調啦：
[블로그] 韓國Personal Colour中心總整理
預約韓國髮型屋前必知
#1 韓國美髮平均價錢
療程 | 價錢 |
女士剪髮 | ₩20,000~40,000 (20000~40000) |
女士染髮(單色) | ₩80,000~180,000 (80000~180000) |
女士漂髮(1次) | ₩100,000~250,000 (100000~250000) |
女士電髮 | ₩120,000~250,000 (120000~250000) |
女士頭髮護理療程 | ₩40,000~150,000 (40000~150000) |
女士頭皮SPA | ₩60,000~180,000 (60000~180000) |
※2026年數據
※價錢根據地區、髮型師等級、頭髮長度、髮質等因素而不同
#2 好多時都會額外收附加費用
韓國好多髮型屋價錢牌上金額都係短髮價錢，根據頭髮長度、髮質等因素，或者如果需要漂多一兩次頭髮，都會收返你一定嘅附加費用，所以最終金額可能會比你一開始預設嘅價錢貴。建議大家諮詢嘅時候最好先問清楚，以免做咗之後先發現原來要加錢。
如果大家係透過Creatrip預約韓國髮型屋嘅話，可以見到預約頁面上面都有列明額外費用，價錢夠透明，大家可以放心去體驗，唔需要擔心因為係外國人而被收貴。
#3 建議準備定參考圖片
比起髮型名，可以話到俾造型師知道你想整咩髮型嘅最直接方法一定係直接show幾張參考圖片俾對方睇！如果可以嘅話盡量準備多幾張唔同角度嘅相，冇特定想整嘅髮型嘅話就可以搵幾張類似嘅風格相，等髮型師可以準確知道你追求嘅效果。
韓國髮型屋常用句子
韓文 (羅馬拼音) | 中文 |
컷트 하고 싶어요 (keotteu hago sipeoyo) | 我想剪頭髮 |
염색하고 싶어요 (yeomsaek hago sipeoyo) | 我想染頭髮 |
탈색하고 싶어요 (talsaek hago sipeoyo) | 我想漂頭髮 |
파마하고 싶어요 (pama hago sipeoyo) | 我想電頭髮 |
숱 쳐주세요 (sut chyeojuseyo) | 麻煩幫我偷薄 |
층 내주세요 (chung naejuseyo) | 唔該幫我剪層次 |
앞머리 잘라주세요 (ammeori jallajuseyo) | 唔該幫我剪陰(瀏海) |
여기까지 잘라주세요 (yeogikkaji jallajuseyo) | 麻煩幫我剪到呢度 |
이렇게 해주세요 (ireoke haejuseyo) | (一邊show參考圖片一邊講) 我想剪呢個髮型 |
샴푸 해주세요 (shampoo haejuseyo) | 唔該幫我洗頭 |
更多參考單詞&句子👇🏻
[블로그] 韓國髮型屋術語
韓國髮型屋常見問題FAQ
Q1. 可唔可以當日walk-in？
A：部分salon可能可以walk-in，但熱門時段基本上都要預約，尤其係打算做染髮、漂髮、電髮、頭皮SPA等需時較長項目嘅話，都需要提早預約，唔可以直接去。
Q2. 預約嘅時候需唔需要俾訂金？
A：如果係自己上網/IG搵髮型屋，部份髮型屋可能需要，建議預約當時問清楚相關政策。如果係透過Creatrip預約韓國髮型屋，都要先支付一筆訂金，但當日做完療程之後俾錢就會係俾扣除訂金錢後金額，所以完全唔會蝕，亦都唔需要怕好似蝕咗錢俾第三方平台。
Q3. 喺首爾應該預約邊區嘅髮型屋？各區有咩分別？
A：揀髮型屋其中兩個重要因素係要睇自己住宿喺邊同睇下行程大約會去邊。而各個人氣韓國地區嘅髮型屋風格都唔太一樣：
清潭、狎鷗亭（江南） | 可以享受明星級美髮服務，但偏貴 |
弘大、延南、合井 | 外國客人多，溝通相對更方便，新潮得嚟氣氛較輕鬆 |
明洞、鐘路、乙支路 | 交通方便，但髮型屋評價參差 |
聖水 | 新興地區，髮型屋行文青路線 |
Q4. 剪髮、染髮、漂髮、電髮分別需要幾耐？
A：根據現場情況同有冇加其他項目，可能需要更長時間，不過平均嚟講，剪髮需時40-60分鐘、染髮1.5-3小時、漂+染髮3-6小時、電髮2-3.5小時，建議大家可以預留半日時間。
Q5. 韓國髮型屋有冇識講中文/英文嘅髮型師，或者有冇翻譯？
A：髮型屋通常都唔會提供翻譯服務，不過好似弘大、延南等人氣地區同觀光區嘅salon可能會有識講英文嘅職員或者髮型師。如果大家想make sure有冇提供指定語言服務，可以透過Creatrip預約，頁面上會標明！
Q6. 療程係由髮型師親自負責，定會由助手進行部份程序？
A：大部份韓國髮型屋療程都係由髮型師同助手一齊進行，洗頭、吹頭等比較簡單嘅程序會由助手做，而剪髮同上染髮/電髮藥就通常都會由髮型師主理，助手喺隔離幫手。如果介意嘅話建議可以喺現場詢問髮型師。
Q7. 漂髮同電髮可唔可以同一日做？
A：韓國髮型屋基本上都唔會建議同一日漂髮同電髮，特別係如果你髮質受損程度嚴重、之前已經漂過或者髮絲脆弱，通常都會叫你做其中一樣再加頭髮護理療程，以免太傷頭髮。
透過Creatrip預約髮型屋可以...
✅用繁體中文、港幣預約夠方便
✅可享Creatrip客戶獨家優惠價更超值
✅直接幫你聯絡髮型屋，唔識韓文都冇問題
✅預約即可享用Creatrip Buddy 14日免費個人旅行小幫手服務
由短髮到長髮、剪髮到電髮同染髮，以上就係小編為大家整理嘅人氣韓國女生髮型攻略！如果大家下次飛韓國打算去韓國髮型屋整頭髮，記住Save低呢篇blog參考，一齊整返個靚靚韓系髮型啦~
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
