Hello，大家好，我哋係由韓國人每日提供最新韓國旅行資訊嘅Creatrip。
相信大家一定聽過白老師咖啡廳「Paik's Coffee（빡다방）」！最近仲喺新沙開埋麵包店「Paik's Bakery」，價錢一啲都唔貴，Cp值超高，聽到咁小編都親自去咗一轉，睇吓係咪真係咁好食！
Paik's Coffee Bakery（新沙十字路口店）
빽다방 신사사거리점
- 地址：서울 서초구 강남대로 605
- 營業時間：星期一至六07:30 - 20:00、星期日11:00 - 21:00
- 小Tips：首爾地鐵3號線新沙站（신사역）4號出口隔離一樓就係Paik's Coffee Bakery。
Paik's Coffee（빡다방）係餐飲企業家白種元老師所經營嘅韓國連鎖cafe，因為飲品夠大杯，而且價錢唔貴，一直都好受歡迎。最近喺新沙站4號出口，就有一間都係由白老師經營嘅「Paik's Bakery」，主要係研發麵包同賣咖啡，麵包價錢幾乎都係₩4,000以下，相當之抵！
백종원의 요리비책 유튜브
眼利嘅朋友，如果有訂閱白種元老師YouTube Channel應該都會見過佢去過，影片之中佢仲有介紹各款麵包口味，因為份量大，而且價錢比一般連鎖店麵包舖更加平，深受唔少韓國人歡迎。
喺鋪頭門口掛咗一個金色牌，上面寫到Paik's Coffee Bakery理念「呢度係出產新鮮麵包、享有一杯咖啡餘裕Paik's Coffee新沙旗艦店，每日使用新鮮材料精心製作，傳達著特別一切。」，展現白老師心意。
入到去我見到主要用白色去裝修，另一邊仲有超大塊落地玻璃，可以望到街景，雖然內部好大，但只係得6至8張檯，同時現場插座唔多，如果想去叉電或者帶電腦去做嘢，可能要留意吓。
呢度有無人機器，如果只係買嘢飲，可以用佢落單，但如果有麵包，或者只係用現金，咁一定要去櫃檯。
呢度每日嘅麵包都會有唔同口味，所以嚟度會有唔少驚喜。
不過有啲可惜，可能因為Paik's Coffee Bakery所在新沙繁榮商圈，流動率高，小編即使係平日晏晝去到，架上嘅麵包幾乎都賣晒。
而小編今次佢之前都有做足資料搜查，好多人去到都會買拖鞋麵包（巧巴達）都賣晒，所以如果大家之後去，建議11:00 - 13:00去，呢個係麵包啱啱出爐時間，咁樣先唔會好似小編空手而回。
雖然好多都賣晒，不過好彩架上都仲有啲。
蝦藏麵包（새우숨었빵）₩3,000、忌廉芝士大蒜麵包（크림치즈갈릭바게트）₩2,500
聽講會令人食上癮，而且佢韓文名仲改咗「藏有蝦嘅麵包」，令人超好奇！而右邊就係超人氣嘅忌廉芝士大蒜麵包，架上只係得返兩個。
除咗麵包之外，呢度亦都有賣蛋糕，不過都係幾乎賣晒。如果大家之後去，記得要先揀薯仔沙律麵包（감자사라다빵），一個₩3,500，係呢度嘅招牌麵包之一，另外朱古力螺旋麵包（꽉찬 초코소라빵）一個₩2,500，裡面超多朱古力，朱古力控絕對唔可以錯過！
如果想食啲鹹啲嘅麵包，可以試吓網上好多人都推嘅墨西哥辣椒香腸麵包（치즈피뇨 소세지빵），一個₩3,800，充滿肉汁香腸同辣芝士，加埋一齊食真係冇得輸！
艾草糕忌廉麵包（쑥절미 크림빵）₩3,500
艾草一啲都唔苦，好濃郁，好推薦大家可以試吓！
牛油牛角包（버터크로와상）₩3,000
純牛奶紅豆麵包（순우유단팥빵）₩2,500
呢個牛角包一啲都唔普通，超濃牛油味，切開之後見到佢嘅紋路真係好靚，不過味道比想像中淡咗少少，如果加啲果醬或者芝士、火腿一齊食，應該都幾唔錯！另外純牛奶紅豆麵包入面超多餡，小編超鍾意，不過始終量多，一個人食可能會太膩，建議可以同朋友share一齊食！
大家有冇發現呢度嘅麵包幾乎價錢都係₩4,000以下，份量一啲都唔講笑，除咗麵包之外，呢度仲有濃縮咖啡套組（₩8,000）或者杯（₩6,000），上面印有Paik's LOGO同圖案，相當可愛！
之後去開新沙，大家有時間，想搵間Cafe坐下，可以去Paik's Coffee Bakery旗艦店！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
