Hello，大家好，我哋係由韓國人話你知每日最新韓國旅遊資訊嘅Creatrip。
唔知大家有冇聽過慶山呢個地方呢？佢同大邱好近，咖啡明家嘅蛋糕本身就已經好出名，好多外國人去到都會買嚟食，而小編今日想同大家介紹嘅咖啡明家本比平時嘅分店大好多，而且menu都多好多款，鍾意手滴咖啡嘅朋友，更加唔可以錯過！
大邱咖啡廳「咖啡明家本」資訊
- 地址：경상북도 경산시 압량읍 임당로 230
- 營業時間：10:00 - 21:00
大邱咖啡廳「咖啡明家本」推薦理由
- 咖啡明家本比起其他分店有好多特別口味飲品，由手滴咖啡到慶山特產大棗整成嘅大棗鮮奶咖啡都有。
- 佢哋仲會自製好多唔同口味嘅麵包，當日kkosokkoso 麵包（꼬소꼬소）更加一定要食。
- 因為地方夠大，而且光線充足，無論幾時去都唔需要擔心唔夠位，大家可以坐底舒舒服服咁休息。
大邱咖啡廳「咖啡明家本」優惠
- 埋單嘅時候向職員出示優惠券，即可享咖啡九折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
大邱咖啡廳「咖啡明家本」 注意事項
- 部份菜品同價格同其他分店可能會有唔同。
- 10歲以上小童先可以入場。
- 唔允許攜帶寵物入場。
大邱咖啡廳「咖啡明家本 」菜單
菜單 | 價格 |
Micro-lot水滴咖啡 (마이크로랏 핸드드립) | ￦10,000 |
Specialty水滴咖啡 (스페셜티 핸드드립) | ￦7,000 |
熱美式咖啡 (아메리카노 HOT) | ￦5,000 |
明家Cappuccino (명가치노) | ￦6,000 |
金龜里大棗鮮奶咖啡 (금구리 대추라테) | ￦7,000 |
手工士多啤梨蛋糕 (수제 딸기 케이크) | ￦7,500 |
kosokoso麵包 (꼬소꼬소) | ￦6,000 |
大邱咖啡廳「咖啡明家本」介紹
咖啡明家本雖然位置有啲偏遠，要搭的士先會去到，不過由遠處已經可以望到佢嘅存在，特別係聖誕期間，可以見到用白樺樹做嘅聖誕樹，好多人經過都會喺度打卡。
或者如果大家係自駕遊，都可以揸車去，呢度有好多人泊車位。
入口有寫到要10歲以上小童先可以入埸，另外唔可以帶小動物入去。
呢度就係咖啡明家嘅一樓，睇落係唔係好大，而且好整齊呢？其中一個區域仲有擺滿麵包同曲奇，睇見都流哂口水。
1樓有好多位，特別係近落地玻璃窗嘅位，因為光線好，可以影到好多靚相。
1樓同時仲有賣好多咖啡明家原豆同曲奇，有興趣嘅朋友都可以買嚟試。
水滴咖啡係耳掛式出售，不過亦有套裝咁出售，買嚟做手信送俾朋友都唔錯。
- 水滴咖啡袋單售（드립백 단품） ￦1,500
- 水滴咖啡袋 （10個）（드립백 10개입） ￦ 11,500
- 水滴咖啡袋 （30個）（드립백 (30개입）￦37,500
- Sable 伯爵（사브레 얼그레이）￦3,500
- Sable 杏仁（사브레 아몬드）￦3,500
呢度雪櫃會展示多款唔同口味嘅蛋糕，當中士多啤梨蛋糕係最出名，但因為會限制2個人只可以食一件，如果多人去最好買唔同口味分嚟一齊食。
- 牛奶卷（밀크롤） ￦6,000
- Fromage Blanc（프로마쥬 블랑） ￦6,000
- 6種穀類芝士蛋糕（6곡 치즈케이크）￦6,000
- 達克瓦茲（다쿠아즈）￦3,500
大家仲可以喺度睇整水滴咖啡嘅過程，當中咖啡明家本有5種原豆，每款都唔同味同香。
落完單之後，大家就可以上2樓揀位坐，一樣都有好多位。
最後小編叫咗3杯飲品、蛋糕同麵包各一，另外職員仲送咗慶山特產大棗俾小編試。而家就逐一為大家介紹佢哋味道係點啦！
明家Cappuccino (명가치노) ￦6,000
咖啡明家除咗出名士多啤梨蛋糕之外，其實佢哋嘅明家Cappuccino都好出名，兩個一齊食相當夾，上面仲有一層忌廉，如果熱飲當佢融化，就會飲落相當甜，凍飲就會食到好厚嘅忌廉，兩款都好好味。
金龜里大棗鮮奶咖啡 (금구리 대추라테）￦7,000
金龜里大棗鮮奶咖啡只有喺咖啡明家本先有得飲，味道相當特別，喺其他地方從來未試過，大棗甜味相當特別。
Micro-lot水滴咖啡（마이크로랏 핸드드립）￦10,000
Micro-lot咖啡豆係喺咖啡種植園內小規模經營嘅特殊品種優質咖啡豆，所以比平時飲嘅會貴啲，小編揀咗Legendary Gesha原豆，適當嘅酸味，飲完個人都開心啲。
手工士多啤梨蛋糕（수제 딸기 케이크）￦7,500
佢哋嘅士多啤梨蛋糕之會咁出名，係因為佢哋真係落足料，超多士多啤梨，粒粒都好新鮮，而且忌廉唔會太厚，令人食嘅時候超幸福。
kkosokkoso 麵包（꼬소꼬소）￦6,000
kkosokkoso 麵包一樣都好人嚟度都會食，麵包有適量堅果同漿果，同咖啡一齊食好夾，如果本身鍾意食堅果類嘅朋友，都一定要買嚟吓！量多剩咗仲可以外賣拎走。
雖然去嘅過唔算太方便，不過勝在夠靜，而且飲品同甜品種類多，嚟呢度慢慢休息都好唔錯。
點先可以享有大邱咖啡廳：咖啡明家本咖啡消費9折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
大邱咖啡廳「咖啡明家本」前往方法
- 因為咖啡明家本位於慶山市偏遠地區，所以搭大眾交通可能會有啲難去到。
- 建議可以搭大眾交通去到最近地方，之後再搭的士去。
1. 大邱地鐵2號線林堂站落車去1號出口（費用￦1,250）。
2. 1號出口出到嚟之後搭的士。
3. 大約坐８分鐘就會到咖啡明家本（費用約￦5,000）。
以上係大邱咖啡廳「咖啡明家本」嘅介紹，有任何問題請先詳閱呢篇文章。
如果睇完之後有任何問題，或者我哋語意、表示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
