韓國必去8個主題公園

Hello，大家好，我哋係由韓國人話你知每日最新資訊嘅Creatrip。

講到香港可能只得兩個主題公園，但係韓國足足有八個！今日小編一次過整理好俾大家，之後有興趣想去嘅朋友千祈唔好錯過啊！

韓國必去8個主題公園

愛寶樂園_{(에버랜드)}

[스팟] 愛寶樂園全日通門票

[스팟] 愛寶樂園全日通入場券+來回接駁巴士優惠套票

[스팟] 韓瞬間（愛寶樂園室外拍攝）

• 地址：경기 용인시 처인구 에버랜드로 199
• 營業時間：10:00-22:00

愛寶樂園係韓國最出名嘅主題公園，幾乎所有韓國年輕人都去過（唔少中學去學校旅行嘅時候都會去XD）。除咗刺激嘅遊樂設施，仲有唔同主題園區同動物園，集休閒、娛樂、教育於一身，亦係好多外國遊客嚟韓國必去嘅景點。

如果大家想搭公共交通工具，可以搭地鐵去前岱‧愛寶樂園站（전대·에버랜드역）就會去到愛寶樂園，不過車程就大約要兩個鐘... 所以建議大家可以預先一次過買入場券同book接駁車同門票，會平啲又方便。

[블로그] 愛寶樂園總整理

首爾樂天世界_{(롯데월드)}

[스팟] 樂天世界全日通門票

[스팟] 樂天世界+水族館全日通套票 | 首爾必去景點/親子情侶好去處

[스팟] 樂天世界全日通門票 + 感性校服（蠶室總店）

• 地址：서울 송파구 올림픽로 240
• 營業時間：10:00-21:00

樂天世界就係喺蠶室站松理團路附近，要去嘅話相當方便，內部裝修到好似去咗一個童話世界咁，就算唔玩機動遊戲，呢度都有好多值得打卡嘅位！呢度有分室內同室外，大家可以視乎天氣情況揀去邊一度玩。如果大家都追求刺激感，去到一定要玩「亞特蘭提斯」同「搖擺圓盤」。而且附近仲有個水族館，可以順便去埋~

[블로그] 樂天世界總整理

釜山樂天世界_{(롯데월드 어드벤처 부산)}

[스팟] 釜山樂天世界全日通

[스팟] 釜山樂天世界全日通門票+校服租借優惠套餐

• 地址：부산 기장군 기장읍 동부산관광로 42
• 營業時間：10:00-21:00

幾年前新開幕嘅釜山樂天世界係最近釜山最熱門嘅景點之一，如果話首爾樂天世界係冒險同神秘嘅國度，釜山樂天世界就好似童話王國，主題公園鄰近大海同山林，設施都係可愛動物同食物造型，好有特色！

首爾樂園_{(서울랜드)}

[스팟] 首爾樂園&首爾動物園全日券/套票

[스팟] 首爾動物園+空中纜車套票

• 地址：경기 과천시 광명로 181
• 時間：
  • 星期一至四 10:00-21:00
  • 星期五至日 10:00-22:00

首爾樂園可能比較少人聽過，但係其實搭4號線地鐵去首爾大公園站就到，距離首爾非常近！首爾樂園由1988年起營運至今，隔離仲有個動物園，深受韓國人歡迎、適合一家大細嚟玩，每個季節都有唔同慶典、燈光show，記住一定要去搭埋空中纜車！

仁川月尾島主題公園_{(월미 테마파크)}

• 地址：인천 중구 월미문화로 81
• 營業時間：
  • 星期一至五 10:00-21:00
  • 星期六及日 10:00-23:00

月尾主題公園規模唔算好大，但設施應有盡有，好多綜藝都有去過取景，唔需要買入場費，要玩機動遊戲先需要買飛，加上樂園鄰近海岸，可以搭摩天輪欣賞沿岸風光。推薦大家玩完之後，仲可以去附近中國城、月尾文化街行吓，會帶小朋友嘅話就可以去Pororo主題公園！

[블로그] 仁川月尾島&中國城景點推薦

[스팟] Pororo＆Tayo主題樂園門票（仁川月尾島店）

LEGOLAND_{(레고랜드 코리아)}

[스팟] LEGOLAND全日通門票

• 地址：강원 춘천시 하중도길 128
• 營業時間：
  • 星期一至四 10:00-18:00
  • 星期五至日 10:00-19:00

同樣係近年開幕嘅春川LEGOLAND，係全球第十個獲得授權嘅LEGO主題公園。去到就好似行咗入用Lego整嘅城市咁，有好多放大版Lego設施同機動遊戲，好似進入魔幻世界一樣，係適合一家大細去玩！

[블로그] 春川「LEGOLAND」介紹

慶州樂園_{(경주월드)}

• 地址：경상북도 경주시 보문로 544
• 營業時間： 10:00 - 18:00

講到慶州大家可能只會諗到好多韓國文化遺跡，但其實呢度都有一個主題公園，當中就有個係機動遊戲排世界第六，韓國第一個嘅90度直角過山車！係一個會令你嘅肉體同靈魂分離嘅遊樂設施，呢個過山車最大嘅賣點就係有2次90度垂直下降，最高點仲高達63米，係全韓國嘅過山車之中最高！

E-World_(이월드)

[스팟] [可即日預約⏰] 感性校服（大邱E-WORLD店）| 大邱校服租借

[스팟] 🌸大邱E-WORLD櫻花一日遊（釜山出發）

• 地址：대구 달서구 두류공원로 200
• 營業時間：
  • 星期一至四 10:30-22:00
  • 星期五至日 10:00-22:00

大邱市中心都有一個主題公園，位於頭流公園，同樣係大邱地標「83塔」所在地，喺度可以體驗各種有趣遊樂設施，或者單純散步、欣賞春日美景，上到83塔觀景台，可以俯瞰大邱城市全景。

以上8個韓國主題公園，之後大家有冇打算會去邊個呢？

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！