Hello，大家好，我哋係由韓國人每日提供最新韓國旅行資訊嘅Creatrip。
大家知唔知繼濟州島之後第二個大嘅島係邊度呢？佢就係位於韓國東南部慶尚南道嘅巨濟島。近幾年巨濟島因為同統營市由新巨濟大橋（신거제대교）、釜山巨加跨海大橋（거가대교）相連，交通變得更方便，唔少人都嚟觀光。今日小編就帶大家去睇吓巨濟最出名嘅歐式花園「外島（외도）」啦！
Netflix
今年11月由Netflix播出嘅《New World: 虛擬貨幣爭霸戰》都喺度取景！ 李昇基、Kai、金希澈、曹寶兒、朴娜勑等藝人一齊嚟到，要透過做唔同任務去生存。
巨濟「外島」介紹
거제 외도
- 地址：경상남도 거제시 일운면 외도길 17
小編係由巨濟長承浦碼頭，搭觀光船過嚟，途經海金剛，除咗搭接駁船來回票價₩22,000之外，亦須另外附加海金剛下一個行程，「外島」入場費用。
外島行程主要係抵達「外島Botania」，係巨濟60多個荒島之一，由一對夫婦將貧瘠、枯燥嘅岩石島脫胎換骨改為植物園。
1900年前，有第一戶人家嚟呢度定居，而喺外島海上旅遊農園開發之前，亦只有六戶人家喺度生活，以種蕃薯、採集海帶、釣魚等自給自足。但最後喺1972年，島民逐漸離開。
曾經喺首爾做過老師，後嚟喺東大門市場做過布料生意嘅李昌鎬先生，同夫人崔浩淑女士喺1969年七月釣魚嘅時候，遇上風浪，喺外島住咗一晚，亦因為呢個契機，令佢哋發現外島呢個咁靚嘅風景，後嚟佢哋喺外島買屋，經過三年幾時間，再將成個島買落嚟。
同啱啱提到嘅海金剛、外島觀光船行程，一共大約係3個半鐘，但喺外島上足足有兩個鐘自由活動。一開始小編仲擔心兩個鐘唔夠行或者唔識行，但大家可以放心，呢度有地圖，大家跟住行就唔會蕩失路。
韓國觀光公社
島主喺島上配置樹木、正門、廁所、瞭望台、休息室、紀念館、雕像等等，令呢度打造成好似植物園咁。而「外島botania」嘅名係由botani（植物）同utopia（烏托邦）結合而成，亦即係植物烏托邦（樂園）嘅意思。
同我哋一般去開嘅韓式島嶼有啲唔同，嚟度覺得好似去咗外國咁，好有異國風情，外島每年有100萬遊客到訪，亦因為氣候適合栽種植物，所以島上有64種自然植物，以及全球1,000多種珍貴副熱帶植物，喺其他地區好難會見到。
Netflix
之前《New World: 虛擬貨幣爭霸戰》嘅成員仲嚟到睇本月少女嘅表演。
Netflix
外島種咗好多仙人掌、香蕉、橄欖樹等珍貴熱帶植物，加上有12個維納斯雕像，完住好似去咗外國咁。
島上仲有三間小食店，主要係賣雪糕、飲品、咖啡等，同時仲有一間賣紀念品可以行。
外島被清澈大海包圍，每一個角落都可以望到海金剛、紅島、大馬島等。
小編今次去嘅時候，好彩天氣好，可以影到好多靚相，同時喺度有種healing嘅感覺，短暫放咗個假期咁。
跟住指示牌一直行落去，兩邊都被樹木包圍，同另一半喺度影相打卡好浪漫。
最後就要搭返船走，行到盡頭會見到一個燈塔，內部設計好似一個迷宮咁，好特別。
以上就係小編今次去巨濟「外島」嘅特別體驗，喺市區真係好難搵到呢啲自然景觀，之後想搵個地方散心、休息，可以去外島，有一種異國度假嘅感覺
如果有更多想知嘅內容，都可以隨時留言或者dm話俾我哋知：）
Instagram：creatrip.hk
