Hello，大家好 ，我哋係由韓國人每日提供最新韓國旅行資訊嘅Creatrip。
農心為慶祝推出辛拉麵35週年，將辛拉麵嘅辣味重新詮釋，全新創出「辛拉麵炒麵」。 今日20號正式喺韓國推出，計劃8月輸出海外。
辛拉麵推出全新辛炒麵
뉴스1
農心表示今次揀辛拉麵嚟創作新產品，係因為無論韓國，定係國外，冇湯嘅拉麵都受到熱烈歡迎。
조선비즈
農心相關人士表示：「舊年嘅炸醬浣熊麵（炸醬麵+浣熊烏龍麵）獲得世界性嘅人氣，網上有好多運用辛拉麵整成冇湯拉麵嘅方法，例如：玫瑰醬辛拉麵，同kujirai式辛拉麵等等，成為熱潮」，「好多消費者都向農心要求推出炒拉麵形式嘅辛拉麵，為開發辛拉麵增添咗力量」。
新嘅「辛拉麵炒麵」大致保持原來辛拉麵嘅辣度，以史高維爾辣度單位（Scoville Heat Unit，簡稱SHU）測試辣味指數，「辛拉麵炒麵」為3100SHU。一般辛拉麵嘅Scobile指數大概係3400SHU，而好出名嘅三養辣火雞麵為4400SHU。
包裝方面，辛拉麵炒麵分為袋裝同大杯裝兩種，用上適合整成炒麵嘅麵條，又薄又結實。 袋裝麵大概煮2分鐘，大杯裝就煮3分鐘左右，同現時嘅產品相比，煮嘅時間大大減少。 另外，公司方面解釋：熄火攪拌、或者用細火炒30秒，都可以保持原有嘅味道，消費者可以根據自己嘅喜好咁煮嚟食。 湯包方面新加入「辛」字樣嘅紅色魚餅，青菜同香菇，配料比而家嘅辛拉麵多。
뉴스1
1986年推出嘅辛拉麵，今年已經係35週年。 以韓國人鍾意嘅辣味俘虜全國民口味嘅辛拉麵，喺1991年登上拉麵市場嘅頂峯。 2011年推出提高麵同湯嘅品質嘅「黑色辛拉麵」，2019年推出第三個辛拉麵品牌「辛拉麵乾麵」。上年，辛拉麵品牌喺國內外銷售額達到8600億韓元。農心相關人士希望今次新推出嘅「辛拉麵炒麵」可以帶俾大家辛拉麵嘅新魅力，以新嘅辣味標準，引領市場潮流。
心急想買嘅朋友，而家可以喺撳入面嘅link，搵我哋代購㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
