Hello，大家好，我哋係由韓國人每日提供最新韓國旅行資訊嘅Creatrip。
（7月19號更新）
尋日（18號）江陵市長金漢根（김한근）宣佈由19號開始至25號為止，將保持社交距離提升至第四階段，即夜晚6點以前，最多允許4人進行私人聚集，但6點之後，只容許最多2人。
另外，國務總理金富謙宣佈，由今日（19號）開始，非首都圈亦要減少私人聚會嘅人數，限制喺4人以內。佢表示：「首都圈實行一個星期最高階段嘅保持社交距離（第四階段），但確診人數並冇減少，剩低嘅一星期要集中全力進行防疫工作」，同時指責部分團體嘅行為係妨礙防疫，部分職業棒球選手冇遵守防疫守則，聯賽被迫中斷；更有14個宗教團體（包括愛第一教會/사랑제일교회）強行進行面對面禮拜，讓國民擔心，佢指示：「防疫當局一定會根據法律同原則嚴正處理」。
截至19號00時，每日新增確診人數為了1252宗，其中44宗為海外輸入。單係首爾有419名，係歷來星期日最多。每日新增確診人數平均有519名，比上星期多50名。
（7月14號更新）
截至14號00時，新冠肺炎每日新增確診人數再創新高，總共有1615宗（含47宗海外輸入）。鑑於非首都圈嘅確診人數比上星期多出一倍，所以今日政府宣佈，由15號開始，除咗世宗、全羅北道、全羅南道南、慶尚北道維持現時第一階段外，其餘所有非首都圈地區嘅「保持社交距離」將升級為第二階段，濟州島更提升至第三階段。
根據準則，第二階段實施後，私人聚會人數限制最多8人，娛樂設施、K房等只可以營業到夜晚12點，餐廳、咖啡廳喺夜晚12點之後只可以做外賣配送。不過部分地方自治團體考慮到個別嘅防疫情況，進一步加強限制私人聚會同營業時間，例如：世宗、大田、忠北只允許4人聚集；蔚山、濟州就允許6人。全羅北道、全羅南道、慶尚北道等3個地區雖然維持第一階段，但亦自行將私人聚會規模限制到8人。與此同時，大田、蔚山等地嘅娛樂設施，限制營業時間至夜晚11點。
另外，包括婚禮嘅團體活動，人數限制至99名。觀看體育比賽建議實行事前預約制，室內只可容納30%嘅人數，室外可容納50%。宗教活動亦只允許30%嘅人可以參加。
政府決定於下星期一（12號）開始，首都圈（首爾、京畿道、仁川）實施社交距離第4階段。
뉴시스
截至7月9號00時，新型冠狀病毒感染症（COVID-19）新增確診患者人數再創新高，達到1316人（含80名海外輸入個案），只係首都圈就有963人確診，佔咗77.9%，包括首爾545人，京畿道396人，仁川72人。 防疫當局推測，如果以目前趨勢持續落去，今個月尾確診患者將增至1400人，如果進一步惡化，確診患者將可能增至2140人。
연합뉴스
今日（9號）朝早，國務總理金富謙喺政府首爾辦公大樓主持召開應對COVID-19嘅中央災難安全對策本部會議上決定，由7月12號至25號提升首爾圈嘅社交距離至第4階段，為期兩星期，佢表示：「希望大家由今日開始克制私人聚會」，「會繼續禁止喺娛樂場所聚集，暫緩放寬對完成疫苗接種嘅人嘅防疫措施」，另外因為有擴散跡象，提醒首都圈以外嘅地方自治團體都要積極研究調整保持社交距離階段等防疫強化措施。
한겨레
提升至第4階段後，夜晚6點之後只能最多聚集2人，即禁止3人或以上嘅私人聚會，直屬家族聚會亦唔例外。club、hunting酒吧等娛樂場所暫停營業。餐廳、cafe、健身室等公共設施嘅營業時間限制至夜晚10點。學校全面實行遠距教學，建議公共機關或企業居家工作。教會只容許網上形式進行活動，禁止一齊食飯及聚會。只有親屬先可以參加婚同和葬禮，最多只可以有49人。除咗一人示威外，集會、活動將被全面禁止，體育比賽等將以冇觀眾情況下進行。
news1
金總理表示：「而家我哋正處於克服新冠疫情危機嘅最關鍵時刻，要抱住冇退路嘅決心去面對」，「明白今次措施會令商販帶嚟困難，感到好抱歉，雖然好難完全彌補損失，但政府會根據損失補償法，爭取今後最好嘅援助」。
最後金總理再三叮囑：「請克制外出同聚會，任何時候都要嚴守防疫守則，即使冇症狀，都積極去做診斷檢查，保護自己同身邊嘅人」。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
