Hello，大家好，我哋係由韓國人每日提供最新韓國旅行資訊嘅Creatrip。
咖啡已經成為韓國人每日唔可以缺少嘅其中一樣嘢，無論咩時候大家應該都會見到韓國人手上拎住一杯咖啡，今日想同大家一齊了解韓國人飲咖啡嘅習慣！
韓國人飲咖啡習慣
現時社會速度節奏快，好多人根本都冇時間坐低慢慢食早餐，唯一可以解決同最快方法就係飲咖啡，喺韓國Office或者大學附近，特別多Cafe，每朝幾乎有90%嘅人手上都會拎住一杯。
之前MBC亦有報道過，韓國人最常食嘅唔係飯而係飲咖啡。
韓國人一日飲幾多杯咖啡？
根據KOFRUM一項調查，韓國人平均每日飲1.8杯咖啡，每星期飲12.3杯。當比較男性同女性時發現，韓國男性每日平均飲2杯多於女性1.5杯，當中40-64歲中年人飲嘅係最多，一日1.9 杯，另外20～30代同65歲以上亦都有差唔多情況。
韓國人最鍾意飲嘅咖啡係美式咖啡→鮮奶咖啡→朱古力咖啡→泡沫咖啡→焦糖咖啡。而韓國人通常飲咖啡地方分別係Office→屋企→餐廳→Cafe。
韓國人點解咁鍾意飲咖啡？
韓國人點解咁鍾意飲咖啡？應該同大家諗到嘅一樣，接近26%嘅人會希望提神，有20.7%嘅人表示係習慣、15.5%係為咗想同同事有交流、之後就係想提高集中力、因為好味、食完飯之後口乾。
加上韓國賣美式咖啡特別平，大部份嘅售價都唔貴，最平甚至可以去到￦990（唔使7蚊港幣），所以之前嚟韓國旅行，應該都會見到唔少韓國人手上拎一杯。
 |  |
而韓國人一日平均會飲￦4,178，一個月大約用￦12萬買咖啡，當中韓國人一杯咖啡平均係買4千左右。
唔知大家同韓國人飲咖啡嘅習慣又一唔一樣呢？歡迎留言話俾我哋知你嘅睇法。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
