Hello，大家好，我哋係由韓國人每日提供最新韓國旅行資訊嘅Creatrip。
今日新聞報導指出，由聽日晏晝1點開始，可以透過KAKAO或者NAVER APP睇下附近醫療機構仲剩幾多疫苗，同時可以即時預約。
透過App即時預約接種疫苗
會咁做嘅原因，其實係因為目前韓國主要打阿斯利康疫苗，一支開咗之後，最多可以有10個人接種。但唯一條件係，需要喺開封6個小時內打完，如果唔係就冇得用。
因為Kakao同Naver係好多韓國人都會成日用到嘅app，所以如果想接種疫苗嘅人，都可以喺app上打 "잔여 백신" （剩餘疫苗），就可以即時睇附近醫院剩返幾多，之後再即時預約。
用嘅方法好簡單，只要喺Naver Map、Naver、Kakao打"잔여 백신" （剩餘疫苗） ，之後地圖就會顯示附近最近可以接種嘅醫院，大家揀完想去嘅醫院認證完就會收到通知叫大家幾點前要去到，另外Naver上仲有一個功能係，大家可以預先設定而家位置附近嘅5間醫院，如果一開始預約唔到，之後有位都會彈通知出嚟提大家，到時就可以即時預約。
雖然係幾方便，不過有兩種人係唔可以接種疫苗，一係之前已經接受過疫苗嘅人，二係未滿韓國年齡30歲（1992年1月1號之後出生嘅人），同時如果預約咗想取消都要打電話去確認，另外如果冇預約就直接去，都會被取消。
資料來源：SBS 뉴스
如果有更多想知嘅內容，都可以隨時留言或者dm話俾我哋知：）
Instagram：creatrip.hk
