韓國嘅情興恨文化-韓國（Creatrip）

Hello，大家好，我哋係由韓國人每日提供最新韓國旅行資訊嘅Creatrip。

如果對韓國同韓文有認識嘅朋友或者會聽過韓國人會講「정이 많다」或者係「흥이 많다」，直譯可以翻做「多情」同「多興」，前者可以解釋為有人情味，好照顧身邊嘅人，而後者就係好容易就興奮，聽到音樂就忍唔住跳舞之類。可以見到「情」同「興」都唔係啲用一個詞語就可以輕易解釋嘅概念，因為呢兩種情緒連埋「恨」可以話係韓國固有嘅民族情緒嚟，而呢種特徵更影響住而家韓國人嘅思想添。今日就等小編嚟同大家介紹吓，所謂「情」、「興」同「恨」究竟係啲啦！

정（情）

「情」簡單嚟睇可以視為愛嘅一種，愛情、憐憫、同情等等都可以包括喺入面。「情」係一種利他之心，不論係心理上都好，物資上都好，都想為對方付出而不求回報嘅情緒。大睇可以分為家人之間，朋友之間或者係戀人之間嘅情。

BTOB成員旼赫的照片，他被粉絲親切地稱為李多情，展示了一種温柔和有人情味的形象。 미니투데이

（被粉絲稱為李多情 이다정 嘅BTOB旼赫）

喺韓國同「情」有關嘅形容詞有「정이 많다（多情／有人情味）」「정이 없다（無情／冇人情味）」「정떨어지다（冇咗感情／心淡）」同「다정하다（多情／溫柔）」等等，全部都係韓國人成日會用嘅形容詞。

朝鮮詩人金素月的著名詩作杜鵑花，詩中表達了關於愛的情懷及別離的傷感。 일간스포츠

「情」喺唔同嘅文學作品入面都見到佢嘅身影。例如朝鮮詩人金素月（김소월）嘅抒情詩《杜鵑花（진달래꽃）》，呢首詩講述鐘意嘅人離自己而去嘅心情，同時細膩咁表達出對愛人嘅「情」同對於離別而傷感嘅「恨」。

樂天朱古力派情的包裝，意圖傳達韓國人對於情感的深厚連結與温馨回憶。

而家嘅話，講到「情」好多韓國人或者就會聯想到ORION出嘅「朱古力派情」啦，唔單止韓國人鍾意，相信唔少人都買過番香港當手信送俾人。

韓國廣告截圖，廣告中提到“我是你的情”旨在表現情感的重要性。

呢個品牌認為「情」代表嘅係韓國人嘅一部分，所以特別印喺包裝上面，令人一諗到朱古力派就會諗到一啲溫馨嘅回憶，佢哋連廣告都好有「情」嘅味道㗎！

在市場中的韓國婦女們正在一起醃製泡菜，這是一種代表韓國情感文化的集體行為。

강동신문

除此之外，韓國餐廳成日送飲品送嘢食嘅「서비스（service）」；家人朋友眾埋一齊醃泡菜（김장）再送俾身邊嘅人嘅行為等等，都係現代「情」嘅一種！

漫畫插圖，展示女性面對社會壓力，思考著職業和外貌等問題的面對。」

중대신문사

咁聽落「情」好似係個好好嘅文化，不過其實都有第二面。有人會覺得，適當嘅「情」係好，但過量就會變成多管閒事。轉個角度睇「情」都可以視為感情用事，所以「情」都有機會導致唔公平同歧視等等嘅問題添。

흥（興）

至於「興」，就係感到有趣同愉快嘅情緒，亦可以視為同「恨」相反嘅情緒，係化解「恨」嘅一種手段。古代同現代嘅「興」都有啲唔同，但都係同唱歌跳舞等等嘅活動有關。

韓國節目片段中，一位嘉賓表現出興奮不已的樣子，引來歡笑和共鳴。

同「興」有關嘅韓文有「흥이 많다」，亦成日會用「흥이 가라앉지 않다（太多興冷靜唔到落嚟）」同「흥을 주체할 수 없다（控制唔到興）」等等嘅字嚟形容。

古畫中描繪韓國傳統民俗活動盤索裏及農樂，這些活動充滿了興奮和活力。

<판소리 도>（盤索里公演時嘅畫作）在傳統韓國表演中，一位身著韓服的女性在場中演講或表演，聲音悠揚響亮。

以前嘅「興」有盤索里（판소리）同農樂（풍물놀이）。前者係韓國傳統曲藝嘅一種，由一個人坐喺敲鼓，一個人企喺度邊講故事邊唱歌嘅形式進行，而家係聯合國教科文組織指定嘅人類非物質文化遺產之一。

河畔傳統農樂表演，幾位演奏者穿著鮮艷的韓國傳統服裝，正在進行音樂表演。

至於農樂就係幾十個人喺室外用鼓同鑼等唔同樂器，一齊舞蹈同唱歌嘅表演。佢起源自農村，並且喺農民之間變得有名。而家同樣係聯合國教科文組織指定嘅人類非物質文化遺產之一。

韓劇應答1988的劇照，幾位年輕人圍坐在一起飲酒嬉鬧，場面活力盎然，顯示了現代韓國人的興。 <응답하라 1994>

現代嘅「興」嘅話，韓國無數嘅酒game同K-POP都算係「興」嘅一種。如果你鐘意嘅idol突然好high咁狂舞，或者係喺直播狂叫狂唱歌嘅話，而佢又應該唔係飲醉酒嘅話，咁應該係佢暫時控制唔到佢體內嘅「興」啦🤣。

한（恨）

最後一種就係「恨」啦，一樣都係韓國固有嘅情緒。佢意思係對於長時間壓抑情緒而產生嘅情感，可以有憤怒、委屈、可惜等等嘅複雜情緒。呢種情感可以源自於他人或者自己，由對生活、天災、社會制度等等嘅不滿而產生，而呢種不滿透過長時候嘅壓抑就會變成「恨」啦。呢種感情如果冇得從根本得到補償嘅話，係唔會消失嘅。而喺集體倫理意識越係強烈嘅文化圈，呢種情感就會越熱烈同強勢，甚至會影響一個人嘅價值觀同行為添。喺韓文可以用「~ㄴ/는 한이 있다（有恨）」，多數會喺前面加對於啲咩嘢產生咗「恨」，或者係「한이 많다（多恨）」同「한이 쌓이다（積累恨）」等。

電影場景中的一位女性角色，背景下的大雨和造型展示了她心中深厚的恨意和情感壓抑。