Hello，大家好，我哋係由韓國人每日提供最新韓國旅行資訊嘅Creatrip。
夏天除咗可以著背心同T-shirt之外，其實唔少韓妹都好鍾意著恤衫，大家可能會諗著恤衫唔會好熱咩？但韓國有唔少恤衫都係好透氣，大家又會唔會參考之後買嚟試著呢？
韓國流行襯衫介紹
1. 闊V領白色恤衫
白色恤衫係每個女仔衣櫃入面一定唔可以少嘅衫，配褲或裙都得。 最近 Blackpink Lisa、Red Velvet Joy等idol都著呢款闊V領白色恤衫影海報，睇起嚟優雅得嚟帶少少性感。
Red Velvet瑟琪同韓藝瑟都有類似嘅造型，其實只要著上一件闊身嘅白色恤衫，之後攝入牛仔褲入面，就會顯得好有活力同年輕！
2. 碎花恤衫
夏天一定唔少得碎花，佢可以營造一種清爽感覺，望落去又好舒服。 著起碎花嘅衫，成個人都lady啲，連泫雅都好鍾意碎花圖案。
教大家一個揀碎花嘅tips，如果身型稍為少少肉嘅就揀細朵啲嘅碎花，身型比較瘦嘅呢，就揀大朵啲花。 碎花圖案俾人一種好cute同活潑嘅感覺，你又會唔會想入手買返一件呢？
3. 泡泡袖恤衫
預計呢款泡泡袖嘅恤衫將會成為今年嘅流行趨勢，好多韓國明星都著緊。泡泡袖睇起上嚟好可愛，又帶有古典味，仲有啲調皮感。 大家可以試吓學Blackpink Rosé同Suzy咁揀牛仔料嘅恤衫
Davichi李海利同Weki Meki 度延都好鍾意呢款恤衫！
4. 方領恤衫
夏天咁熱，最啱闊領口嘅恤衫，睇起嚟又通風又性感，仲可以突出迷人嘅鎖骨。 Blackpink Rosé著嘅黑色，或者Lovelyz叡仁著嘅豹紋都好靚！
喺韓國好受歡迎嘅方領恤衫同時好注重兩邊袖嘅細節，經典得嚟，又不失現代感。 IU同Suzy著起上嚟好可愛，好有美感！
5. 荷葉領恤衫
呢款襯衫真係好靚！ 每年夏天，荷花領都係大熱， 今年亦都唔例外。 大家可以參考韓藝瑟著嘅有圖案嘅荷花領襯衫，又或者Blackpink Jisoo咁簡簡單單，純白色荷花領恤衫。
呢款恤衫襯裙同褲都好好睇，著上去之後保證令你又sweet又lady。DIA彩娟同Weki Meki度延都有著呢類型嘅恤衫！
6. 薄雪紡恤衫
好多韓妹都鍾意啲望落去溫柔同lady嘅衫，所以雪紡襯衫都好受歡迎。 唔單止旅行時會著，同朋友行街嘅時候都會著。 大家都可以好似泫雅同GFRIEND銀河咁sweet㗎！
以上就係今年夏天好多韓國明星著嘅6大流行恤衫，有冇咩款啱大家心水呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
