Hello，大家好 ，我哋係由韓國人每日提供最新韓國旅行資訊嘅Creatrip。
講到旅行，食嘢或者買嘢可能會係好多人決定去一個地方會睇嘅主要原因，但當中不論男女老少，大家都鐘意去嘅景點就一定係主題公園啦。雖然韓國冇好似香港嘅迪士尼樂園，但同樣有好幾個本士嘅特色主題樂園，當中對香港人最熟悉就一定非愛寶樂園同樂天世界莫屬啦，相信好多人都去過，不過喺尋日（29號）愛寶樂園就傳出一個令人好可惜嘅消息。
인사이트
運行咗四十五年，可以稱得上係代表愛寶樂園嘅「野生動物觀光巴士(safari bus)」，竟然喺嚟緊今年嘅春天就會終止運行！
不過都唔係完全冇咗嘅，只係大家都熟悉嘅老虎造型巴士將會以全新嘅形態重新出現喺我哋面前。
인사이트
愛寶樂園嘅野生動物世界喺1976年以「龍仁自然農園」開幕，當年係韓國國內同全亞洲第一個野生動物樂園，所以對於當時嘅人嚟講，新鮮嘅程度算得上係劃時代嘅主題樂園。
由開幕到而家，一共帶咗八千四百萬個遊客近距離咁觀察野生動物，係好多90後韓國人嘅共同回憶之一，所以愛寶樂園亦都因為今次嘅改變，計劃咗一系列嘅紀念活動。
인사이트
首先，愛寶樂園會將老虎造型嘅觀光巴士放喺野生動物世界入口俾遊客影相留念，亦都會喺SNS進行認證活動。同時都會進行有關呢四十五年嚟觀光巴士造型變遷嘅相展。喺Youtube、Instagram同Facebook上面都有收集緊有關野生動物世界嘅回憶同相片嘅活動，好多網民都分享咗好多自己父母拍拖嗰時嘅故事添。
인사이트
呢架巴士唔單只係韓國嘅共同回憶，相信對好多去過愛寶樂園嘅香港人嚟講，呢個亦都係個好可惜嘅消息。雖然而家冇辦法去韓國睇呢架觀光巴士嘅最後一面，但大家都可以透過愛寶樂園官網同各種SNS留意佢最後嘅消息啊。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
