ASTRO產賀生日cafe介紹-首爾/韓國（Creatrip）

Hello，大家好，我哋係由韓國人每日提供韓國最新旅遊資訊嘅Creatrip。

大家有冇聽過「生日cafe」呢個字呢？應該K-POP粉絲都會好熟悉！生日cafe係粉絲喺自己鐘意嘅明星生日前後，集資包咗成間cafe去舉辦活動。而啱啱過咗嘅3月21號就係ASTRO尹產賀嘅生日，小編週末同朋友見面嘅時候，咁啱佢都要去尹產賀嘅生日cafe，就邀請埋小編一齊去。

小編就寫底咗探訪記俾大家參考，之後有機會加上時間啱嘅話，都到偶像嘅生日咖啡廳體驗一下啦。

地址：서울 마포구 성미산로 150

GIFTED咖啡店外觀，淺粉紅色牆體配上深粉色蝴蝶結裝飾，給人一種如禮物般的感覺。

呢間「GIFTED」cafe位於延南洞，本身就係一個Hot place，呢度嘅主題同佢哋個名一樣，成棟建築都好似係裝飾成禮物盒咁！淡粉紅色嘅外牆，再加上深粉色嘅蝴蝶結係唔係睇落都覺得好可愛呢？

門口仲有一個兔仔牌，聽ASTRO嘅粉絲朋友講，產賀喺粉絲之間嘅花名就係叫兔仔。

咖啡店內部窗口懸掛著HAPPY BIRTHDAY氣球，四周貼滿了明星照片，呈現生日派對的氛圍。

一入到去就會見到有一個窗掛住好大嘅HAPPY BIRTHDAY氣球同貼滿產賀嘅相！嚟到呢度會見到有好多AROHA（ASTRO粉絲名）喺度打卡，因為都幾多人真係有種去咗產賀嘅生日party嘅感覺！

生日cafe內的牆上裝飾著粉紅色的HAPPY BIRTHDAY氣球，周圍是明星的照片。

呢度啲蛋糕都好靚！本身如果喺度叫蛋糕的話，都可以得到小卡，不過因為先到先得，小編相對比較遲去，所以巳經俾其他AROHA攞曬。

桌上擺有兩杯印有卡通兔子圖案的飲品，旁邊有明星照片卡和小卡片做裝飾。

不過小編都叫咗2杯飲品，收到可愛嘅插圖同用產賀自拍裝飾杯套、照片卡同貼紙。只要叫飲品就可以免費得到呢啲小週邊...係唔係覺得喺韓國追星真係特別好呢？

顧客手握著生日cafe的卡片和精美的小物品，背景隱約看到店內裝潢。

以上嘅相係小編朋友之前一個人去其他生日cafe攞嘅週邊！

室內環境擺設著生日裝飾和明星主題的物品，人們在拍照留念。

嚟到呢啲生日cafe又點可以唔打卡呢？雖然小編係其他Idol嘅粉絲，不過見到呢啲週邊產品同產賀實在太可愛，都會忍唔住不斷影完又影。

生日cafe的精美拍照區，鏡框周圍佈滿鮮花，鏡中展示著明星和粉絲留下的合影。

因爲cafe入面人太多，所以影唔到太多相，不過都俾大家睇吓呢度幾個影相區！

貨架上陳列著生日主題的禮品盒，旁邊擺有小型植物和明星照片。

呢個影相區係唔係好靚呢？成塊鏡都有產賀嘅相同花，好啱影相㗎！因為好多人都想影，所以小編都喺度等咗一段時間先影到！

咖啡店門口望向街景，窗户上貼有明星的海報與裝飾。

室內牆上掛滿了祝福生日的氣球和明星照片，粉絲在打卡拍照。

唔單止係呢個影相區，cafe每個角落都有產賀嘅相㗎！所以一定要好細心去睇先唔會走寶。

唔知道大家下次嚟韓國嘅時候，最想去邊個明星嘅生日cafe呢？不妨留言話比小編知！

如果有更多想知嘅內容，都可以隨時留言或者dm話俾我哋知：）

Instagram：creatrip.hk