Hello，大家好，我哋係由韓國人每日提供最新韓國旅行資訊嘅Creatrip。
一直都係以「端正生活」形象嘅東方神起成員允浩因涉嫌違反集合限制命令，正接受警方調查。
NEWSIS尋日（9號）CBS新聞報道指出：「東方神起成員允浩違反首都圈保持社會距離第二階段規定嘅營業限制時間。首爾警察廳以涉嫌違反傳染病預防及管理相關法律（感染病預防法）對允浩立案並進行調查。」
允浩被揭發喺上個月月尾喺首爾江南區清潭洞嘅一間餐廳飲酒飲到凌晨。警方相關人士承認「正在調查當中，有部分係正確」，但表示「尚未移交」。
한국경제TV允浩嘅經紀公司SM娛樂方面就小心翼翼咁表示：「之後會再俾答覆」。
喺韓國新型冠狀病毒影響依然嚴重，所以由上個月15號開始，雖然首都地區社交距離階段被下調至第2階段，但仲有保留禁止5人以上私人聚會嘅規定。另外，餐廳、咖啡廳、練歌廳、Party room同其他娛樂設施等嘅運營時間就限制喺晚上10點。
今日凌晨允浩亦有喺IG上傳道歉文，內容係：
「大家好，我係允浩。一直以嚟都好支持我嘅大家，真心想同大家講聲對唔住。更重要嘅係，因為疫情影響而每日都過得好辛勞同辛苦嘅醫護人員同各位，我真係覺得好對唔住同內疚。因為掛住同朋友傾偈，時間不知不覺咁過去，我冇好好遵守營業時間限制，對於自己呢個行為都好羞愧同嬲，同時亦因為我嘅錯令到大家好失望，我冇好好注意對於呢個行為好後悔同好對唔住。我會好好反省同時徹底遵守防疫方針、無時無刻都會先考慮清楚再行動。再一次想同大家講一聲好對唔住！」
如果有更多想知嘅內容，都可以隨時留言或者dm話俾我哋知：）
Instagram：creatrip.hk
