Hello，大家好，我哋係由韓國人話你知每日最新韓國旅行資訊嘅Creatrip。
以前成日要早起身返學，真係令人想瞓多陣唔願起身，不過而家疫情影響好多人大叫想返都冇得返... 不過如果返學校可以同偶像一班，大家又話幾好呢？大家又知唔知原來以下呢幾位韓國係同班同學呢？
曾經係同班同學嘅韓星
1. Apink 夏榮 & GFRIEND Yerin
夏榮同Yerin未出道嘅時候已經係好朋友，雖然佢哋唔同年份出道，不過當年夏榮先出道，Yerin都有喺sns留言話會一直支持佢！
2. 娜恩 & Weki Meki 度延
同樣係99年出生嘅娜恩同度延，佢哋都係出名超friend，而且仲會一齊去影「人生四格」添！
3. UP10TION 曉悟 & VICTION 韓勢
曉悟同韓勢係一齊讀仁川Yeil高一、二同班，眨吓眼佢哋已經friend咗8年，之前仲一齊拍過V Live添！
4. SEVENTEEN DK & GRIEND Yuju & Oh My Girl 祉呼 & 宇宙少女 程瀟
1boon
雖然係4隊唔同團體，不過可以同一班真係好幸福，記得當DK同Yuju畢業嗰段片，佢哋兩個尷尬嘅打招呼真係好可愛！
5. MAMAMOO 輝人 & 華莎
由中學開始已經係好朋友，佢哋有同一個夢想，最後仲可以同一團出道，真係好似拍戲咁！
6. Block B P.O & WINNER MINO
P.O同MINO係出哂名嘅好朋友，佢哋中學就有同一夢想，為咗做偶像佢哋仲會一齊練歌同減肥，各自出道之後一齊出演《新世遊記》，每次望住佢哋嘅互動真係相當之好笑。
7. HIGHLIGHT 耀燮 & 起光
由同學變為隊友，再由BESAT到HIGHLIGHT，佢哋嘅緣份注定係天生一對～
8. BTS Jimin & Oh My Girl 勝熙
디스패치
勝熙本身同V已經係朋友，因為當時Jimin要轉學同勝熙同班，V就拜托勝熙要好好照顧Jimin，直到而家都會keep住聯絡，真係好令人羨慕。
9. DIA 彩娟 & NCT 在玹
佢哋雖然係同班，不過未算到好friend，在玹有話畢業後都會互相問候，之前喺電台佢哋仲互讚對方添！
10. 邕聖祐 & BTOB 星材
聖祐同星材出名係暖男，佢哋同樣都係跳得又唱，可以同到佢哋兩個同班真係超幸福！
如果可以同佢哋同班，大家又會想入邊一班呢？歡迎大家留言話俾小編聽：）
如果有更多想知嘅內容，都可以隨時留言或者dm話俾我哋知：）
Instagram：creatrip.hk
