Hello，大家好，我哋係由韓國人每日提供最新旅行資訊嘅Creatrip。
國民香蕉奶繼3個月前推出嘅蘋果肉桂味之後，喺早幾日再次宣佈推出奶茶味，聽講味道同喺cafe入嘅味道一模一樣，只係上市幾日，已經引嚟唔少人去搶購！
如果自認係奶茶控嘅你，今次香蕉奶新推出嘅口味，大家又點可以錯過？聽講今次負責人仲表示：「為咗可以畀大家飲到最高質奶茶味，今次我哋真係精心挑選，採用咗75%新鮮牛奶，同市面上嘅RTD奶茶產品相比，係超高水平，而且會好香同好滑。」
小編亦都搵咗韓國網民嘅評價，大部份都表示：「一打開就聞到好香奶茶味，同出面飲嘅真係一模一樣！」、「如果再加啲冰同珍珠，味道完全同貢茶一樣。」、「如果係鍾意飲奶茶嘅你，一定要買嚟試吓」等留言。
原本小編一直都搵咗好幾間都搵唔到，結果今日諗住放棄嘅時候，喺GS25就搵到啦！
小編覺得都幾香奶茶味，不過就甜咗少少...建議飲嘅時候可以加返少少冰，咁就相對冇咁甜。
如果有更多想知嘅內容，都可以隨時留言或者dm話俾我哋知：）
Instagram：creatrip.hk