新奇嘅偶像周邊產品
BTS、BLACKPINK、EXO等各種偶像新奇特別嘅周邊介紹！令你購買慾爆登！
Hello，大家好，我哋係由韓國人每日提供最新韓國旅行資訊嘅Creatrip。
偶像所屬娛樂公司每一次出專輯、搞演唱會、搞粉絲見面會嘅時候，都會推出各種嘅周邊產品，身為Kpop迷又點會錯過呢？代表性周邊產品有應援棒、明信片、T恤等！不過，隨着偶像產業一直發展，周邊產品都一直慢慢變緊，今日就等小編大家同大家一齊嚟了解下新穎嘅偶像周邊啦！
weverse shop, instiz
SHINee帽
呢款帽係2017年SHINee日本Arena Tour Goods銷售嘅週邊商品之一，以為只係一頂好普通嘅帽？咁諗就錯啦！
因為只要放底帽入面嘅內置網的話，就會出現咗成員個樣出嚟。
더쿠
適當咁調整角度影相就可以好似變成SHINee咁，真係一款又新穎又有趣嘅周邊。
車銀優形衣架
크린토피아
大家都應該對ASTRO成員兼演員車銀優唔陌生，佢喺2019年被選爲韓國洗衫專門企業「Crintopia」嘅代言人，佢哋就製作咗好新穎嘅周邊產品。
크린토피아
到底係啲咩？ 就係用車銀優張相製作嘅衣架，用呢個掛衫的話，睇落就好似車銀優著住你件衫咁！
크린토피아
唔少韓國網民表示，車銀優太有型，就算掛住啲好奇怪嘅衫都好，都睇落好好睇🤣
BLACKPINK大富翁
로제 인스타그램
ROSÉ同Lisa喺IG Story upload嘅遊戲真面目係啲咩呢？
yg select shop
就係大富翁啦！ 呢個係BLACKPINK世界巡演周邊產品，入面有好多細節位都刺激咗多位BLINK嘅購買慾望。
yg select shop
遊戲幣上面畫咗BLACKPINK，而任務卡上面就寫住佢哋啲歌詞，同時所有地方都係由BLACKPINK世界巡演嘅城市組成，而遊戲入面用嘅棋仔都係將BLACKPINK應援棒同MV道具形象化，好可愛！
Oh My Girl 餐具套裝
韓國人好鐘意講一句「食咗飯未啊？」嚟代替所有問候，就連偶像喺音樂節目或者活動入面見到粉絲都會成日問。
亦因為咁，只要係加入Oh My Girl 粉絲俱樂部第2期，就可以得到呢個餐具套組周邊產品。
v-live
聽講係爲咗減輕粉絲獨自食飯嘅孤獨感，而製作咗呢個周邊，用佢就好似有Oh My Girl成員陪全自己食飯咁。
TXT 大學學生證+棒球褸
weverse shop 트위터
韓國大學生入學之後，可以按照自己嘅學科去買棒球褸，唔同專業都有唔同設計，係爲咗可以有個歸屬感！
유튜브 TOMORROW X TOGETHER OFFICIAL
BTS嘅直屬後輩TOMORROW X TOGETHER喺今年3月，爲咗迎接出道2週年，以大學概念舉辦咗FANLIVE，大學名為「MOA Campus」，而新生就叫做MOA！學生證同棒球褸都整到好似真嘅咁，所以更加可以刺激購買慾！ 🤩
軍號鏈
全世界只有韓國先可能出現嘅周邊產品，就係「軍號鏈」，軍號鏈係指記錄軍人個人資料嘅金屬材質嘅頸鍊。
sm store
SM娛樂公司爲咗紀念軍隊退伍嘅藝人，Super Junior、SHINee同EXO成員都有！爲咗祝賀大家1年半以嚟漫長嘅等待，真係又適當又新穎嘅周邊產品！
EXO冰塊模具
핫트랙스
仲記唔記得2016年冬天EXO發行嘅冬季專輯《For Life》呢？當時EXO按照冬季專輯嘅概念，以專輯嘅標誌爲基礎製作冰塊模具，作爲周邊產品上市。只要有咗佢，喺屋企就可以輕鬆製作出佢哋嘅標誌！
더쿠
再加上佢可以承受-40~250度嘅溫度，所以真係可以有好多種用途！EXO-L由製作冰塊開始到朱古力同曲奇，甚至製作芳香劑！
MINO杯同吸管
WINNER MINO嘅繪畫實力喺K-POP粉絲之間好出名！而佢都有製作杯同吸管作爲周邊產品上市。
MINO喺韓國開咗一間名爲Osechill嘅咖啡廳，開始出售自己製作嘅杯同吸管，因爲設計好特別又靚，所以同一般嘅杯同吸管周邊感覺完全唔同，用杯嚟欣賞佢最愛嘅設計，真係好新穎！
BTS 層層疊
喺過去防彈影片入面被選爲最有趣嘅影片之一嘅「層層疊遊戲篇」，A.R.M.Y應該都知道呢條片，可以睇到6年前青澀嘅BTS成員好開心咁玩緊，而喺5年之後，BTS亦正式推出咗層層疊嘅周邊產品！
kpopomo
高級嘅皮盒同層層疊積木上面寫咗成員個名，完全係刺激購買慾望！同佢嚟玩都會特別開心！
BTS 寶石十字繡
아이러브페인팅
呢張好似係BTS嘅相，但感覺又有啲唔同？呢個係用「寶石十字繡」做成BTS嘅樣，因爲係要求細心同專注力，所以可以喺屋企好安靜咁獨自完成，呢個都係因為新冠疫情喺韓國新流行之一。
因爲需要花費相當長時間同精力，先可以完成，所以整完會好滿足！小編朋友都買咗BTS嘅寶石十字繡，用成個假期做完之後掛喺間房入面，真係好靚又有滿足感㗎。
以上就係關於K-POP偶像嘅特殊周邊產品介紹，唔知大家又覺得邊個最實用，又或者最想買呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk