Hello，大家好，我哋係由韓國人每日提供最新韓國旅行資訊嘅Creatrip。
喺3月3號（琴日），韓國首次出現AZ疫苗接種之後嘅死亡事例，大韓醫師協會（醫協）會長崔大集表示：「文在寅總統應該喺3月4號（今日）接種輝瑞疫苗，目的係為咗減輕因為接種之後嘅死亡事例而產生嘅不安感。」
YONHAP NEWS
當日下午，崔會長喺自己嘅Facebook上面提到：「目前巳經有兩名因為接種AZ疫苗而死亡嘅個案。」，「文在寅總統係65歲以上，所以唔可以成爲AZ疫苗嘅接種對象，不過都想佢喺4號接種輝瑞疫苗，爲咗可以解除因為疫苗接種而有相關死亡同重症副作用而引起國民嘅不安感做出貢獻。」
NEWSIS
崔會長亦者指出到3月尾爲止嘅首次疫苗接種過程係好重要：「自上個月26號開始接種以嚟，截至到3月尾，韓國計劃接種75萬人份嘅AZ疫苗同6萬人份嘅輝瑞疫苗。 因爲要喺安全性、有效性、迅速性等接種方面去提高國民嘅信任。」佢亦都有講：「發生咗兩宗接種AZ疫苗之後死亡嘅事例，預計國民嘅不安感都會加大。 輝瑞疫苗亦都喺日本發生咗一單死亡案例。」
경상일보
崔會長仲提到：「國家領導人係唔係要接種疫苗、時間等問題上者存在好多爭議」，「我認爲，同疫苗接種相關嘅死亡事件、重症副作用等，導致國民對疫苗嘅不安感達到高潮嘅時候，國家領導人以消除呢種不安爲目的去接種疫苗都係一個好好嘅方法。」
崔會長就當日發生2宗AZ疫苗接種之後嘅死亡事例表示：「目前接種同死亡之間嘅因果性尚未查明」，「對於上述兩宗案例，要仔細調查臨牀資料，必要時會進行屍檢等，驗證係唔係有闗係。」
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
