韓國人冇體臭嘅秘密
聽講99%嘅韓國人都冇體臭？到底係因為啲咩？受到遺傳基因影響？
황요산
a year ago
Hello，大家好，我哋係由韓國人每日提供最新韓國旅行資訊嘅Creatrip。
喺香港，夏天嘅時候成日都會聞到好大陣汗味，喺街上面都仲可以忍到，不過如果喺密封空間入面嘅話，真係會好痛苦。不過大家又知唔知，原來韓國人係冇體臭㗎！今日小編就會帶大家去探究，韓國人點解冇體臭呢個問題！一齊睇落去啦。
韓國人冇體臭嘅秘密
1. 遺傳基因
중앙일보
體臭係由汗腺嘅分泌物同不飽脂肪酸加細菌等相遇之後產生嘅，不過韓國人擁有呢種汗腺分泌嘅G基因嘅人並唔多。
根據英國布裏斯托爾（Bristol）大學研究組透露，G基因主要出現喺歐洲或者非洲人身上，A基因就主要出現喺東亞人身上。 而喺韓國，擁有G基因嘅人口只有2%，亦都係世界上最少嘅比例，G基因嘅特徵之一就係油性耳屎，而大部分韓國人都係乾耳屎。不過都聽講韓國人都有5%至10%嘅人因爲體味而苦惱。 雖然遺傳嘅影響好大，但都有其他因素令佢哋有體臭嘅煩惱。
2. 基因突變
十幾萬年前人類大汗腺嘅基因突變，令大汗腺嘅分泌物減少，大汗腺嘅作用就係用嚟代謝掉一啲脂肪酸同蛋白質，脂肪酸就係上面所提到會引致體臭嘅成因。佢哋將呢個基因代代相傳令韓國人擁有「乾爽基因」，汗線分泌少，自然就體味都減少。
3. 天氣
而且韓國天氣乾爽，唔似香港咁潮濕，自然身體上面嘅分泌物少咗。同埋佢哋比其他人流汗流得少，大家可以喺夏天觀察一下韓國人，就會發現佢哋冇乜汗。
唔知大家會唔會羨慕韓國人咁好可以冇體臭呢？如果大家都鐘意呢一類題材，都可以留言話俾小編知道㗎。
如果有更多想知嘅內容，都可以隨時留言或者dm話俾我哋知：）
Instagram：creatrip.hk