西面「Crash商店」介紹
多種口味牛角包任你揀！10個只需₩9,900！
Hello，大家好，我哋係由韓國人每日提供最新韓國旅行資訊嘅Creatrip。
喺早一排韓國SNS流行興起食「牛角包」，雖然係牛角包，但同大家平時食嘅好唔一樣，呢一間「Crash商店」有好多唔同口味俾大家揀，如果大家都鍾意食麵包之後一定要嚟試吓！
西面「Crash商店」介紹
크라상점
- 西面店地址：부산 부산진구 부전동 198-12
- 營業時間：11:00 - 22:00
- 價格：10個₩9,900
Crash商店之前只有喺韓國嘅南部地區，例如釜山、大邱、慶尚道等可以買到，不過因為佢太有人氣，而家喺首爾都有好多分店（更多分店可以參考文章底部）。
而今次小編去嘅係釜山西面分店，未入去喺門口已經見到好多人喺度排緊隊。
舖頭內部唔大，冇得坐只可以外賣。
入面裝修好簡單，以墨綠色同Q版插圖為主，俾人一種清新感。
佢之所以會咁出名係因為佢有好多唔同口味嘅迷你牛角包，價錢唔算貴，10個只係₩9,900。
楓糖牛角包
佢可以話係原味經典味？上層淋上楓糖糖漿好吸引。
檸檬牛角包
小編食過覺得普普通通，不過就好有檸檬香味，唔會好酸。
（左）士多啤梨牛角包（右）抹茶牛角包
如果鍾意食有餡嘅朋友，一定要試呢一個士多啤梨同抹茶口味，不過大家要小心，因為佢醬都幾多可能會流出嚟。
朱古力醬牛角包
除咗士多啤梨同抹茶口味之外，呢度亦有朱古力醬口味，不過小編就冇揀呢一個，而揀咗下面嗰款朱古力口味。
朱古力牛角包
原本以為呢隻朱古力口味入面都會有餡，不過可惜佢只係得外層有，食落唔會覺得太甜。味道啱啱好。
Pizza牛角包
Pizza口味超多人買，不過小編當時冇買到，如果大家之後試咗，不妨可以留意話俾小編知好唔好味。
堅果牛角包
小編唔太食得出佢嘅味，同原味好似，只係好似多咗層糖霜。
紅豆牛油牛角包
韓國人真係好鍾意將紅豆同牛油整做甜品，小編覺得佢好好味，下次見到都會想再買嚟食。
麻藥粟米牛角包
麻藥粟米口味人氣相當之高，小編個人都好鍾意，如果加熱食會更加好味！
大蒜芝士牛角包
上面呢款係鹹嘅，好香大蒜味，食完之後一直都念念不忘。
黃豆粉牛角包
咁多口味之中，小編個人最唔推薦黃豆粉口味。一方面味道唔太重，二來係黃豆粉太多，食嘅時候小心會濁親。
肉桂粉芝士牛角包
小編冇特別夾呢款，如果大家如果之後有試，可以話俾小編知好唔好食。
10個₩9,900
雖然呢到每一個牛肉包單價都唔一樣，但只要買十個（一盒）就只係需要₩9,900，無論係自己買嚟食，定係想當禮物送俾朋友都好適合！
外賣盒上面仲可以寫收件人同寄件人，好有sense。
鍾意食牛角包嘅朋友，除咗原味之外，大家一定都要試吓其他口味！
分店地址如下：
Crash商店 慶熙大店（크라상점 경희대점）
- 地址：서울 동대문구 경희대로 8
- 時間：11:00 - 20:30、星期日休息
Crash商店 木洞店（크라상점 목동점）
- 地址：서울 양천구 목동서로 57
Crash商店 中央路店（크라상점 중앙로점）
- 地址：대구 중구 국채보상로 580 대현프리몰 C열 11호
- 時間：08:00 - 22:00、第一個星期日休息
Crash商店 東城路店（크라상점 동성로점）
- 地址：대구 중구 동성로6길 16
- 時間：11:00 - 22:00
Crash商店 影島店（크라상점 영도점）
- 地址：부산 영도구 태종로 125 1층
- 時間：11:00 - 21:00、星期日休息
如果有更多想知嘅內容，都可以隨時留言或者dm話俾我哋知：）
Instagram：creatrip.hk