Seventeen珉奎捲入學暴風波

繼穗珍之後再爆校園霸凌？Seventeen方面表示:「珉奎嘅學暴分明係虛假事實……無辦法理解意圖。」

황요산

4 years ago

미니투데이

Hello，大家好，我哋係由韓國人話你知每日最新資訊嘅Creatrip。

＃珉奎＃霸凌？
＃所屬社聲明＃Seventeen

今日（22號），繼人氣女團(G)I-DLE成員穗珍被爆料指涉校園欺凌之後，人氣男團Seventeen成員珉奎，亦都被一名網民上傳咗題爲《男子偶像成員金X圭霸凌》嘅文章。

A某喺文章入面話：「通過穗珍事件得到勇氣，本身都好驚但係見到大家都請求揭露校園暴力嘅評論，所以下定決心。」

珉奎被爆料霸凌

디지틀조선일보

文章嘅作者表示：「我中一嘅時候，有一日放學嘅時候俾一班可怕姐姐叫咗過去進行語言暴力，唔知道當時佢哋係因為無聊定係想出氣，我因為太驚所以喺度喊緊，不過有一個人（金珉奎）由一開始就笑住咁睇住成件事件發生，仲向住我塊面扔可樂樽，打中咗我就一直係度笑。」

嗰位網民仲指：「金珉奎喺P社面試合格之後，以冇車費爲理由，曾經要求佢借5千韓幣俾佢。」

비즈트리본

不過唔夠3個幾鐘就巳經被人delete咗呢篇文，而都有相關人士同《新聞1》表示：「主張涉嫌受到學暴嘅A某聲稱要認證本人，並公開初中嗰時嘅中學相册，不過同珉奎上中學嘅年份唔同。」

同時亦都話：「唔單止係咁，A某寫咗珉奎係喺中三嘅時候被選中做練習生，但珉奎由中二開始巳經就係Pledis嘅所屬練習生。」、「A某嘅主張前後矛盾。」

珉奎嘅所屬公司Pledis喺22號表示：「經過本人確認，呢個學暴事件係毫無事實根據嘅虛假事實」，「無辦法理解到底係邊個、有咩意圖去提出一啲咁嘅主張。」