NEWSIS
Hello，大家好，我哋係由韓國人話你知每日最新資訊嘅Creatrip。
＃金東希＃霸凌？
＃所屬社聲明
琴日（21號），韓國網路論壇出現咗一篇名為「99年演員金東希，暴力加害者」嘅文章，主張自己係金東熙嘅小學同學，仲收集咗同校畢業生嘅手寫信，揭露金東希過去曾犯過學暴。
✨馬上Follow我哋IG
instagram.com/creatrip.hk
金東希被爆料霸凌
맥스무비
金東希之前因為演出電視劇《天空之城》而受到矚目，20年喺《梨泰院CLASS》出演「張根秀」一角，隨後主演Netflix自製影集《人性課外課》，爆炸性演技被譽為韓國新一代嘅實力派男星，所以對於今次嘅學園暴力爆料，韓國網民都覺得好衝擊。
而嗰篇文章嘅作者主張自己係金東希嘅小學同學，表示：「相比起金東希嘅學園暴力事件，而家有學暴爭議嘅人只係「小朋友嘅水準」，以前打人當係日常嘅金東希，堂堂正正咁做演員，受到大眾嘅喜愛，真係令人討厭。」
佢仲預告會再爆料：「同學話要收集更多證據，所以一有就會再上傳。」
Playlist Naver TV
佢仲分享咗同金東希同一間中學嘅B某爆料文章，B某表示：「金東希會將電子煙掛喺頸度或者放喺校服入面，再喺課室入面到食。」、「要殘疾同學挽一啲對佢哋不利嘅遊戲，然後再摑佢哋。」，具體描述咗施暴情況。
引起爭議之後，金東希嘅經紀公司喺22號（今日）表示：「演員本人同學校相關人士確認嘅結果「完全唔係事實」，暗示將會採取法律措施。」
