Hello，大家好，我哋係由韓國人每日提供最新韓國旅行資訊嘅Creatrip。
最近因為受到疫情影響，所以好多人都會選擇留喺屋企，韓國人都係一樣，而且佢哋仲會喺屋企洗好多錢去買居家裝飾，就算係疫情都唔阻礙佢哋嘅想將屋企變靚嘅心。今日小編就會介紹2021年韓國室內裝飾嘅趨勢，如果大家都想改變下自己間房的話，就一定要睇落去啦！
座檯燈
집꾸미기
最近對室內裝修有興趣嘅韓國人一定會擁有一盞燈！適合放喺牀頭櫃或者迷你枱上面嘅尺寸，加上佢隱隱約約嘅燈光係亮點。只要係會發出柔和嘅燈光的話，佢就會令成間房嘅氣氛即刻變得更好，仲可以令住喺房入面嘅人心情變好。
tvN 호텔델루나
喺德魯納酒店入面張滿月嘅辦公室都可以見到檯燈。正如大家所見，雖然唔係好華麗，但係可以作爲點綴嘅單品。
酒店式床上用品
tvN 여신강림
除咗有助於營造氛圍嘅燈之外，一定唔少得嘅就係「床上用品」。唔單止係電視劇，就算係睇韓國人YouTube 嘅日常VLOG，就可以透過佢哋嘅牀上用品就可以大概估到佢主人嘅性格同印象。對於韓國人嚟講都係體現個人喜好嘅一個要素。
집꾸미기
最近喺韓國，溫暖又整潔嘅酒店式牀上用品、冇花紋嘅薄被、格仔花紋被等都好受歡迎！
全身境
오늘의집
雖然睇落掛喺牆上面嘅全身鏡冇咩特別，但實際上巳經具有「完成室內裝飾」一樣嘅存在感。全身鏡唔單止可以令成間房有變闊嘅效果，仲可以增添亮點。
오늘의집
如果想營造出現代、簡潔嘅氣氛，就可以用薄邊方形全身鏡，想要有氣氛又溫暖感覺的話，就可以用原木橢圓形古銅鏡，如果想要有多啲空間用嘅話，可以用同衣架合成嘅全身鏡套裝！
海報
오늘의집
室內裝飾品入面最平最簡單嘅單品就係海報，佢可以盡情表現各自喜好同個性嘅好方法！
집꾸미기
有簡潔現代藝術嘅紙張海報或者布藝海報都好受歡迎，其中最受歡迎嘅設計就係畫有亨利·馬蒂斯圖畫嘅海報或者可愛嘅素描海報。
懶人檯
오늘의집
由於佢可以輕鬆折疊同存放，又可以移動或者改變成間屋嘅氣氛，所以好受韓國人歡迎。
집꾸미기
比起平凡嘅長方形枱仔，最近都出咗唔同形狀嘅枱仔。將簡單嘅枱仔放喺房中間的話，就會有種舒服，溫馨嘅感覺，係屋企必有嘅小物之一！
陶瓷花樽
집꾸미기
最近韓國呢啲陶瓷材質嘅設計真係好流行。
오늘의집
即使淨係做擺設，都巳經靚到好似去咗現代美術館咁，再插枝花嘅話，就俾到人一種清爽嘅感覺。放喺上面介紹嘅枱仔嘅話，真係勁夾勁靚！
AI SPEAKER
tvN 스타트업
大家有冇喺韓劇《Start Up》入面睇到嗰個AI speaker呢？佢嘅設計簡單又時尚，好啱做裝飾，充滿住現代氣息。
而家AI speaker都漸漸成爲咗韓國嘅必備家庭電器之一，最近設計都有好多款，功能好，好啱當做小擺設！
地毯
집꾸미기
同燈一樣都係室內裝飾入門階段嘅必需品，對改變成間房嘅氣氛起到好大作用，特別係好似韓國嘅one room，房、廚房同客廳嘅分界唔係好明確嘅時候，用地毯將空間分隔開，就會顯得更加整潔。
집꾸미기
最近喺韓國，古典波斯圖案嘅大型地毯，仲有迷你地毯，都備受大眾嘅喜愛。大家都可以試下用地毯嚟改變一下間房嘅氣氛！
玻璃置物架
오늘의집
最後一個介紹嘅就係玻璃置物架。以前原木比較受歡迎，不過最近玻璃置物架配上顏色鮮豔嘅地毯組合就特別受歡迎。
오늘의집
呢個單品可以話係有時尚嘅感覺！因為係玻璃嘅關係，可以比普通嘅置物架更加有開闊涼爽嘅感覺。
今日小編就介紹咗2021年韓國最紅嘅室內裝飾品，大家又鐘唔鐘意呢？
大家想買的話都可以透過我哋Creatrip提供嘅代購服務購買，敬請參考！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
