(G)I-DLE穗珍捲入霸凌風波
繼趙炳圭之後再爆校園霸凌？Cube回應：「校園霸凌等內容完全唔係事實」
한국일보
Hello，大家好，我哋係由韓國人話你知每日最新資訊嘅Creatrip。
＃穗珍＃霸凌？
＃所屬社聲明＃(G)I-DLE
尋日（21號），繼《驅魔麵館》男星趙炳圭被爆料指涉校園欺凌之後，人氣女團(G)I-DLE成員穗珍，亦都被一名網民指自己嘅妹妹讀書嗰時曾經受到穗珍欺凌， 聲稱自己嘅妹妹係穗珍嘅中學同學，仲話：「(G)I-DLE穗珍嘅校園暴力事件，終於都要爆發，全世界嘅人都應該要知道。」
✨馬上Follow我哋IG
instagram.com/creatrip.hk
穗珍被爆料霸凌
(G)I-DLE Instagram
文章嘅作者表示，穗珍叫佢妹妹同妹妹嘅朋友去廁所入面然後摑佢哋兩個，之後仲逼佢哋互相摑對方一巴。爆料仲有提到，穗珍用手機send訊息叫所有人都要排擠佢妹妹。
嗰位網民仲指妹妹每次見到(G)I-DLE喺電視出現就會諗返起被欺凌嘅事件，覺得好唔開心，所以決定要公開穗珍嘅惡行，而且仲話：「因爲唔係虛假事實，所以就算起訴我都唔驚。」
(G)I-DLE Instagram
不過穗珍並唔係第一次捲入霸凌爭議， 喺之前一位網民上傳咗一張穗珍初中畢業相，提到話：「穗珍每日身上都有煙味，同一班哥哥一齊飲酒，用無視人嘅眼神同人講嘢，你嘅態度同行為都令我好震驚。」不過嗰篇文章已經delete咗。
面對呢個爆料，「穗珍、校園暴力」都上咗去韓網熱搜，所屬經紀公司娛樂喺今日（17號）發表聲明表示：「爆料者A某嘅妹妹嘅朋友同穗珍透過電話鬧交係事實，但校園霸凌就毫無根據，我哋都將會以強硬應對。」
CUBE娛樂聲明入面提到「首先對喺網上擴散(G)I-DLE 穗珍相關嘅文章進行咗本人確認，文章嘅作者係穗珍上中學嘅時候一位同學嘅姐姐，佢只係聽到穗珍同同學講電話鬧交，之後佢自己同穗珍講電話嗰時又再發生爭執。不過已經確認咗，佢所主張嘅校園霸凌等內容完全唔係事實。」
仲提到：「今後，我哋將對損害旗下所屬藝人聲譽嘅非法行為（散播虛假事實、製作惡意文章）採取刑事訴訟等一切可能嘅措施，並表示唔會對加害者進行寬恕處理，盡全力保護藝人嘅權益。」