《女神降臨》作家突然告白
《女神降臨》作家今日突然宣佈有一個比自己生命更加重要嘅一個仔，坦言係單身媽媽
황요산
4 years ago
Hello，大家好，我哋係由韓國人話你知每日最新資訊嘅Creatrip。
#女神降臨 #告白
#야옹이 #漫畫作家
相信係韓迷嘅大家，早前都一定有睇大熱韓劇《女神降臨》，今日漫畫版嘅作家（야옹이)喺IG突然宣佈自己係一位單身媽媽。
✨馬上Follow我哋IG
instagram.com/creatrip.hk
《女神降臨》作家突然告白
今日（16號）晏晝，《女神降臨》作家喺IG上寫咗一篇好長嘅文，坦言自己有一個比自己生命更加重要嘅一個仔，直認自己係單身媽媽。
簡短版：
作家坦言：「仔仔眨吓眼已經係小學生，佢嘅出世係我嘅原動力，即使每日我都好攰，只要有佢喺身邊幾攰都值得，係佢令我有力量。曾經有段時間我好辛苦要去睇心理醫生，好多謝身邊嘅朋友、屋企人同男朋友一齊陪住我。加上我嘅小朋友學習能力比一般同年成長緊嘅小朋友慢，當時我要一邊拎住畫筆、一邊餵小朋友食飯，甚至有段時間成日要帶佢去覆診，不過我都想同我個仔講聲好多謝佢，即使我唔完美佢一直都係最信我同最愛我嘅人。」
另外，作家亦有表示仔仔同自己外貌同性格都好似，明白湊小朋友可能會好辛苦，但只要見到仔仔笑一啲都唔會再覺得痛苦，反而會想為咗佢更加努力去生活！
作家突然嘅告白，唔少網民反應都大讚「好勇敢啊！要繼續幸福落去」、「好有責任感、堂堂正正好型啊！」、「大發！睇完覺得好欣慰，會一直繼續支持你！」等等留言。
小編都覺得作家好勇敢！希望佢之後可以繼續行花路，所有作品都大發！
✨馬上Follow我哋IG
instagram.com/creatrip.hk